Asomafoɛ 23:12 - AHYERƐLƐ KRONGRON

¹² Aleɛ hyene nen, Yudafoɛ biemɔ yɛle ko bɛfale adwene; na bɛtale ndaen kyɛ bengodidi anaa bɛngɔno hwee, sana banya Pɔɔlo bahu ye koraa.

Asomafoɛ 23:12 Iomraidhean Croise

Gyenesise 37:18

Oliɛma nemɔ nwuni ye wɔ nziɛ nziɛ kyɛ ɔba ɔ, na anzana ɔbaadwu bɛ nwo berɛ ne, bɛbɔle ye nwo porɛ kyɛ bekohu ye.

1 Ahemvo 19:2

Yeɛ Yesebɛl tuli ɛbɔfoɛ maa oosele Elia kyɛ, “Kyɛ odwu ɛhema bekye sɔa, sɛ mangu wɔ kyɛ mmenia bɔ ahũhũ bɛ ne anu ko a, me koso mmosoen nemɔ behũ me bie.”

2 Ahemvo 6:31

Na ɔhane kyɛ, “Safate awa Elisa, sɛ ɛnɛ mande ye ti mamvi so a, Nyameɛ otua me kerɛ maa ɔbo so.”

Nehemia 10:29

bɛ ne bɛ nwo ama ne b’atitire mɔ bɛnomane bɛtale ndaen, kyɛ Nyameɛ mmeraa bɔ ɔnate ye somvoɛ Mose so ɔfa mane bɛ ne, bekoli so, kyɛ bekoli AWURADE, yɛ Mene ye mmeraa dwirɛ ne ye nhyehyɛleɛ ne ye ahyɛdeɛ amukoraa so.

Ɛseta 2:22

Nakoso edwirɛ ne pɛle Modekae so anu, na ɔɔbɔle Nana hemmaa Ɛseta amaneɛ. Na Ɛseta koso bɔle Nana Ahasuro amaneɛ hane kyɛ Modekae yeɛ ɔtele ɔ.

Edwein 31:13

Ofikyɛ mate nwuhunwuhu bɔ mmenia bɛyɔ ne, anwunanwuna apɛ me nwo wayia: bɔ bɛbɔ me ti so porɛ, ná bɛpena me beku me ɔ.

Yeremia 11:19

Nakoso né nde kyɛ boaen akrɔngrɔma brɛfo bɔ bɛ́fa ye bɛ́kɔ akumyɛɛ ɔ. Na né menze kyɛ babɔ me ti so porɛ kyɛ, “Ɛ́mɔma yɛsɛkye bakaa ne, ɔne ye mma ne, ɛ́mɔma yɛ́bu ye yɛ́fi ateasefoɛ aseɛ so, amaa ɔnate so bangaye ye dumaa ko!”

Yeremia 44:25

Asafo AWURADE, Yisrael Nyameɛ nwa nyoo: Ɛmɔ ne ɛmɔ aye mɔ, ɛmɔate ɛmɔ noa bahã, yeɛ ɛmɔayɔ bafa bafoa so kyɛ, ‘Amba, aboadeɛ bɔ yaboa kyɛ yɛkɔyera ɛyɛɛ yɛkɔma nyameɛso hemmaa, ɔne kyɛ yɛkɔbɔ anonneɛ afɔleɛ yɛkɔma ye ne, yɛkoli so.’ Nzaade, ɛ́mɔsi ɛmɔ aboadeɛ ne agyinayɛɛ amba ee, ná ɛmɔtua ɛmɔ aboadeɛ nemɔ amba ee!

Lewitikɔso 27:29

Sona biala bɔ babua kyɛ behũ ye ne, bɛngɔhora bɛngɔpɔ ye; odi kyɛ beku ye ɔ.

Mateo 26:4

na bɛbɔle porɛ kyɛ bɛkɔhye Yesu kudɛɛ ná bahu ye.

Mateo 26:74

Na Petro hyɛle ye bo lili amoen tale ndaen kyɛ, “Biaa ne, menze ye oo!” Na berɛ ne ala, akɔ bɔle.

Mateo 27:25

Na maen ne amukoraa bebuale kyɛ, “Ye mogya ɔ́bɔ yɛ ne yɛ mma mɔ ti so!”

Asomafoɛ 23:13

Mmenia bɔ bɛbɔle sɔ porɛ ne bɛbo aburanna.

Asomafoɛ 23:14

Na bɛhɔle asɔfo mbanyi ne maen mbanyi nemɔ berɛ beesele bɛ kyɛ, “Yata ndaen kyɛ ɛhwee ngɔhã yɛ noa, sana yahu Pɔɔlo koraa.

Asomafoɛ 23:21

Nakoso nnɛtɛ bɛ so, ɔnate kyɛ bɛ nu biemɔ kɔbo aburanna kɔtɛ ye atunu; na bata ndaen kyɛ bengodidi anaa bɛngɔno hwee, sana banya ye bahu ye koraa. Yiti kekesaala ye, baboaboa bɛ nwo, na bɛnwondɛ kyɛ ɛkɔpene so ɔ.”

Asomafoɛ 23:30

Afei ndele ye nwo bie kyɛ babɔ ye ti so porɛ bɔ bɛpena ye beku ye ɔ. Ɛhe ati nyɛle m’adwene berɛ ne ala kyɛ bɛfa ye bɛbrɛ wɔ; na mahã mahyire ye kwaadubɔlɛfoɛ nemɔ kyɛ bɛbra wɔ nyunu bɛɛbɔ ye kwaadu.”

Asomafoɛ 25:3

na bɛsrɛle ye kyɛ ɔlo bɛ ná ɔsoma ma bɛfa Pɔɔlo bɛbra Yerusalem; ɔnate kyɛ né babɔ porɛ kyɛ bɛkɔtɛ ye atunu bekohu ye.

Asomafoɛ 9:23

Ngyẽa kãa asi ne, Yudafoɛ ne yiale, na bɛbɔle Sɔɔlo ti so porɛ kyɛ bekohu ye,

Asomafoɛ 9:24

nakoso ɔtele bɛ porɛ ne nwo bie. Bɛbɔle kuro n’anoa nemɔ nwo nzra eyia ne kɔngɔen kyɛ bɛ sa kɔha ye na bahu ye ɔ.

1 Korintofoɛ 16:22

Sɛ ebie nguro Awurade Yesu Kristo dwirɛ a, musue to ye! Y’Awurade bra! (Maranata).

2 Korintofoɛ 11:26

Matu atee pee na mali amia wɔ nzue so, awuefoɛ sa nu, me bɔbɔ me nwo ama bɛ sa nu, Amaenmaensofoɛ sa nu, kuro nu nningyein suronyi, ɛserɛ so suronyi, ɛpo so suronyi, yeɛ aliɛmaa ngondombofoɛ sa nu.

Galatiafoɛ 3:13

Kristo ɔɔyɛle abusudeɛ mane yɛ, na ɔnate so wapɔ yɛ wafi mmeraa musue nu; ofikyɛ bahyerɛ kyɛ, “Banoma sona biala bɔ basinze ye wɔ bakaa so ɔ.”

1 Tɛsalonikafoɛ 2:16

Na bɛberale yɛ kyɛ nnɛmaa yɛkã edwirɛ ne yɛkyire Amaenmaensofoɛ maa benya daa ngoa. Na ɛhe ma bɛ bɔne kwangoa ne oyi tɛkyɛ daa, ofikyɛ Nyameɛ ahonehulɛ ne wanya wawa bɛ so wayie!

Yosua 6:26

Sɔ mmerɛ ne, Yosua payele kyɛ, “Sona biala bɔ ɔkɔkyekye Yeriko kuro he bieku nen, AWURADE prápra musue ógua ye so; sɛ ɔ́to kuro ne fapem a, ɔkɔfa ye bamuɛbaa yeɛ ɔkɔpɛ so ɔ, yeɛ sɛ ótuatua ye pambim mɔ a, ɔkɔfa ye kasiɛ yeɛ ɔkɔpɛ so ɔ!”

Yosua 7:1

Nakoso AWURADE mmeraa bɔ ɔfa nningyein bɔ watu wasie berɛ kyɛ bɛsɛkye ye ne anwo ne, Yisraelfoɛ buli so. Akan bɔ ɔse ole Karemi, bɔ ɔse ole Sabidi, bɔ ye koso ɔse ole Sera bɔ ofi Yuda abusua kure nu ne, ɔfale nningyein bɔ AWURADE atu asie berɛ kyɛ bɛsɛkye ye ne bie, yiti AWURADE fɛle Yisraelfoɛ so yaa piri paa.

Yosua 7:15

Na sona bɔ ngɔye ye kyɛ nningyein bɔ matu masie berɛ kyɛ bɛsɛkye ye ne bie wɔ ye berɛ nen, ɛ́mɔfa see bɛ́yera ye, ɔne ye nwo ama ne ye nikyee biala, ofikyɛ wabu AWURADE apam ne aso, na wabɔ nyanzoen bra wɔ Yisrael.”

1 Samuel 14:24

Yisraelfoɛ lili amia sɔ kyẽa ne, ofikyɛ Sɔɔlo tale ndaen guale koɛhonɛfoɛ nemɔ so kyɛ, “Ofi bekye bɔ ɔkwaadwu nɔsoa, kyɛ oodwu kyɛ ngɔtɔ me pɔfoɛ mɔ so wereɛ ne, ebiala bɔ okodidi ne, musue to ye.” Yiti koɛhonɛfoɛ nemɔ anu biala wamva aleɛ wanga ye noa.