Asomafoɛ 26:10 - AHYERƐLƐ KRONGRON

¹⁰ Na nikyee bɔ nyɔle ye wɔ Yerusalem hɔ ɛne. Nyane tumi mvili asɔfo mbanyi nemɔ berɛ, na ndole agyidifoɛ pee kuku nu. Né beku bɛ po a, me koso mefoa so kyɛ behũ bɛ.

Asomafoɛ 26:10 Iomraidhean Croise

Edwein 16:3

Krongronfoɛ bɔ bɛwɔ aseɛ ne aso ne, bɛ yeɛ bele animnyam ɔ, ná bɛ nu yeɛ m’anigye amukoraa wɔ ɔ.

Asomafoɛ 7:58

Bɛhwene ye befili kuro ne anu bɛɛborole ye nyɔboɛ. Na adanzefoɛ nemɔ yeyele bɛ ndaadeɛ mane aberandeɛ bie bɔ bɛfrɛ ye Sɔɔlo kyɛ ɔnea so ma bɛ.

Asomafoɛ 8:1

Sɔɔlo penene Setefano hunɛ ne aso. Na ofi sɔ kyẽa ne, bɛhyɛle ye bo kyɛ bɛtane asɔre ne nye anyeborolɛ so wɔ Yerusalem. Yiti agyidifoɛ nemɔ amukoraa bɛbɔle aya bɛhɔle Yudea ne Samaria mbɔtam, maa ɔhale asomafoɛ nemɔ ngome.

Asomafoɛ 8:3

Nakoso Sɔɔlo de, ɔbɔle mmɔden ala kyɛ ɔkɔha asɔre ne; owurawurale awuro mɔ nu hyehyele agyidifoɛ mmienzua ne mmrasua maa bɛfale bɛ beguale kuku nu.

Asomafoɛ 9:21

Ɔyɛle bɛ bɔ bɛtele ye dwirɛ ne amu nwanwa, na bebisale kyɛ, “Aso nna biaa he yeɛ Yerusalem ohuhuni mmenia bɔ bɛbɔ Yesu dumaa ne? Aso nna ɛhe ati yeɛ wawa wa ɔ, kyɛ ɔbaahyehye agyidifoɛ ne fa bɛ kɔma asɔfo mbanyi nemɔ ɔ?”

Asomafoɛ 9:26

Sɔɔlo hɔle Yerusalem, na ɔyɛle kyɛ ɔfa ye nwo bɔ asuafoɛ nemɔ, nakoso bɛ mukoraa besurole ye, ofikyɛ banne ye banni kyɛ ɔte suaniɛ.

Asomafoɛ 9:32

Na ɔwale kyɛ Petro hyinini bɛ mukoraa bɛ so, na ɔɔsrale anwoteefoɛ bɔ bɛwɔ Lida ne koso.

Asomafoɛ 9:41

Petro sɔle ye sa maa odwɔso gyinane berɛ. Na ɔfrɛle agyidifoɛ nemɔ, akunafoɛ mmrasua nemɔ koso boka so, na ɔfale bɔ wawu watingye ne mane bɛ.

1 Korintofoɛ 15:9

Ofikyɛ me yeɛ nde asomafoɛ nemɔ nu kãa paa ɔ; memvata kyɛ bɛfrɛ me somafoɛ, ɔnate kyɛ ndanene Nyameɛ asɔre ne nye.

Galatiafoɛ 1:13

Ɛmɔate me daa brabɔlɛ bɔ né nwɔ nu wɔ Yudasom nu, ɔne kyɛbɔ ndanene Nyameɛ asɔre ne nye anyeborolɛ so, na mmɔle mmɔden kyɛ ngɔsɛkye ye ɔ.

Ɛfesofoɛ 1:1

Pɔɔlo bɔ ɔnate Nyameɛ pɛ so nde Kristo Yesu somafoɛ ne, mefa mebrɛ anwoteefoɛ bɔ bɛwɔ Ɛfeso bɔ bɛte Kristo Yesu nu agyidifoɛ ne.

Nyekyire 17:6

Na nwuni kyɛ anwoteefoɛ mogya ne Yesu adanzefoɛ mogya wabo braa ne; na nwuni ye nen, ɔyɛle me nwanwa paa.