Asomafoɛ 25:6 - AHYERƐLƐ KRONGRON

⁶ Festo lili ɛlɛbɔtwɛ bɔ ɔkɔ eleburu wɔ Yerusalem, na afei osa hɔle Kaesarea. Aleɛ hyene ne, ɔɔtenane ye ndɛenbualɛ bia nu, na ɔmaa bɛɛfale Pɔɔlo bɛwale.

Asomafoɛ 25:6 Iomraidhean Croise

Mateo 27:19

Asa koso, mmerɛ bɔ ɔtenane ndɛenbualɛ bia nu ne, ɔye somane maa bɛɛhã behyirele ye kyɛ, “Nnɛma ndoto biala ba wɔ ne sɔ biaa teneneeniɛ ne b’afia, ofikyɛ, ɔnate ye ti manwu amaneɛ pee wɔ laleɛ nu ɛnɛ kɔngɔen.”

Yohane 19:13

Na Pilato tele sɔ dwirɛ nen, ɔfale Yesu fite wale, na ɔtenane ndɛenbualɛ bia nu, wɔ nekaa bie bɔ bɛfrɛ berɛ Nyɔboɛ Pato nu, bɔ Hebri dwudwolɛ nu bɛfrɛ ye Gabata.

Asomafoɛ 25:1

Festo wale manzini ne anu ne, ye ɛlɛsa ne aso ofili Kaesarea hɔle Yerusalem.

Asomafoɛ 25:10

Na Pɔɔlo buale ye kyɛ, “Ngyi Kaesare bɔbɔ deinn ye kɔɔto, na ɛwa yeɛ ɔsɛ kyɛ bedi me dwirɛ ɔ. Na kyɛbɔ wɔ bɔbɔ ɛse ne, nnyɔle Yudafoɛ bɔne biala.

Asomafoɛ 25:17

Ɛhe ati bɛwale wa nen, mammobɔ edwirɛ ne mando berɛ. Na aleɛ hyene ne, ndenane ase wɔ kɔɔto berɛ, na nyɛle kyɛ bɛfa biaa ne bɛbra.

Asomafoɛ 25:4

Na Festo buale bɛ kyɛ, “Pɔɔlo la kuku nu wɔ Kaesarea, na me bɔbɔ po ɔngɔhyɛ ngosa ngɔhɔ dɔ.

Asomafoɛ 25:5

Yiti ɛ́mɔma ɛmɔ nu mbanyi nemɔ ne me hɔ Kaesarea, na sɛ akoaa ne ayɔ bɔne bie a, babɔ ye kwaadu.”

Asomafoɛ 8:40

Na Filipo de, oofitele Asoto, na ɔpɛ nu kɔ nen, ɔhane nzɛmba ne wɔ nguro ne amukoraati so tonn oodwuli Kaesarea.

2 Korintofoɛ 5:10

Ofikyɛ, odi kyɛ yɛ mukoraa yɛkogyina Kristo ndɛenbualɛ bia ne nyunu. Na bɔ sona biala wayɔ ye wɔ sɔ anwoɔnaen he anu ne, kyɛ paa oo, anaa bɔne oo, okonya ye nwo akatuaa.

Yakobo 2:6

Nakoso ɛmɔbu ehianiɛ animtia! Aso nna sikafoɛ yeɛ bɛhyɛ ɛmɔ so ɔ, aso nna bɛ yeɛ bɛtwe ɛmɔ bɛkɔ badwafoɛ nyunu ɔ?