Asomafoɛ 23:1 - AHYERƐLƐ KRONGRON

¹ Pɔɔlo tole ye nye neane badwafoɛ ne haa na osele kyɛ, “Aliɛmaa mɔ, me tiboa mmua me foɛ wɔ me bra bɔ mabɔ wɔ Nyameɛ nyunu tonn maa waadwu ɛnɛ ye nwo.”

Asomafoɛ 23:1 Iomraidhean Croise

Anyandera 28:1

Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Mateo 5:22

Na mekã mekyire ɛmɔ kyɛ, ebiala bɔ ɔkɔfɛ oliɛma so yaa nen, okoli fɔ wɔ ndɛenbualɛ nu; ebiala bɔ okose oliɛma kyɛ ɔte sona mbaen nen, okoli fɔ badwa nyunu. Ebiala bɔ okose kyɛ, ‘Wɔ kwaseambane’ nen, okoli fɔ, na ɔkɔhɔ abɔnzam see nu.

Asomafoɛ 22:1

“Aliɛmaa mɔ ne ngya mɔ, ɛ́mɔtie edwirɛ bɔ mekã mefa mesa me nwo mekyire ɛmɔ ye.”

Asomafoɛ 22:30

Né safohene ne pena kyɛ onwu nikye horɛ bɔ Yudafoɛ nwa Pɔɔlo ayɔ ɔ. Yiti aleɛ hyene ne, ɔmaa bɛsangyele ngɔnzɔngɔnzɔ bɔ bafa bagua ye ne, na ɔhyɛle asɔfo mbanyi ne bɛ badwafoɛ ne amu maa beyiale, na ɔfale Pɔɔlo oogyinane bɛ nyunu berɛ.

Asomafoɛ 22:5

na ɔsɔfo panyi paa ɔne badwafoɛ ne amu di me adanzeɛ. Nyane tumi ngrataa mvili bɛ berɛ kyɛ mekwaafa mema me mmango Yudafoɛ bɔ bɛwɔ Damasko. Yiti nzili nu kyɛ mekwaahye berɛ agyidifoɛ na mefa bɛ meba Yerusalem maa bɛtwe bɛ so.

Asomafoɛ 23:15

Yiti ɛmɔ ne badwafoɛ ne bɛbɔ nu bɛsoma ma beese Roman safohene ne kyɛ ɔma bɛfa Pɔɔlo bɛbrɛ ɛmɔ; kyɛ ɛmɔpena kyɛ ɛmɔneanea ye dwirɛ ne anu yé. Na yɛ de, kyɛ ɔyɛ na oodwu wa ne, né yahu ye dadaada.”

Asomafoɛ 23:20

Na obuale kyɛ, “Yudafoɛ abɔ porɛ kyɛ bɛkɔɔsrɛ wɔ maa ɛhema ɛkɔfa Pɔɔlo kɔbrɛ badwafoɛ ne, kyɛ bɛkwaaneanea ye dwirɛ ne anu yé.

Asomafoɛ 23:28

Né mepena kyɛ menwu nikye horɛ bɔ bɛnwa wayɔ ɔ, yiti mvale ye ngɔle bɛ badwafoɛ nemɔ nyunu.

Asomafoɛ 23:6

Na mmerɛ bɔ Pɔɔlo nwuni kyɛ mmenia ne bue bɛte Sadusiifoɛ, ná bɛ bue koso bɛte Farasiifoɛ nen, ɔteane nu wɔ badwa ne anu kyɛ, “Aliɛmaa mɔ, nde Farasiiniɛ, Farasiifoɛ awa; na ɔnate awufoɛ etingyelɛ ne ye nwo anyelasoɛ ti yeɛ bébua me ndɛen ye”

Asomafoɛ 24:16

Ɛhe ati, mmerɛ biala mebɔ mmɔden kyɛ me tiboa ngobua me foɛ wɔ Nyameɛ ne kuro sona nyunu ɔ.

Asomafoɛ 6:15

Badwafoɛ ne amukoraa neane Setefano haa, na benwuni kyɛ ye nyunu ayɛ kyɛ abɔfo nyunu.

1 Korintofoɛ 4:4

Ofikyɛ me tiboa mmua me foɛ, nakoso ɛhe ngyire kyɛ mendɔ sii. Na Awurade yeɛ obua me ndɛen ɔ.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Korintofoɛ 4:2

Na yagyi nyanzoen bra bɔ bɛbɔ ye mvealeɛ nu ne yagua; yɛmmɔ nnakannaka bra, yeɛ yɛngã Nyameɛ dwirɛ ne yɛngyea ye; na mmom yɛfa nahorɛ ne bɔ yɛye ye ali ne aso maa mmenia de yɛ to nu wɔ Nyameɛ nyunu.

2 Timoteo 1:3

Mefa asennaa mema Nyameɛ bɔ mefa tiboa paa meso ye, kyɛbɔ me nana mɔ bɛsole ye ne, kyɛ daa biala mekaye wɔ wɔ me mbaeɛ nu eyia ne kɔngɔen.

Hebrifoɛ 13:18

Ɛmɔhɔ so bɛbɔ mbaeɛ bɛma yɛ; ofikyɛ yɛde yɛdi kyɛ yɛ tiboa mmua yɛ foɛ, na yɛkuro kyɛ daa yɛdi dwirɛ paa wɔ yɛ brabɔlɛ nu.

1 Petro 3:16

Ɛ́mɔma ɛmɔ tiboa obua ɛmɔ be, amaa sɛ bɛto ɛmɔ soen a, bɛ bɔ bɛkekã ɛmɔ Kristo nu bra paa ne nwo dwirɛ tɛɛ ne, bɛ nyunu agua ase.