Asomafoɛ 25:3 - AHYERƐLƐ KRONGRON

³ na bɛsrɛle ye kyɛ ɔlo bɛ ná ɔsoma ma bɛfa Pɔɔlo bɛbra Yerusalem; ɔnate kyɛ né babɔ porɛ kyɛ bɛkɔtɛ ye atunu bekohu ye.

Asomafoɛ 25:3 Iomraidhean Croise

Anyandera 24:15

O, bɔnefoɛ, nnɛtɛ teneneeniɛ wɔ ye awuro, nnɛbɔ apaa wɔ ye nekaa bɔ ɔte ɔ,

Yeremia 18:18

Yeɛ besele kyɛ, “Ɛmɔbra maa yɛbɔ Yeremia nwo porɛ, ofikyɛ mmeraa ne ngotu ngomini ngofi ɔsɔfo berɛ, foɛtulɛ ngotu ngomini ngofi nworɛniɛ berɛ, yeɛ edwirɛ ne koso, ongotu ngomini ngofi ngɔmhyɛlɛniɛ berɛ. Ɛmɔbra maa yɛpɛ dwirɛ yɛto ye so, na nnɛmɔmaa yɛtie ye dwirɛ biala.”

Yeremia 38:4

Yeɛ mbanyi nemɔ hã hyirele ɛhene ne kyɛ, “Yɛsrɛ wɔ, maa behũ akoaa he, ofikyɛ ɔnate ye dwirɛ bɔ ɔkekã kyire bɛ ne aso, obu koɛhonɛfoɛ bɔ baha kuro ye anu, ɔne maen ne amukoraa b’abasa nu. Ofikyɛ akoaa he ɔmbena maen he yé, na mmom ɔpena ye ne tɛɛ.”

Yohane 16:3

Na bɛkɔfa sɔ dwirɛ nemɔ bekoli ɛmɔ, ofikyɛ bennya bennwuni Baba ne anaa me.

Asomafoɛ 9:2

ɔɔsrɛle ye berɛ tumi krataa, bɔ ɔkɔfa kɔhɔ Damasko nyianu sua nemɔ nu, kyɛbɔ ɔkɔyɛ na onwu ebiala bɔ ɔnate Awurade nwo gyidie atee so a, bienzua oo, brasua oo, wahora wahye ye, ná wafa ye wawa Yerusalem.

Asomafoɛ 9:24

nakoso ɔtele bɛ porɛ ne nwo bie. Bɛbɔle kuro n’anoa nemɔ nwo nzra eyia ne kɔngɔen kyɛ bɛ sa kɔha ye na bahu ye ɔ.

Romanfoɛ 3:8

Ebiemɔ to yɛ soen kyɛ yɛnwa, “Ɛ́mɔma yɛyɔ bɔne ná paa fi nu bra.” Na bekobua bɛ ye nwo ndɛen kyɛbɔ ɔfata ɔ.

2 Korintofoɛ 11:26

Matu atee pee na mali amia wɔ nzue so, awuefoɛ sa nu, me bɔbɔ me nwo ama bɛ sa nu, Amaenmaensofoɛ sa nu, kuro nu nningyein suronyi, ɛserɛ so suronyi, ɛpo so suronyi, yeɛ aliɛmaa ngondombofoɛ sa nu.