Asomafoɛ 23:15 - AHYERƐLƐ KRONGRON

¹⁵ Yiti ɛmɔ ne badwafoɛ ne bɛbɔ nu bɛsoma ma beese Roman safohene ne kyɛ ɔma bɛfa Pɔɔlo bɛbrɛ ɛmɔ; kyɛ ɛmɔpena kyɛ ɛmɔneanea ye dwirɛ ne anu yé. Na yɛ de, kyɛ ɔyɛ na oodwu wa ne, né yahu ye dadaada.”

Asomafoɛ 23:15 Iomraidhean Croise

2 Samuel 13:5

Yeɛ Yonadabo sele ye kyɛ, “Kɔla wɔ mba ne aso, ná pati yɛ kyɛ ɛnde apɔ. Na sɛ wɔ baba banea wɔ a, ka kyire ye kyɛ, ‘Ma nniɛma Tamar bra ɔɔpena nikyee ma nni. Maa ɔɔyɛ aleɛ ne wɔ me nyunu wa, bɔ me nye tua ɔ, ná ɔtete ma me.’ ”

Edwein 21:11

Sɛ bɛbɔ wɔ nwo porɛ, yeɛ sɛ bɛfa wɔ nwo adwene tɛɛ a, ɔngɔyɛ yé.

Anyandera 1:16

ofikyɛ amirika yeɛ betu bekodi bɔne ɔ, na bɛma bɛ nwo yɛ nyera bedi awue.

Anyandera 4:16

Ofikyɛ bɛ de bɛnna, sana bayɔ bɔne koraka, nnakorɔkorɔ tɔ bɛ so, sana bama ebie afi ase koraka.

Yesaya 59:7

Bɛ gya tutu amirika kɔyɔ bɔne, na bɛngyɛ ye nwo ná bahã mogya bɔ odi be ɔ bagua; amumuyɛɛ nwo adwene ali bɛ ti, na nzɛmmɔne ne nningyein sɛkyelɛ yeɛ ɔwɔ b’atee nu ɔ.

Yohane 18:12

Yeɛ asraafoɛ kure ne ne bɛ safohene ne ne Yuda asomvoɛ nemɔ bɛhyele Yesu, na bɛkyekyele ye.

Asomafoɛ 22:30

Né safohene ne pena kyɛ onwu nikye horɛ bɔ Yudafoɛ nwa Pɔɔlo ayɔ ɔ. Yiti aleɛ hyene ne, ɔmaa bɛsangyele ngɔnzɔngɔnzɔ bɔ bafa bagua ye ne, na ɔhyɛle asɔfo mbanyi ne bɛ badwafoɛ ne amu maa beyiale, na ɔfale Pɔɔlo oogyinane bɛ nyunu berɛ.

Asomafoɛ 23:1

Pɔɔlo tole ye nye neane badwafoɛ ne haa na osele kyɛ, “Aliɛmaa mɔ, me tiboa mmua me foɛ wɔ me bra bɔ mabɔ wɔ Nyameɛ nyunu tonn maa waadwu ɛnɛ ye nwo.”

Asomafoɛ 23:6

Na mmerɛ bɔ Pɔɔlo nwuni kyɛ mmenia ne bue bɛte Sadusiifoɛ, ná bɛ bue koso bɛte Farasiifoɛ nen, ɔteane nu wɔ badwa ne anu kyɛ, “Aliɛmaa mɔ, nde Farasiiniɛ, Farasiifoɛ awa; na ɔnate awufoɛ etingyelɛ ne ye nwo anyelasoɛ ti yeɛ bébua me ndɛen ye”

Asomafoɛ 25:3

na bɛsrɛle ye kyɛ ɔlo bɛ ná ɔsoma ma bɛfa Pɔɔlo bɛbra Yerusalem; ɔnate kyɛ né babɔ porɛ kyɛ bɛkɔtɛ ye atunu bekohu ye.