Asomafoɛ 24:25 - AHYERƐLƐ KRONGRON

²⁵ Na Pɔɔlo wɔ so bɔ ɔkã tenenee ne anwohyɛsoɛ ne ndɛenbualɛ kyẽa bɔ ɔbaawa ne nwo dwirɛ nen, Felise kunu tetele ye, na osele ye kyɛ, “Kekesaala ye de, kɔ; na sɛ menya ye nwo a, ngɔmaa bɛkɔɔfrɛ wɔ bieku.”

Asomafoɛ 24:25 Iomraidhean Croise

2 Samuel 23:3

Yisrael Nyameɛ adwudwo, Yisrael Nyɔbotaen ne sele me kyɛ, ‘Sona bɔ ɔfa pɛpɛɛpɛyɛlɛ da mmenia noa ne, bɔ ɔfa Nyameɛ surolɛ da bɛ noa ne,

1 Ahemvo 21:27

Ahabo tele sɔ dwirɛ ne nen, osunzuale ye bɔbɔ ye ndaadeɛ nu, na ɔherale ɛsɛen tena. Ɔyɔle akɔngyere, ɛsɛen tena yeɛ ɔfa gurɔle ye nwo ɔ, na olili aworabɔlɛ.

2 Ahemvo 22:19

mmerɛ bɔ ɛtele edwirɛ bɔ nga mvale maen he ɔne nu ama nwo, kyɛ maen ne kɔbɔ ná musue kɔto bɛ ne, ɔnate kyɛ enuni wɔ nwo ná ɛbrɛle wɔ nwo ase wɔ AWURADE nyunu, ná afei esunzuale wɔ ndaadeɛ nu, ná esuni wɔ me nyunu ne ati, me koso mate bɔ aha ne. Bɔ AWURADE kã hɔ ɛne.

Ɛsra 10:3

Yiti kekesaala ye, odi kyɛ yɛne yɛ Nyameɛ yɛyɛ apam, kyɛ yɛ ye nemɔ, bɛ ne bɛ mma mɔ, yɛkɔfoa bɛ maa bekofi yɛ nu bɛkɔhɔ. Me mene, ɛne mmenia bɔ bedi Nyameɛ mmeraa dwirɛ ne aso ne, odi kyɛ yɛyɔ ye sɔ kyɛbɔ mmeraa ne kyire ɔ.

Ɛsra 10:9

Na ɛlɛsa ne sone ne, né bɛ bɔ bɛwɔ Yuda ne Benyamin amukoraa baaboa bɛ noa wɔ Yerusalem. Né ɔte kyẽa bɔ ɔtɔ so aburanyɔ wɔ bosome bɔ ɔtɔ so ngona ne anu. Mmenia ne amukoraa bɛtenatenane dwaa ne aso wɔ Nyameɛ awuro ne anyunu berɛ. Na ɔnate sɔ dwirɛ ne ɔne esue piri bɔ né ɔtɔ ne ati, bɛ nwo wosowosole bɛ.

YOB NWOMAA NE 29:14

Mvale nahorɛlilɛ ngerale, na ɔyɛle me tena, na me ndɛenbualɛ turoloo yɛle kyɛ m’ataadeɛ aguasoɛ ne m’abotire.

Edwein 11:7

Ofikyɛ AWURADE te teneneeniɛ, okuro bra bɔ ɔtengyɛ ɔ; na sona bɔ ɔtengyɛ ne, okonwu AWURADE nyunu.

Edwein 119:120

Ɔnate wɔ nwo suronyi ti, me nwonaen wosowoso me, na mesuro wɔ ndɛenbualɛ ne.

Edwein 45:7

Ekuro tenenee, na ekyi amumuyɛɛ. Ɛhe ati yeɛ Nyameɛ, wɔ Nyameɛ ne, wafa anika ngoo wapopa wɔ maa wabo wɔ mmango mɔ deɛ so ɔ.

Edwein 72:2

Maa ɔfa tenenee obu wɔ maen ne, na ɔfa pɛpɛɛpɛyɛlɛ ɔnea bɛ bɔ bɛyɛ anwumvo ɔ so.

Edwein 99:1

AWURADE di hene, maen maen mɔ, ɛ́mɔma ɛmɔ nwo wosowoso! Ɔte kɛrubim mɔ so; aseɛ, woso!

Anyandera 16:12

Ɔte akyiwadeɛ ma ahemvo kyɛ bɛkɔyɔ bɔne ɔ, ofikyɛ ɔnate tenenee so yeɛ bia ne bo tira ndii ɔ.

Nworɛ Dwirɛhanɛniɛ 11:9

Aberandeɛ, ma wɔ nye gye wɔ wɔ mmerandeɛ nu, nya anigye wɔ wɔ nu wɔ wɔ mmerandeɛ nu. Yɔ bɔ wɔ nye gye ye nwo ɔ ɔne bɔ ɔte wɔ nye so akɔnnɔ ɔ, nakoso nwu ye kyɛ, Nyameɛ kobua wɔ ndɛen wɔ bɔ ɛkɔyɔ amukoraa nwo.

Nworɛ Dwirɛhanɛniɛ 12:14

Ɔnate kyɛ, Nyameɛ kobua yɔleɛ biala nwo ndɛen, bɔ yayɔ ye mvealeɛ nu boka so, kyɛ paa oo, kyɛ tɛɛ oo, okobua ye nwo ndɛen.

Nworɛ Dwirɛhanɛniɛ 5:8

Sɛ enwu kyɛ manzini bie anu besisi ehianiɛ, kyɛ bebua ndɛengyea, ɔne kyɛ bɛkatakata nahorɛ so a, nnɛma sɔ dwirɛ ne yɛ wɔ nwanwa, ofikyɛ panyi bie yeɛ ɔnea sɔ panyi ne so ɔ, na bewura mbanyi paa biemɔ abo.

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Yesaya 1:21

Kuro bɔ né odi nahorɛ ne, nea kyɛbɔ wasi wakakyi gyanderaniɛ ɔ! Ye bɔ ahaa né pɛpɛɛpɛyɛlɛ wayi ye nu tɛkyɛ ne, bɔ ahaa né ɔte tenenee kuro ne, afei de kodiawufoɛ yeɛ bɛwɔ nu ɔ!

Yesaya 16:5

yeɛ bɛkɔfa ahennie bia ne bekotimu berɛ wɔ ɔdɔ nu ɔ, na ɔkɔtena so nahorɛlilɛ nu wɔ Dawide ɛtena sua nu, ɔte ebie bɔ ɔfa pɛpɛɛpɛyɛlɛ obu maen ɔ, na okobua ndɛen turoloo ndɛndɛ.

Yesaya 32:11

Ɛmɔ, mmrasua bɔ ɛmɔ so anu atɔ ɛmɔ ɔ, ɛ́mɔma ɛmɔ nwo wosowoso ɛmɔ, ɛmɔ, mmrasua bɔ ɛmɔ nwo atɔ ɛmɔ ɔ, ɛ́mɔma ɛmɔ kunu tete ɛmɔ, ɛ́mɔdwa ɛmɔ tena bégua bɛ́ma ɛmɔ nwo la so, ná ɛmɔfa ɛsɛen tena bɛ́pɛ ɛmɔ bo.

Yesaya 41:21

AWURADE nwa nyoo: Ɛ́mɔbɔ bɛ nguro, Yakob Hene nwa nyoo: ɛ́mɔhyire edwirɛ ne anu.

Yesaya 55:6

“Ɛ́mɔpena AWURADE si atee, mmerɛ bɔ ɛmɔpena ye a ɛmɔkonwu ye ɔ, ɛ́mɔfa ɛmɔ dwirɛ bɛ́to ye nyunu, mmerɛ bɔ opingye ɛmɔ ɔ.

Yesaya 61:8

Ofikyɛ me, AWURADE, mekuro pɛpɛɛpɛyɛlɛ, mekyi naen yeralɛ afɔleɛ bɔ ɔte awue nikye ɔ, ngogyina pɛpɛɛpɛyɛlɛ so ngɔma bɛ akatuaa, na me ne bɛ yɛkɔyɛ apam afebɔɔ.

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Yeremia 22:3

Bɔ AWURADE kã ɛhe: Ɛ́mɔbua ndɛen turoloo, ná ɛ́mɔyɔ bɔ ɔtengyɛ ɔ. Na ebiala bɔ babɔ ye apoo ne, ɛ́mɔpepɛ bele ye béfi aminɛlilɛfoɛ bɛ sa nu. Nnɛma ɛmɔyɔ bɔne betia ɛwɔfoɛ, ayisiaa anaa kunaniɛ, yeɛ nnɛma ɛmɔsisi bɛ. Afei koso, nnɛma ɛmɔkã mogya bɔ odi be ɔ begua wɔ ɛwa.

Yeremia 23:29

Me dwirɛ ne, aso ɔtte kyɛ see? AWURADE noa dwirɛ ɛne. Anaa ɔtte kyɛ bɔsobaka bɔ obubu nyɔbotaen nu ɔ?

Yeremia 36:16

Na ɔwale kyɛ, bɛtele sɔ dwirɛ ne amukoraa nen, bɛ nwo dwirili bɛ maa ebiala neane obiɛngo nyunu, na besele Baruku kyɛ, “Odi kyɛ yɛfa edwirɛ he amukoraa yɛkɔbɔ Nana amaneɛ.”

Hesekiel 45:9

“AWURADE Nyameɛ nwa nyoo: O Yisrael ahemvo mɔ, wayɛ yee! Ɛ́mɔyakyi asisie ne nhyɛsoɛ ne, ná mmom ɛ́mɔyɔ bɔ ɔte pɛpɛɛpɛ ne bɔ ɔtengyɛ ɔ. Nhyɛsoɛ so bɔ ɛmɔfa bede aseɛ befi me mmenia sa nu ne, ɛ́mɔyakyi, AWURADE Nyameɛ noa dwirɛ ɛne.

Daniel 12:2

Na bɛ bɔ balela wɔ aseɛnwo nnɛterɛ nu ne, bɛ nu pee kotingye, ebiemɔ kɔhɔ daa ngoa nu, yeɛ ebiemɔ wora bɛkɔhɔ animguaseɛ ne nyanzoen bɔ olle ayieleɛ ɔ nu.

Daniel 4:27

Yiti Nana, me foɛ bɔ mebaatu wɔ ye, de to nu: Bɔ bra bɔ ɔtengyɛ ɔ ná yakyi bɔne yɔlɛ; nwu bɛ bɔ bɛyɛ anwumvo ɔ anwumvoin, ná yakyi amumuyɛɛ yɔlɛ, amaa ɔnate so ebiaa né wɔ so anu atɔ wɔ ahyɛ.”

Daniel 5:30

Na sɔ kɔngɔen ne ala, behuni Kaldeafoɛ hene Bɛlsasa.

Hosea 10:12

Ɛmɔlua tenenee bɛ́ma ɛmɔ nwo, ɛ́mɔbu ye wɔ anwumvoinnwunɛ nu, ɛ́mɔso ɛmɔ hɔayeɛ too ne. Ofikyɛ mmerɛ aso kyɛ ɛmɔpena AWURADE si atee ɔ, kɔpem kyɛ ɔkɔwa kɔɔtɔ tenenee nzue kogua ɛmɔ so ɔ.

Hosea 10:4

Bɛkekã edwirɛ mbaen mbaen; bɛta ndaen mbaen mbaen bɛfa bɛyeyɛ apam; yiti ndɛenbualɛ fifi wɔ bɛ nu kyɛ anafranaku, bɔ ofifi kofie so wɔ fieso ɔ.

Hosea 7:5

Yɛ hene ne, ye kyẽa ne, ye mbanyi mɔ bɛnone nzaa bɛyɛle tendaenn; ɔne ngorohoɛfoɛ yeɛ betu nu ɔ.

Amose 5:24

Na mmom odi kyɛ ɛmɔma ndɛenbualɛ turoloo tengyɛ kyɛ asue, ná tenenee ɔsẽ kyɛ asue piri.

Amose 6:12

Aso mbɔngɔ betu amirika wɔ nyɔbotaen so anaa? Aso bɛfa nandwie befundam berɛ anaa? Nakoso ɛmɔama ndɛenbualɛ akakyi ɛborɔ, yeɛ tenenee mma bakakyi anafranaku.

Habakuku 3:16

Ndele nen, me kunu tele me; komviɛ ne mane me noa kekã bɔle so. M’aporɛ nu yɛle me hodwoo, na me nwo wosowosole me. Nakoso ngɔyɛ konn ngɔnwondɛ amaneɛnwunɛ kyẽa ne, kyɛ ɔkɔwa maen bɔ wafa koɛ waateta yɛ ne aso ɔ.

Hagae 1:2

“Asafo AWURADE nwa nyoo: Maen he nwa: Mmerɛ bɔ odi kyɛ yɛsa yɛsi AWURADE awuro ne, onnya oddwuli.”

Mateo 22:5

Na bɛ wora, bamva banyɛ dwirɛ, na besili nu bɛhɔle b’atee; ko hɔle ye fieso, ko oolili ye dwaa,

Yohane 16:8

Na ye de, sɛ ɔba a, ɔkɔma wiase konwu ye mvomsoɛ wɔ bɔne ne tenenee ne ndɛenbualɛ nwo.

Asomafoɛ 10:42

Na ɔhyɛle yɛ kyɛ yɛbɔ nzɛmba ne dawure yɛhyire mmenia mukoraa, ná yɛli adanzeɛ kyɛ, ye yeɛ Nyameɛ aye ye kyɛ ɔyɛ ateasefoɛ ne awufoɛ ndɛenbualɛniɛ ɔ.

Asomafoɛ 17:13

Nakoso mmerɛ bɔ Yudafoɛ bɔ bɛwɔ Tɛsalonika ne bɛtele kyɛ Pɔɔlo waahã Nyameɛ dwirɛ ne wɔ Bɛrea koso nen, bɛwale berɛ bɛɛto beguale mmenia nemɔ so anu bɛsɛkyele b’adwene.

Asomafoɛ 17:2

Na kyɛbɔ né Pɔɔlo taa yɔ ne, ɔhɔle nyianu sua ne anu, na ɔne bɛ yɔle Ahyerɛlɛ ne anu ngyerɛkyerɛ afofikyẽa sɔ alaa pɛen nza.

Asomafoɛ 17:32

Na mmerɛ bɔ bɛtele awufoɛ etingyelɛ nwo dwirɛ nen, bɛ nu biemɔ serele Pɔɔlo; na ebiemɔ koso hane kyɛ, “Yɛkuro kyɛ esa si dwirɛ he aso bieku mmerɛ foforɛ.”

Asomafoɛ 2:37

Na bɛtele sɔ dwirɛ ne nen, opusuli bɛ paa, na bebisale Petro ne asomafoɛ ngaa nemɔ kyɛ, “Aliɛmaa mɔ, nzu yeɛ yɛ́yɔ ɔ?”

Asomafoɛ 24:15

Na anyelasoɛ komapɛ bɔ ɔla berɛ ma me wɔ Nyameɛ nu kyɛ mmenia mukoraa, teneneefoɛ ne bɔnefoɛ, kodwɔso kofi awufoɛ nu ne koso ala yeɛ ɔla berɛ ma bɛ ɔ.

Asomafoɛ 24:26

Né ye nye la so kyɛ Pɔɔlo kɔma ye sikaa ná wayakyi ye, yiti né ɔtaa soma maa bɛkɔɔfrɛ ye maa ɔne ye bɛbɔ ngɔmɔ.

Asomafoɛ 26:28

Na Agripa sele Pɔɔlo kyɛ, “Ɔhale kãa ná ɛmaa nyɛle Kristoniɛ!”

Asomafoɛ 9:6

nakoso dwɔso ná kɔ kuro ne anu dɔ, na bɛkɔhã bɔ ɔsɛ kyɛ ɛyɔ ɔ bekohyire wɔ.”

Romanfoɛ 12:1

Yiti aliɛmaa mɔ, ngyi Nyameɛ anwumvoinnwunɛ so mesrɛ ɛmɔ, kyɛ ɛ́mɔtu ɛmɔ nipadua bésie berɛ kyɛ afɔleɛ bɔ ɔte ase ɔ, bɔ ɔte krongron ná ɔsɔ Nyameɛ nye ɔ, na ɛhe yeɛ ɔte ɛmɔ nyamesom bɔ ɔfata ɔ.

Romanfoɛ 14:12

Yiti yɛ nu biala kobu ye bɔbɔ ye nwo ngondaa kohyire Nyameɛ.

Romanfoɛ 2:16

Yiti kyɛbɔ me nzɛmba ne okyire ne, sɔ kyẽa ne, Nyameɛ kɔfa Yesu Kristo so kobua sona biala ye mvealeɛ nu dwirɛ nwo ndɛen ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

2 Korintofoɛ 5:10

Ofikyɛ, odi kyɛ yɛ mukoraa yɛkogyina Kristo ndɛenbualɛ bia ne nyunu. Na bɔ sona biala wayɔ ye wɔ sɔ anwoɔnaen he anu ne, kyɛ paa oo, anaa bɔne oo, okonya ye nwo akatuaa.

2 Korintofoɛ 6:2

Ɔnate kyɛ ɔnwa: “Mmerɛ bɔ ɔsɛ ɔ nu ndiele wɔ, na mmokale wɔ wɔ ngoalelɛ kyẽa ne. Menwa ɛnɛ te adom mmerɛ, ɛnɛ te ngoalelɛ kyẽa.”

Galatiafoɛ 3:22

Nakoso Ahyerɛlɛ ne kyire kyɛ abɔdeɛ mukoraa wura bɔne bo; kyɛbɔ ɔkɔyɛ ná bafa bɔhyɛ bɔ ogyi Yesu Kristo nu gyidie so ne bama agyidifoɛ ɔ.

Galatiafoɛ 5:23

anwobrɛaseɛ, anwohyɛsoɛ. Mmeraa biala nne berɛ bɔ ɔko tia ɛhemɔ ɔ.

2 Timoteo 4:1

Na Nyameɛ ne Kristo Yesu bɔ ɔbaabua ateasefoɛ ne awufoɛ ndɛen ne, ɔne ye nwo aliyelɛ ne ye ahennie ne, mefa mehyɛ wɔ kyɛ;

Tito 1:8

na mmom ɔsɛ kyɛ ɔma ye nye gye ɛwɔfoɛsolɛ nwo, okuro bɔ ɔte paa, ɔte ebie bɔ ye adwene nu pi, ɔtengyɛ, ye nwo te, ná ole anwohyɛsoɛ ɔ;

Hebrifoɛ 12:21

Na bɔ osili berɛ ne, kyɛbɔ ye suronyi si te ne ati, ɔmaa Mose hane kyɛ, “Mesuro, na me nwo wosowoso me.”

Hebrifoɛ 3:13

Na mmom ɛmɔtutu bɛ nwo foɛ kyẽa biala bɔ bɛfrɛ ye “Ɛnɛ” ne, na bɔne annakalaka ɛmɔ nu biala amma wanyɛ asoserɛ.

Hebrifoɛ 4:1

Yiti kyɛbɔ bɔhyɛ bɔ ɔfa ye nwomelelɛ nu hɔlɛ nwo tɛwɔ berɛ ye de, ɛ́mɔma yɛnea yé ná wamma ye kyɛ ɛmɔ nu biala sa anga ye.

Hebrifoɛ 6:2

asubɔlɛ ahoroɔ nwo ngyerɛkyerɛ, asaa bɔ bɛfa begua sona so, awufoɛ ewutingyelɛ ne ndɛenbualɛ bɔ olle ayieleɛ ne.

Hebrifoɛ 9:27

Na kyɛbɔ ɔsɛ kyɛ kuro sona wu komapɛ twe na ye si ye Nyameɛ bua ye ndɛen nen,

Yakobo 2:19

Yeɛ ede di kyɛ Nyameɛ te komapɛ? Ayɔ nikye, sunzummɔne mɔ po bede bedi, na bɛ nwo wosowoso bɛ.

1 Petro 3:15

na mmom ɛ́mɔma Awurade Kristo ɔyɛ krongron wɔ ɛmɔ ahone nu. Na mmerɛ biala, ɛ́mɔboaboa ɛmɔ nwo bésie, amaa sɛ ebie bisa ɛmɔ dwirɛ fa anyelasoɛ bɔ ɔwɔ ɛmɔ nu ne nwo a, ɛmɔahora baye ye noa bahyire ye wɔ anwobrɛaseɛ ne anidie nu.

2 Petro 1:6

ɛ́mɔfa anwohyɛsoɛ bɛ́foa nimdeɛ so; ɛ́mɔfa animia bɛ́foa anwohyɛsoɛ so; ɛ́mɔfa nyamesom paa bɛ́foa animia so;

1 Yohane 3:10

Na ɛhe yeɛ ɔmaa yɛnwu nzonzoleɛ bɔ ɔla abɔnzam ne Nyameɛ mma b’afia ɔ: ebiala bɔ ɔyɔ bɔ ɔndengyɛ anaa bɔ onguro oliɛma dwirɛ ne, ɔtte Nyameɛ awa.

1 Yohane 3:7

Me ngwadaa mɔ, nnɛmɔma ebiala lakalaka ɛmɔ. Ebiala bɔ ɔyɔ bɔ ɔtengyɛ ne, ɔte tenenee kyɛbɔ Kristo te tenenee ne.

1 Samuel 12:7

Yiti ɛmɔɔgyina wa, maa mmɔ ɛmɔ kwaadu wɔ AWURADE nyunu, wɔ paayɛlɛ mukoraa bɔ AWURADE ayɔ ama ɛmɔ ɔne ɛmɔ nana mɔ ne anwo.