Asomafoɛ 23:34 - AHYERƐLƐ KRONGRON

³⁴ Amrado ne kengale krataa ne, na obisale Pɔɔlo manzini horɛ bɔ ofi nu ɔ. Na ɔtele kyɛ ofi Kilikia nen,

Asomafoɛ 23:34 Iomraidhean Croise

Ɛseta 1:1

Sɔ dwirɛ he sili wɔ Nana Ahasuro aberɛ so, na sɔ Ahasuro ne, olili manzini ɛyaa ko aburanyɔ ne nzoo so fite Yindia maa oodwuli Yitiopia.

Ɛseta 8:9

Bosome nza bɔ yeɛ oli Siwan ne anu, ye kyẽa bɔ ɔtɔ so aburanyɔ ne nza ne, bɛfrɛfrɛle Nana Ahasuro ahyerɛlɛfoɛ maa beeyiale. Na edwirɛ biala bɔ Modekae hane ne, bɛhyerɛle maa ɔyɛle mmeraa, na bɛfa bɛɛmane Yudafoɛ, mbɔtam mbanyi, amrado mɔ ne manzini mbanyi bɔ bɛwɔ manzini ɛyaa ko aburanyɔ ne nzoo ne anu, fite Yindia bɔ ɔkwaadwu Yitiopia. Manzini biala, kyɛbɔ ye ahyerɛlɛ te ne, yeɛ mmenia biala, kyɛbɔ bɛ dwudwolɛ te ne, sɔ ala yeɛ bɛhyerɛle krataa ne ɔ, na bɔ bɛfa bɛɛmane Yudafoɛ ne koso, ɔte b’ahyerɛlɛ ne bɛ dwudwolɛ.

Daniel 2:49

Afei Daniel srɛle ɛhene ne maa ɔfale Sadrake, Mesake ne Abedinego yɛle Babilɔn maen ne anu amukoraa so neafoɛ; na Daniel de, ɔtenane Nana ahemvie berɛ.

Daniel 6:1

Dario yɛle ye adwene kyɛ ɔkɔye mbɔtam mbanyi ɛyaa ko ne aburanyɔ maa bɛkɔnea ahennie ne aso, wɔ ahennie ne anu amukoraa.

Luka 23:6

Na Pilato tele dumaa Galilea nen, obisale kyɛ, “Biaa he te Galileaniɛ anaa?”

Asomafoɛ 15:41

Ɔɔpɛle nu wɔ Siria ne Kilikia na ɔhyɛle asɔremma nemɔ nguraen.

Asomafoɛ 21:39

Na Pɔɔlo buale kyɛ, “Nde Yudaniɛ, mvi Taaso bɔ ɔwɔ Kilikia, kuro bɔ bɔ wale dumaa so niɛ. Mmvi kuro nwunyanwunya so. Mesrɛ wɔ, maa ndwudwo ngyire ɛlɔen ne.”

Asomafoɛ 25:1

Festo wale manzini ne anu ne, ye ɛlɛsa ne aso ofili Kaesarea hɔle Yerusalem.

Asomafoɛ 6:9

Na mmenia bie bɔ banya fawɔnwodi bafi ngoaasolɛ nu, na bɛtaa bɛkɔ nyianu sua nu ne, bɛ ne ye amva anyeɛ. Sɔ mmenia ne te Yudafoɛ bɔ befi Kirene ne Aleksandria, na ebiemɔ koso te Yudafoɛ bɔ befi Kilikia ne Asia, na bɛhyɛle ye bo bɛ ne Setefano suli aporowaa.