Asomafoɛ 24:10 - AHYERƐLƐ KRONGRON

¹⁰ Amrado ne yɛle kyɛ Pɔɔlo dwudwo, na obuale kyɛ, “Mese kyɛ ɛyɛle maen he aso ndɛenbualɛniɛ ɔ, afoɛ pee awa; yiti ɔyɛ me fɛ kyɛ ngyi wɔ nyunu meye me noa ɔ.

Asomafoɛ 24:10 Iomraidhean Croise

Luka 12:11

“Sɛ bɛfa ɛmɔ bɛkɔ nyianu sua mɔ nu, ndɛenbualɛfoɛ ne mbanyi nyunu a, nnɛma ɛmɔdwenedwene kyɛbɔ ɛmɔkosi bɛkɔye ɛmɔ noa nwo, anaa bɔ ɛmɔkɔhã ɔ nwo;

Luka 12:14

Na Yesu buale ye kyɛ, “Ngyabiaa, nwa yeɛ ɔfale me sili ndɛenbualɛniɛ anaa kyɛfoɛ wɔ ɛmɔ so ɔ?”

Luka 18:2

Osele kyɛ, “Ndɛenbualɛniɛ bie tenane kuro bie aso, bɔ né onzuro Nyameɛ ná ɔmvɛre sona ɔ.

Asomafoɛ 12:17

Ɔfale ye sa nwahane bɛ kyɛ bemua bɛ noa, na ɔhane kyɛbɔ Awurade si yele ye fili kuku nu berɛ ne hyirele bɛ. Na osele bɛ kyɛ, “Ɛmɔhã edwirɛ he behyire Yakobo ne agyidifoɛ ngaa ne.” Na afei ofili berɛ hɔle neka foforɛ.

Asomafoɛ 13:16

Yiti Pɔɔlo dwɔso gyinane, ɔmane ye sa so hyirele kyɛ bɛyɛ dinn, na osele bɛ kyɛ, “Aliɛmaa mɔ Yisraelfoɛ ne Amaenmaensofoɛ mukoraa bɔ besuro Nyameɛ ɔ, ɛmɔyɛ asoɛ betie me!

Asomafoɛ 18:15

Nakoso kyɛbɔ waayɛ edwirɛ, ɔne dumaa ne ɛmɔ bɔbɔ ɛmɔ mmeraa nwo aporowaasulɛ ye de, ɛmɔ bɔbɔ beesiesie; na edwirɛ sɔaa mɔ de, mengɔyɛ ye nwo ndɛenbualɛniɛ!”

Asomafoɛ 19:33

Na mmenia ne bie susuli kyɛ Aleksandro se edwirɛ ne nwo bie, ɔnate kyɛ né Yudafoɛ ne ahwe ye aagyina anyunu kyɛ ɔye dwirɛ ne noa. Aleksandro mane ye sa so hyirele mmenia ne kyɛ bɛyɛ dinn, na ɔyɛle kyɛ ɔye dwirɛ ne noa.

Asomafoɛ 21:40

Na asraafoɛ panyi ne mane ye ate, yiti Pɔɔlo gyinane ndweleɛ ne aso, na ɔmane ye sa so bobole ɛlɔen ne. Na berɛ yɛle dinn ne, odwudwo hyirele bɛ wɔ Hebri dwudwolɛ nu kyɛ,

Asomafoɛ 23:24

Ɛ́mɔsiesie mbɔngɔ bɛ́ma Pɔɔlo, ná ɛ́mɔbɔ ye nwo waen bɛɛfa ye bɛma amrado Felise.”

Asomafoɛ 26:1

Na Agripa sele Pɔɔlo kyɛ, “Atee wɔ berɛ kyɛ ekyire wɔ noa dwirɛ ɔ.” Yeɛ Pɔɔlo tengyɛle ye sa yele ye noa kyɛ,

1 Petro 3:15

na mmom ɛ́mɔma Awurade Kristo ɔyɛ krongron wɔ ɛmɔ ahone nu. Na mmerɛ biala, ɛ́mɔboaboa ɛmɔ nwo bésie, amaa sɛ ebie bisa ɛmɔ dwirɛ fa anyelasoɛ bɔ ɔwɔ ɛmɔ nu ne nwo a, ɛmɔahora baye ye noa bahyire ye wɔ anwobrɛaseɛ ne anidie nu.

1 Samuel 2:25

Sɛ ebie yɔ bɔne tia obiɛngo a, ebie kɔpa kyerɛ kɔma ye wɔ Nyameɛ nyunu, nakoso sɛ ebie yɔ bɔne tia Nyameɛ a, nwa yeɛ ɔkɔpa kyerɛ kɔma ye ɔ?” Nakoso bandie bɛ se dwirɛ, ofikyɛ né AWURADE ayɛ kyɛ okohu bɛ.