Asomafoɛ 24:27 - AHYERƐLƐ KRONGRON

²⁷ Afoɛ nyɔ asi ne, Pɔkio Festo sili amrado Felise gya nu. Né Felise pena kyɛ ɔyɔ nikyee ma Yudafoɛ ne nye sɔ, yiti ɔmaa Pɔɔlo hale kuku nu berɛ.

Asomafoɛ 24:27 Iomraidhean Croise

Ɛksadɔso 23:2

Nnɛdi mmeni soma si ɛkɔyɔ bɔne. Sɛ édi dwirɛ bie nwo adanzeɛ a, nnɛdi mmeni soma noa dwirɛ si, ná angyea nahorɛ ne;

Anyandera 29:25

Esuro sona a, né asua wɔ nwo ngaen, nakoso ebiala bɔ ɔfa ye wora wura AWURADE nu ne de, ye nwo sonn.

Yeremia 38:13

Yeɛ bɛfale nyamaa ne bɛtwetwene Yeremia bɛyele ye befili abura ne anu. Na Yeremia hale kuku nu aluo berɛ.

Marko 15:15

Né Pilato pena kyɛ ɔyɔ nikyee ma ɛlɔen ne bɛ nye sɔ, yiti ɔyakyili Baraba mane bɛ, nakoso Yesu de, ofini ye mbire, na ɔyele ye mane bɛ kyɛ bɛɛbɔ ye mmeamudua nu.

Asomafoɛ 12:3

Na onwuni kyɛ bɔ wayɔ ne ayɛ Yudafoɛ nemɔ fɛ, yiti ɔtoale so hyele Petro koso. (Ɛhe sili Paanoo Kabrɛdi aluolue mmerɛ ne.)

Asomafoɛ 23:35

ɔhane kyɛ, “Sɛ wɔ kwaadubɔlɛfoɛ nemɔ bɛba a, yeɛ ngotie wɔ noa dwirɛ ɔ.” Na ɔhyɛle kyɛ bɛfa Pɔɔlo besie Herode ahemvie ne anu.

Asomafoɛ 25:1

Festo wale manzini ne anu ne, ye ɛlɛsa ne aso ofili Kaesarea hɔle Yerusalem.

Asomafoɛ 25:14

Belili ngyẽa dɔnn wɔ berɛ ne, Festo fale Pɔɔlo nwo dwirɛ tole ɛhene ne nyunu kyɛ, “Biaa bie wɔ wa bɔ Felise yakyili ye kuku nu ɔ.

Asomafoɛ 25:4

Na Festo buale bɛ kyɛ, “Pɔɔlo la kuku nu wɔ Kaesarea, na me bɔbɔ po ɔngɔhyɛ ngosa ngɔhɔ dɔ.

Asomafoɛ 25:9

Nakoso né Festo kuro kyɛ ɔyɔ nikyee ma Yudafoɛ nemɔ nye sɔ, yiti obisale Pɔɔlo kyɛ, “Ekuro kyɛ ɛkɔ Yerusalem ɛkɔye kwaadu hemɔ noa wɔ me nyunu wɔ dɔ anaa?”

Asomafoɛ 26:32

Na Agripa sele Festo kyɛ, “Sɛ biaa he anga kyɛ okuro kyɛ ye dwirɛ ne dwu Kaesare nyunu de a, ahaa ɔsɛ kyɛ yɛyakyi ye maa ɔkɔ.”

Asomafoɛ 28:30

Afoɛ nyɔ mumua yeɛ Pɔɔlo tenane sua bɔ né ye bɔbɔ otua ye kerɛ nu ɔ, na berɛ yeɛ bɛ bɔ bɛɛsrale ye ne amukoraa bɛwale ɔ.

Galatiafoɛ 1:10

Afei, kuro sona, anaa Nyameɛ yeɛ mepena kyɛ ɔkamvo me ɔ? Anaa mepena kyɛ mesɔ adasa nye? Sɛ kuro sona yeɛ ngu so mesɔ ye nye a, ahaa nnde Kristo akoaa.