Asomafoɛ 23:30 - AHYERƐLƐ KRONGRON

³⁰ Afei ndele ye nwo bie kyɛ babɔ ye ti so porɛ bɔ bɛpena ye beku ye ɔ. Ɛhe ati nyɛle m’adwene berɛ ne ala kyɛ bɛfa ye bɛbrɛ wɔ; na mahã mahyire ye kwaadubɔlɛfoɛ nemɔ kyɛ bɛbra wɔ nyunu bɛɛbɔ ye kwaadu.”

Asomafoɛ 23:30 Iomraidhean Croise

Asomafoɛ 15:29

Nnɛma ɛmɔdi aleɛ biala bɔ bafa babɔ afɔleɛ bama bosoen; nnɛma ɛmɔdi mogya; nnɛma ɛmɔdi kaka biala bɔ wawu ye mogya nu; yeɛ afei ɛmɔhwe bɛ nwo befi adwamanbɔlɛ nwo. Na sɛ ɛmɔtwe bɛ nwo befi ɛhemɔ nwo a, ɔte paa. Yɛbisa bɛ.”

Asomafoɛ 23:12

Aleɛ hyene nen, Yudafoɛ biemɔ yɛle ko bɛfale adwene; na bɛtale ndaen kyɛ bengodidi anaa bɛngɔno hwee, sana banya Pɔɔlo bahu ye koraa.

Asomafoɛ 23:20

Na obuale kyɛ, “Yudafoɛ abɔ porɛ kyɛ bɛkɔɔsrɛ wɔ maa ɛhema ɛkɔfa Pɔɔlo kɔbrɛ badwafoɛ ne, kyɛ bɛkwaaneanea ye dwirɛ ne anu yé.

Asomafoɛ 23:31

Na kyɛbɔ safohene ne hyɛle asraafoɛ nen, bɛfale Pɔɔlo kɔngɔen ne bɛ ne ye hɔle tonn beedwuli Antipatri.

Asomafoɛ 23:35

ɔhane kyɛ, “Sɛ wɔ kwaadubɔlɛfoɛ nemɔ bɛba a, yeɛ ngotie wɔ noa dwirɛ ɔ.” Na ɔhyɛle kyɛ bɛfa Pɔɔlo besie Herode ahemvie ne anu.

Asomafoɛ 24:19

Na sɔ mmenia nemɔ yeɛ odi kyɛ ahaa bɛba wɔ nyunu wa, na sɛ bele me nwo dwirɛ bie a, babɔ me kwaadu.

Asomafoɛ 25:16

Na me koso mmuale bɛ kyɛ, ɔtte yɛ Romanfoɛ mmeraa kyɛ yɛkɔye sona biala bɔ babɔ ye kwaadu kɔmaa bekohu ye ɔ; sana ɔne ye kwaadubɔlɛfoɛ nemɔ beyia bɛbɔ nguro, ná onya atee ye ye noa koraa.

Asomafoɛ 9:24

nakoso ɔtele bɛ porɛ ne nwo bie. Bɛbɔle kuro n’anoa nemɔ nwo nzra eyia ne kɔngɔen kyɛ bɛ sa kɔha ye na bahu ye ɔ.

2 Korintofoɛ 13:11

Afei aliɛmaa mɔ, mekra ɛmɔ oo! Ɛ́mɔma ɛmɔ nwo te, ɛ́mɔma ɛmɔ wora kyekye, ɛmɔnya adwene ko, ɛmɔtena asomdwee nu, na ɔdɔ ne asomdwee Nyameɛ ɔne ɛmɔ kɔtena.