Asomafoɛ 26:11 - AHYERƐLƐ KRONGRON

¹¹ Ndaa ndwene bɛ so wɔ nyianu sua biala nu, na mmɔle mmɔden kyɛ ngɔhyɛ bɛ maa bɛkɔpa bɛ gyidie si ɔ. Me nye borole bɛ so paa maa afei de po ndanene bɛ nye alaa ngondwuli amanvrafoɛ nguro so.

Asomafoɛ 26:11 Iomraidhean Croise

Edwein 102:8

Daa biala, me pɔfoɛ mɔ bɛkã me anyinga; bɛ bɔ bɛgoro me nwo ne, bɛfa me dumaa bɛwa amoen.

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.

Mateo 10:17

Ɛ́mɔnea ɛmɔ nwo yé wɔ kuro sona nwo, ɔnate kyɛ bɛkɔfa ɛmɔ bɛkɔhɔ mbanyi badwa nu, ná bafi ɛmɔ mbire wɔ bɛ nyianu sua mɔ nu.

Marko 13:9

Nakoso ɛmɔ de, ɛ́mɔla ɛmɔ nwo so, ofikyɛ bɛkɔye ɛmɔ bɛkɔma mbanyi badwa, na bɛkɔbo ɛmɔ wɔ nyianu sua mɔ nu. Na ɔnate me ti bɛkɔfa ɛmɔ bekoogyina amrado mɔ ne ahemvo nyunu, na ɛmɔkoli adanzeɛ bekohyire bɛ.

Marko 3:28

Nahorɛ nu, mekã mekyire ɛmɔ kyɛ, “Bɛkɔfa mmenia bɔne, yeɛ musue dwirɛ biala bɔ bɛkɔhã mukoraa bɛkɔhyɛ bɛ,

Luka 15:17

Afei ye nye wale ye nwo so, na ɔhane kyɛ, ‘Apaafoɛ bɔ bɛwɔ me baba awuro ɔ bedidi bɛma bɛ ko yi ma ebie ka, yeɛ me de, ɛhɔen dosa me wɔ wa ye!

Luka 21:12

Nakoso anzana ɛhemɔ amukoraa bekosisi ne, bekoli moa bɛkɔhye ɛmɔ, ná batane ɛmɔ nye, bɛkɔhye ɛmɔ bɛkɔhɔ nyianu sua mɔ nu ne kuku nu, na ɔnate me dumaa ti bɛkɔfa ɛmɔ bekogyina ahemvo ne amrado mɔ nyunu.

Luka 6:11

Nakoso bɛ de, b’ahone huli, na bɛhɔle agyina bɛpenane nikye horɛ bɔ bɛkɔfa bɛkɔyɛ Yesu ɔ.

Asomafoɛ 13:45

Na mmerɛ bɔ Yudafoɛ nemɔ nwuni ɛlɔen ne nen, ɔyɛle bɛ anyeboro, yiti bɛne Pɔɔlo suli edwirɛ bɔ né ɔkã ne nwo aporowaa, na bɛpepɛle ye nzoaa.

Asomafoɛ 18:6

Na sɛ né Yudafoɛ nemɔ bedwɔso betia ye, ná bɛkã musue dwirɛ betia ye a, ye koso ɔporoporo ye ataadeɛ nu kã kyire bɛ kyɛ, “Ɛmɔ bɔbɔ ɛmɔ mogya bɔ ɛmɔ ti so, ofikyɛ me de, menni ye nwo fɔ. Na ofi ɛnɛ bɔ ɔkɔ ɔ, ngɔhɔ Amaenmaensofoɛ mɔ dɔ.”

Asomafoɛ 22:19

Na me koso mmuale kyɛ, ‘Awurade, bɛse ye pefee kyɛ ngɔngyekyele bɛ bɔ bede wɔ bedi ne nguale kuku nu, na mmole bɛ wɔ nyianu sua biala nu.

Asomafoɛ 22:5

na ɔsɔfo panyi paa ɔne badwafoɛ ne amu di me adanzeɛ. Nyane tumi ngrataa mvili bɛ berɛ kyɛ mekwaafa mema me mmango Yudafoɛ bɔ bɛwɔ Damasko. Yiti nzili nu kyɛ mekwaahye berɛ agyidifoɛ na mefa bɛ meba Yerusalem maa bɛtwe bɛ so.

Asomafoɛ 9:1

Sɔ mmerɛ ne, né adwene biala nne Sɔɔlo ti anu te kyɛ anwunanwuna ne kodiawu adwene bɔ ɔfa ko tia Awurade asuafoɛ nemɔ ɔ. Yiti ɔhɔle ɔsɔfo panyi paa ne berɛ

Yakobo 2:7

Aso nna bɛ yeɛ bɛkã musue dwirɛ betia animnyam dumaa bɔ bɛfa bɛfrɛ ɛmɔ ne?

2 Petro 2:16

Nakoso behwili ye nyunu wɔ ye mmeraatolɛ nwo; afupɔngɔ bɔ ɔngora dwudwo ɔ ɔfale sona komvi dwudwole fa sili ngɔmhyɛlɛniɛ ne ngwaseasɛm ne ate.