Asomafoɛ 22:6 - AHYERƐLƐ KRONGRON

⁶ “Na mbene atee so bɔ mekɔ na mbingyele Damasko nen, kɔyɛ eyiagyina mmerɛ ne, mvum nu, kanea totohyia bie fili nyameɛso ɔɔtale me nwo bra yiale.

Asomafoɛ 22:6 Iomraidhean Croise

Gyenesise 14:15

Abram hyɛle ye mmenia ne anu kure kure kɔngɔen maa bɛhɔle ye pɔfoɛ nemɔ so. Ɔbole bɛ, na ɔfoane bɛ toonn oodwuli Hoba bɔ ɔwɔ Damasko sorɔ ne.

Gyenesise 15:2

Nakoso Abram bisale kyɛ, “O, AWURADE Nyameɛ, nzikyɛ yeɛ ɛkɔfa kɔma me ɔ? Nea kyɛ nnne ba, na Eliesa bɔ ofi Damasko yeɛ okoli me bia ɔ.”

2 Samuel 8:6

Afei Dawide ɔɔkyekyele koɛhonɛfoɛ asikyeleɛ mɔ wɔ Damasko bɔ ɔwɔ Siria. Na Siriafoɛ bɛɛyɛle Dawide ngoaa bɔ né betua ɛtoɔ bɛma ye ɔ. Na AWURADE mane Dawide lili ngonim wɔ koɛ biala bɔ ɔhone ɔ nu.

Yesaya 24:23

Na afei ɛsraen kɔfɛre, yeɛ eyia nyunu kogua ase, ofikyɛ Asafo AWURADE koli hene wɔ Sion bokaa ne aso ne Yerusalem, na ɔkɔye ye animnyam ali wɔ ye mbanyi mɔ nyunu.

Mateo 17:2

Na ɔsesane wɔ bɛ nyunu berɛ, ye nyunu tale kyɛ eyia, na ye ndaadeɛ yɛle hyɛnn kyɛ kanea.

Asomafoɛ 22:7

Mbɛ mvini, na ndele kyɛ ebie dwudwo kyire me kyɛ, ‘Sɔɔlo, Sɔɔlo, nzu ati yeɛ ɛtane me nye ye?’

Asomafoɛ 23:9

Bɛteateane nu serɛserɛ, na ahyerɛlɛfoɛ biemɔ bɔ bɛwɔ Farasiifoɛ fekue ne anu bedwɔso bedwudwole anyeborolɛ so kyɛ, “Yɛnnwu bɔne biala wɔ sɔ biaa he nwo. Ebie po a, né sunzum anaa abɔfo bie yeɛ odwudwo hyirele ye ɔ. Nnɛmɔma yɛko yɛtia Nyameɛ!”

1 Korintofoɛ 15:8

Bɔ ɔpɛ ye bo ɔ, ɔyele ye nwo ali hyirele me koso bɔ nde kyɛ ebie bɔ wandwu oni aworɛ ná wawo ye ɔ.

Nyekyire 1:16

Né otira nzramaa nzoo wɔ ye sa famaa nu, na sɛpɔ nnaennaen fili ye noa nu fitele, na ye nyunu te kyɛ eyia bɔ ɔbɔ gyireingyirein ɔ.