Asomafoɛ 24:5 - AHYERƐLƐ KRONGRON

⁵ Yanwu kyɛ sɔ akoaa he te busueniɛ bɔ ɔbɔ maen ɔ. Ɔfa manzoen toto Yudafoɛ amukoraa bɔ bɛwɔ ewiase amukoraa b’afia, na ye yeɛ ɔte Nasarɛtefoɛ fekue ne aso panyi ɔ.

Asomafoɛ 24:5 Iomraidhean Croise

Ɛseta 3:8

Yeɛ Haman sele Nana Ahasuro kyɛ, “Manzini amukoraa bɔ bɛwɔ w’ahennie ye anu ye, nu mmenia ne, bɛ nu biemɔ wɔ nu bɔ bɛwɔ manzini nemɔ nu nekaa biala, bɔ bɛ suban te sonongo ɔ. Asora bɛ mmeraa, yeɛ asora mmenia ngaa nemɔ koso bɛ deɛ. Nana, benni wɔ mmeraa so. Nana, ɔtte mayee kyɛ ɛkɔyakyi bɛ maa bɛkɔyɔ sɔ ɔ.

Yeremia 37:13

Odwuli Benyamin pambim ne anu ne, né wɛmvoɛ mɔ so panyi bie bɔ bɛfrɛ ye Yiriya, bɔ ye baba ole Selemia bɔ ye baba ole Hanania ne, ɔwɔ berɛ. Ɔhyele ngɔmhyɛlɛniɛ Yeremia, na ɔhane kyɛ, “Wɔ, ɛnwati fa wɔ nwo kɔbɔ Kaldeafoɛ!”

Yeremia 38:4

Yeɛ mbanyi nemɔ hã hyirele ɛhene ne kyɛ, “Yɛsrɛ wɔ, maa behũ akoaa he, ofikyɛ ɔnate ye dwirɛ bɔ ɔkekã kyire bɛ ne aso, obu koɛhonɛfoɛ bɔ baha kuro ye anu, ɔne maen ne amukoraa b’abasa nu. Ofikyɛ akoaa he ɔmbena maen he yé, na mmom ɔpena ye ne tɛɛ.”

Amose 7:10

Afei Betel sɔfo Amasia tole ngraa ɔɔmane Yisrael hene Yeroboam kyɛ, “Amose abɔ wɔ nwo porɛ wɔ Yisrael awuro ama mɔ nu’. Ye noa dwirɛ ne amukoraa kɔbɔ maen ne.

Mateo 10:25

Yiti sɛ suaniɛ yɛ kyɛ ye kyerɛkyerɛniɛ a, odi kyɛ ɔma ye nye sɔ; yeɛ akoaa koso sɛ ɔyɛ kyɛ ye mene a, odi kyɛ ɔma ye nye sɔ. Na sɛ bafrɛ awuro mene ne Beɛsebul de a, nzaade ɔkɔyɛ sɛɛ bɔ bɛngɔfa dumaa tɛɛ pee bɛngɔfrɛ ye awuro ama ɔ?

Mateo 2:23

Na ɔhɔle kuro bie bɔ bɛfrɛ ye Nasarɛte so ɔɔtenane berɛ. Na ɛhe mane bɔ ngɔmhyɛlɛfoɛ nemɔ hane ne wale nu kyɛ, “Bɛkɔfrɛ ye Nasarɛteniɛ.”

Marko 1:24

“Yesu Nasarɛteniɛ, nzikyɛ yeɛ yɛne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, Nyameɛ ye Krongronniɛ ne.”

Luka 23:19

(Ɔte ebie bɔ né wayɛ lɔen watia awaen ne wɔ kuro ne anu ɔ; afei koso né wali awue; yiti né bafa ye bato kuku nu.)

Luka 23:2

Na bɛhyɛle ye bo bɛbɔle ye kwaadu kyɛ, “Akoaa he, yɛhyele ye kyɛ ɔbɔ yɛ maen ne anwo tokuro, na ɔbera mmenia kyɛ nnɛmaa betua toɔ bɛma Kaesare; afei koso, ɔnwa ye ala ole Ɛhene Kristo ne.”

Luka 23:25

Na ɔyakyili biaa bɔ ɔnate ɛlɔenyɛlɛ ne awuelilɛ ti bafa ye bato kuku nu ne mane bɛ, kyɛbɔ bɛsrɛle ye ne ala; nakoso Yesu de, ɔyele ye mane bɛ kyɛbɔ bɛpena ne.

Luka 23:5

Nakoso bɛhane ye serɛserɛ so kyɛ, “Ɔma mmenia yɛ maen ne anwo lɔen; ɔyɛ sɔ ngyerɛkyerɛ ne wɔ Yudea maen nu amukoraa, na ɔhyɛle ye bo Galilea, yeɛ afei wafa waadwu ɛwa po.”

Asomafoɛ 15:5

Nakoso agyidifoɛ biemɔ bɔ befi Farasiifoɛ fekue ne anu bedwɔso begyinane, na bɛhane kyɛ, “Ɔsɛ kyɛ Amaenmaensofoɛ bɛpɛ bɛ bienzua, ná bɛhyɛ bɛ maa bedi Mose mmeraa ne aso.”

Asomafoɛ 21:28

na bɛteane nu kyɛ, “Yisraelfoɛ ee, ɛmɔbra oo, na sona bɔ ɔnate ɔyɛ ngyerɛkyerɛ kyire mmenia wɔ nekaa biala fa tia Yisraelfoɛ ne Mose mmeraa ne asɔneyɛɛ sua ne ɛhe oo! Na wasa wafa Helafoɛ po wawa asɔneyɛɛ sua ne anu waagua Nekaa Krongron ne nwo fiɛ.”

Asomafoɛ 22:22

Ɛlɔen ne tiele Pɔɔlo tonn maa oodwuli edwirɛ he aso, na afei bɛteateane nu kyɛ, “Behu sɔ akoaa he befi aseɛ ye aso! Ɔnate kyɛ ɔmvata kyɛ ɔtena ase ɔ.”

Asomafoɛ 24:14

Na ɛhe de, mede meto nu wɔ wɔ nyunu kyɛ, Atee bɔ bɛnwa ɔte ngondombo atee ne yeɛ mefa so mesɔne yɛ nana mɔ Nyameɛ ɔ. Yeɛ mede nikyee biala bɔ bahyerɛ ye wɔ Mose mmeraa ne ngɔmhyɛlɛfoɛ nwomaa ne anu medi.

Asomafoɛ 24:4

Na kyɛbɔ ɔkɔyɛ na manzɛkye wɔ mmerɛ ne ati, mesrɛ wɔ ala, wɔ adaworoma, tie yɛ kãa bie.

Asomafoɛ 25:7

Na Pɔɔlo wale ne, Yudafoɛ bɔ befili Yerusalem bɛwale ne, bɛpɛle ye nwo kango, na bɛpepɛle edwirɛ mbirikua pee beguale ye so, bɔ bɛ bɔbɔ po bangora bangyire nu ɔ.

Asomafoɛ 26:5

Bɛse me dada, na sɛ bekoli adanzeɛ po a, ofi ye ahyɛaseɛ ne amukoraa, nde Farisii fekue bɔ odi yɛ som mmeraa so pɛpɛɛpɛ ne anu niɛ.

Asomafoɛ 28:22

Nakoso yɛpena kyɛ ekyire yɛ w’adwene, ɔnate kyɛ yɛse kyɛ nekaa biala mmenia dwudwo tia sɔ som he.”

Asomafoɛ 5:17

Ɔsɔfo panyi paa ne, ɔne bɛ bɔ bɛboka ye so bɔ befi Sadusiifoɛ fekue ne anu ne, bɛ nye borole asomafoɛ nemɔ, yiti bɛyɛle adwene kyɛ bɛkɔyɔ ye nwo nikye.

Asomafoɛ 6:13

Na bɛmane adanzewiafoɛ beegyinane berɛ bɛhane kyɛ, “Sɔ biaa he, ɔnyakyi musue dwirɛ bɔ ɔkekã tia nekaa krongron he ne mmeraa ne;

1 Korintofoɛ 11:19

Yoo, ye nwo kohia kyɛ fekue fekue kɔwa ɛmɔ nu ɔ, na ɛhe kɔma ɛmɔ nu mmenia bɔ bɛnate nahorɛ atee so ne, bɛ nwo kɔla nzorɛ.

1 Korintofoɛ 4:13

Bɛsɛkye yɛ dumaa a, yɛne bɛ nyaka. Yayɛ kyɛ ewiase fiɛ, na yayɛ nningyein mukoraa boso wura maa waadwu ɛnɛ.

1 Petro 2:19

Ofikyɛ ɛhe te animnyam, kyɛ wɔ tiboa se Nyameɛ ti, emia wɔ nye edi aworabɔlɛ enwu amaneɛ bɔ ɔmvata ɔ.