Asomafoɛ 23:6 - AHYERƐLƐ KRONGRON

⁶ Na mmerɛ bɔ Pɔɔlo nwuni kyɛ mmenia ne bue bɛte Sadusiifoɛ, ná bɛ bue koso bɛte Farasiifoɛ nen, ɔteane nu wɔ badwa ne anu kyɛ, “Aliɛmaa mɔ, nde Farasiiniɛ, Farasiifoɛ awa; na ɔnate awufoɛ etingyelɛ ne ye nwo anyelasoɛ ti yeɛ bébua me ndɛen ye”

Asomafoɛ 23:6 Iomraidhean Croise

Mateo 10:16

“Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.

Mateo 22:23

Ɛlɛho ne ala, Sadusiifoɛ bɔ bɛnwa awufoɛ dwɔsolɛ nne berɛ ne, bɛwale Yesu berɛ beebisale ye kyɛ,

Mateo 3:7

Na onwuni kyɛ Farasiifoɛ ne Sadusiifoɛ nemɔ anu pee bɛba maa ɔbɔ bɛ asu nen, osele bɛ kyɛ, “Ewoo mmaa bɔ ɔte kyɛ ɛmɔ ɔ! Nwa yeɛ otuli ɛmɔ foɛ paa kyɛ ɛ́mɔnwati béfi ahonehulɛ bɔ ɔba ne anu ɔ?

Asomafoɛ 22:3

“Nde Yudaniɛ, bɛwole me Taaso bɔ ɔwɔ Kilikia manzini nu. Bɛtetele me wɔ kuro ye anu, na Gamaliɛl yeɛ ohyirele me nikye ɔ. Ɔfale yɛ nana mɔ mmeraa ne hyirele me nikyee pɛpɛɛpɛ, na nduli me nwo nziele berɛ mane Nyameɛ kyɛbɔ ɛnɛ ye ɛmɔ amukoraa bɛyɔ ne.

Asomafoɛ 22:30

Né safohene ne pena kyɛ onwu nikye horɛ bɔ Yudafoɛ nwa Pɔɔlo ayɔ ɔ. Yiti aleɛ hyene ne, ɔmaa bɛsangyele ngɔnzɔngɔnzɔ bɔ bafa bagua ye ne, na ɔhyɛle asɔfo mbanyi ne bɛ badwafoɛ ne amu maa beyiale, na ɔfale Pɔɔlo oogyinane bɛ nyunu berɛ.

Asomafoɛ 22:5

na ɔsɔfo panyi paa ɔne badwafoɛ ne amu di me adanzeɛ. Nyane tumi ngrataa mvili bɛ berɛ kyɛ mekwaafa mema me mmango Yudafoɛ bɔ bɛwɔ Damasko. Yiti nzili nu kyɛ mekwaahye berɛ agyidifoɛ na mefa bɛ meba Yerusalem maa bɛtwe bɛ so.

Asomafoɛ 23:1

Pɔɔlo tole ye nye neane badwafoɛ ne haa na osele kyɛ, “Aliɛmaa mɔ, me tiboa mmua me foɛ wɔ me bra bɔ mabɔ wɔ Nyameɛ nyunu tonn maa waadwu ɛnɛ ye nwo.”

Asomafoɛ 23:15

Yiti ɛmɔ ne badwafoɛ ne bɛbɔ nu bɛsoma ma beese Roman safohene ne kyɛ ɔma bɛfa Pɔɔlo bɛbrɛ ɛmɔ; kyɛ ɛmɔpena kyɛ ɛmɔneanea ye dwirɛ ne anu yé. Na yɛ de, kyɛ ɔyɛ na oodwu wa ne, né yahu ye dadaada.”

Asomafoɛ 23:20

Na obuale kyɛ, “Yudafoɛ abɔ porɛ kyɛ bɛkɔɔsrɛ wɔ maa ɛhema ɛkɔfa Pɔɔlo kɔbrɛ badwafoɛ ne, kyɛ bɛkwaaneanea ye dwirɛ ne anu yé.

Asomafoɛ 23:7

Na ɔhane sɔ dwirɛ ne pɛ, edwudwolɛ wale Farasiifoɛ ne Sadusiifoɛ nemɔ b’afia, na mmenia ne anu hyɛle nyɔ.

Asomafoɛ 24:15

Na anyelasoɛ komapɛ bɔ ɔla berɛ ma me wɔ Nyameɛ nu kyɛ mmenia mukoraa, teneneefoɛ ne bɔnefoɛ, kodwɔso kofi awufoɛ nu ne koso ala yeɛ ɔla berɛ ma bɛ ɔ.

Asomafoɛ 24:21

sana nikyee komapɛ bɔ ngyinane bɛ nyunu berɛ ndeane nu ngane ɔ, kyɛ, ‘Awufoɛ ewutingyelɛ nwo yeɛ ɛmɔbua me ndɛen ɛnɛ ye.’ ”

Asomafoɛ 28:20

Na ɛhe ati yeɛ ɔmaa ndole me sa mvrɛle ɛmɔ kyɛ me ne ɛmɔ yɛbaali ngɔmɔ ɔ, ofikyɛ ɔnate Yisrael anyelasoɛ ti yeɛ bagua me ngɔnzɔngɔnzɔ ye.”

Filipifoɛ 3:5

Ye ɛlɛbɔtwɛ ne aso yeɛ bɛpɛle me bienzua ɔ. Mvi Yisrael bosofoɛ nu, mvi Benyamin abusua kure nu, Hebrifoɛ nu Hebriniɛ; na mmeraa ne aso lilɛ de, nde Farasiiniɛ;

Kolosefoɛ 1:5

ɔnate anyelasoɛ bɔ ɔwɔ berɛ ma ɛmɔ wɔ nyameɛso. Na ɛhe yeɛ ɛmɔate ye dada wɔ nahorɛ dwirɛ bɔ ye ole nzɛmba ne,

Hebrifoɛ 6:19

Na anyelasoɛ he te sɛkyɛ bɔ otira yɛ kra nu ɔ; ɔnde, na ɔkɔworo ɛtena bɔ onwi nyameɛso Asɔneyɛɛ sua ne anu kɔ Krongron nu Krongron ne anu.