Asomafoɛ 23:9 - AHYERƐLƐ KRONGRON

⁹ Bɛteateane nu serɛserɛ, na ahyerɛlɛfoɛ biemɔ bɔ bɛwɔ Farasiifoɛ fekue ne anu bedwɔso bedwudwole anyeborolɛ so kyɛ, “Yɛnnwu bɔne biala wɔ sɔ biaa he nwo. Ebie po a, né sunzum anaa abɔfo bie yeɛ odwudwo hyirele ye ɔ. Nnɛmɔma yɛko yɛtia Nyameɛ!”

Asomafoɛ 23:9 Iomraidhean Croise

Anyandera 16:7

Sɛ sona atee ɔsɔ AWURADE nye a, ɔma ye pɔfoɛ mɔ po bɛ ne ye tena asomdwee nu.

Yeremia 26:16

Yeɛ mbanyi nemɔ ne maen ne amukoraa besele asɔfo nemɔ ne ngɔmhyɛlɛfoɛ nemɔ kyɛ, “Biaa he, ɔmvata kyɛ beku ye ɔ, ofikyɛ AWURADE yɛ Nyameɛ dumaa nu yeɛ ogyi bɔ wadwudwo wahyire yɛ ɔ.”

Marko 2:16

Na ahyerɛlɛfoɛ bɔ bɛte Farasiifoɛ ne, mmerɛ bɔ benwuni Yesu kyɛ ɔne ɛtoɔdidelɛfoɛ ne bɔnefoɛ bedidi nen, bebisale ye asuafoɛ nemɔ kyɛ, “Nzu ati yeɛ ɔne ɛtoɔdidelɛfoɛ ne bɔnefoɛ bɛto asaa bedidi ɔ?”

Luka 23:22

Obisale bɛ ye pɛen nza so kyɛ, “Nzu ɔ? Nzikyɛ bɔne yeɛ wayɔ ɔ? Me de, mennwu nikyee biala bɔ wayɔ bɔ ɔfata kyɛ beku ye ɔ; yiti ngofi ye mbire, ná mayakyi ye.”

Luka 23:4

Na Pilato sele asɔfo mbanyi nemɔ ne ɛlɔen ne kyɛ, “Biaa he, me de, mennwu foɛ biala bɔ odi ɔ.”

Luka 5:30

Na Farasiifoɛ ne b’ahyerɛlɛfoɛ nemɔ bɛpenepene bɛ komvi behyirele ye asuafoɛ nemɔ kyɛ, “Nzu ati yeɛ ɛmɔ ne ɛtoɔdidelɛfoɛ ne bɔnefoɛ bedidi ná bɛno ɔ?”

Yohane 12:29

Na ɛlɔen bɔ né begyigyi berɛ ne, bɛtele sɔ dwirɛ nen, bɛhane kyɛ, “Agralaa ne abɔ nu kurudududu.” Yeɛ ebiemɔ koso hane kyɛ, “Abɔfo adwudwo ahyire ye.”

Asomafoɛ 11:17

Na sɛ Nyameɛ yeɛ ɔfale akyɛdeɛ komapɛ ne mane bɛ, kyɛbɔ ɔfa mane yɛ wɔ mmerɛ bɔ yɛlele Awurade Yesu Kristo yɛlili ne a, né me ole nwa bɔ mekora mesi Nyameɛ ate ɔ?”

Asomafoɛ 22:6

“Na mbene atee so bɔ mekɔ na mbingyele Damasko nen, kɔyɛ eyiagyina mmerɛ ne, mvum nu, kanea totohyia bie fili nyameɛso ɔɔtale me nwo bra yiale.

Asomafoɛ 22:7

Mbɛ mvini, na ndele kyɛ ebie dwudwo kyire me kyɛ, ‘Sɔɔlo, Sɔɔlo, nzu ati yeɛ ɛtane me nye ye?’

Asomafoɛ 23:29

Nakoso nwuni kyɛ ɔyyɔle nikyee biala bɔ ɔfata ehunɛ anaakyɛ kuku nu tolɛ ɔ; na mmom bɛ bɔbɔ bɛ mmeraa nwo yeɛ babɔ ye kwaadu ɔ.

Asomafoɛ 23:8

Ɔnate kyɛ Sadusiifoɛ ne nwa awufoɛ dwɔsolɛ anaa abɔfo anaa sunzum biala nne berɛ; nakoso Farasiifoɛ ne de, bede ye mukoraa bedi.

Asomafoɛ 25:25

Nakoso, menea a, ɔyyɔle nikye fee bɔ ɔfata ewue ɔ. Na kyɛbɔ ye bɔbɔ ɔnwa bɛfa edwirɛ ne bɛhɔ Kaesare gya so ne ati, mayɛ kyɛ memaa bɛfa ye bɛkɔ.

Asomafoɛ 26:31

Befili berɛ bɛhɔle ahameɛ kãa, na besisele bɛ nwo kyɛ, “Sɔ biaa he ɔyyɔle nikye fee bɔ ɔfata ewue anaa kuku nu nnaa ɔ.”

Asomafoɛ 27:23

Ɔnate kyɛ, ɛnɛ kɔngɔen ye, Nyameɛ bɔ nde ye deɛ ná meso ye n’abɔfo wale me berɛ,

Asomafoɛ 5:39

Nakoso sɛ ofi Nyameɛ berɛ a, ɛmɔngɔhora bengogu ye, na sɛ ɛmɔannea yé a, Nyameɛ yeɛ ɛmɔkɔho bekotia ye ɔ.”

Asomafoɛ 9:4

Ɔpɛ fini, na ɔtele edwudwolɛ bie kyɛ, “Sɔɔlo, Sɔɔlo! Nzu ati yeɛ ɛtane me nye ye?”

1 Korintofoɛ 10:22

Anaa yɛpena kyɛ yɛwura Awurade apue maa ɔtwe nungunɛ hɔ ɔ? Yɛbu ye kyɛ yɛ nwo yɛ se tra ye anaa?

1 Samuel 12:5

Yeɛ osele bɛ kyɛ, “Ɛnɛ kyẽa ye, AWURADE te ɛmɔ danzeniɛ, yeɛ ye sona bɔ wapopa ye ngoo ne koso ɔte ɛmɔ danzeniɛ, kyɛ ɛmɔ nikye fee oollili me berɛ.” Na bebuale kyɛ, “Ɔte danzeniɛ.”

1 Samuel 24:17

Na osele Dawide kyɛ, “Ɛtengyɛ tra me; ofikyɛ paa ala yeɛ ayɛ me ɔ, nakoso me de, bɔne yeɛ mafa matua wɔ kerɛ ɔ.