Asomafoɛ 23:17 - AHYERƐLƐ KRONGRON

¹⁷ Na Pɔɔlo frɛle asraafoɛ mbanyi ne ko sele ye kyɛ, “Fa sɔ aberandeɛ ye kɔ safohene ne berɛ, na ole dwirɛ kã kyire ye.”

Asomafoɛ 23:17 Iomraidhean Croise

Anyandera 22:3

Badwemma nwu musue bɔ ɔkɔwa ɔ, na ɔtwe ye nwo kɔfea, nakoso bɛ bɔ b’adwene te nganga de, bɛfa bɛ ti bekowura nu benwu amaneɛ.

Mateo 10:16

“Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.

Yohane 18:12

Yeɛ asraafoɛ kure ne ne bɛ safohene ne ne Yuda asomvoɛ nemɔ bɛhyele Yesu, na bɛkyekyele ye.

Asomafoɛ 22:26

Na asraafoɛ ɛyaa so panyi ne tele sɔ dwirɛ nen, ɔhɔle safohene ne berɛ oobisale ye kyɛ, “Nzikyɛ nikye yeɛ ɛbaayɔ e? Sɔ biaa he te Romanniɛ!”

Asomafoɛ 23:16

Nakoso Pɔɔlo awosea bienzua tele kyɛ bɛkwaatɛ ye atunu; yiti ɔhɔle asraafoɛ nemɔ b’adwuma nu berɛ ɔɔbɔle Pɔɔlo amaneɛ.

Asomafoɛ 23:18

Yiti ɔfale aberandeɛ ne hɔle safohene ne berɛ, na ɔhane kyɛ, “Kukununiɛ Pɔɔlo frɛle me srɛle me kyɛ mva sɔ aberandeɛ ye mmra wɔ berɛ, na ole dwirɛ kã kyire wɔ.”

Asomafoɛ 23:23

Safohene ne frɛle asraafoɛ mbanyi nyɔ sele bɛ kyɛ, “Ɛmɔboaboa asraafoɛ ɛyaa nyɔ, pɔngɔhanɛfoɛ aburasoo, yeɛ bɛ bɔ bɛto pealɛɛ wora ɛyaa nyɔ noa ma bɛhɔ Kaesarea. Ɛ́mɔma betu bɛ bo kɔngɔen nnɔngono.