Asomafoɛ 22:3 - AHYERƐLƐ KRONGRON

³ “Nde Yudaniɛ, bɛwole me Taaso bɔ ɔwɔ Kilikia manzini nu. Bɛtetele me wɔ kuro ye anu, na Gamaliɛl yeɛ ohyirele me nikye ɔ. Ɔfale yɛ nana mɔ mmeraa ne hyirele me nikyee pɛpɛɛpɛ, na nduli me nwo nziele berɛ mane Nyameɛ kyɛbɔ ɛnɛ ye ɛmɔ amukoraa bɛyɔ ne.

Asomafoɛ 22:3 Iomraidhean Croise

2 Samuel 21:2

Ye sɔ ne ati, Nana Dawide tole ye sa frɛle Gibeonfoɛ ɔne bɛ dwudwole. (Gibeonfoɛ de, né bɛtte Yisraelfoɛ ne bie, na mmom bɛte Amorifoɛ bɛ bosofoɛ. Ɔwɔ nu kyɛ Yisraelfoɛ tale ndaen kyɛ bengohu bɛ, nakoso Sɔɔlo bɔle mmɔden kyɛ okohu bɛ kɔmaa bɛ boso konua, ofikyɛ né Sɔɔlo ɔko ma Yisrael ne Yuda.)

2 Ahemvo 4:38

Elisa sa wale Gilgal. Sɔ mmerɛ ne, né ɛhɔen ape maen ne anu. Mmerɛ bɔ ngɔmhyɛlɛfoɛ fekue ne bɛtete Elisa nyunu berɛ ne, osele ye somvoɛ ne kyɛ, “Fa turonzemaa piri ne sie see so, na yɛ turoo ma ngɔmhyɛlɛfoɛ fekue ne.”

Luka 10:39

Né Maata le aliɛma brasua bie bɔ bɛfrɛ ye Maria ɔ, na ɔɔtenane Yesu gya bo berɛ otiele ye ngyerɛkyerɛ.

Luka 2:46

Na ɔwale kyɛ, ye ɛlɛsa ne aso, beenwuni ye wɔ asɔneyɛɛ sua ne anu kyɛ ɔte akyerɛkyerɛfoɛ mɔ b’afia, bɔ ótie bɛ ná óbisabisa bɛ dwirɛ ɔ.

Luka 8:35

Yeɛ mmenia fite wale kyɛ bɛbaanea edwirɛ bɔ wasi ne; na bedwuli Yesu nwo berɛ nen, benwuni biaa bɔ sunzummɔne mɔ batu bafi ye nu ne, kyɛ ɔte Yesu gya bo berɛ, owura ataadeɛ, ná ye adwene wɔ berɛ ɔ, na besurole.

Asomafoɛ 11:25

Banaba fili berɛ hɔle Taaso kyɛ ɔkwaapena Sɔɔlo.

Asomafoɛ 15:23

na bɛhyerɛle krataa he bɛfa bɛsomane bɛ: “Yɛ asomafoɛ ne asɔre mbanyi mɔ, bɔ yɛte ɛmɔ aliɛma mɔ, yɛbisa y’eliɛma mɔ Amaenmaensofoɛ bɔ bɛwɔ Antiokia, Siria ne Kilikia ahye.

Asomafoɛ 15:41

Ɔɔpɛle nu wɔ Siria ne Kilikia na ɔhyɛle asɔremma nemɔ nguraen.

Asomafoɛ 21:20

Na bɛtele sɔ ne, bɛyele Nyameɛ ayɛ; na besele ye kyɛ, “Aliɛmaa Pɔɔlo, tie yɛ e! Yudafoɛ pembepembe wɔ wa bɔ bayɛ agyidifoɛ ɔ, na bɛ mukoraa basɔ Mose mmeraa ne anu serɛserɛ.

Asomafoɛ 21:39

Na Pɔɔlo buale kyɛ, “Nde Yudaniɛ, mvi Taaso bɔ ɔwɔ Kilikia, kuro bɔ bɔ wale dumaa so niɛ. Mmvi kuro nwunyanwunya so. Mesrɛ wɔ, maa ndwudwo ngyire ɛlɔen ne.”

Asomafoɛ 23:34

Amrado ne kengale krataa ne, na obisale Pɔɔlo manzini horɛ bɔ ofi nu ɔ. Na ɔtele kyɛ ofi Kilikia nen,

Asomafoɛ 23:6

Na mmerɛ bɔ Pɔɔlo nwuni kyɛ mmenia ne bue bɛte Sadusiifoɛ, ná bɛ bue koso bɛte Farasiifoɛ nen, ɔteane nu wɔ badwa ne anu kyɛ, “Aliɛmaa mɔ, nde Farasiiniɛ, Farasiifoɛ awa; na ɔnate awufoɛ etingyelɛ ne ye nwo anyelasoɛ ti yeɛ bébua me ndɛen ye”

Asomafoɛ 26:5

Bɛse me dada, na sɛ bekoli adanzeɛ po a, ofi ye ahyɛaseɛ ne amukoraa, nde Farisii fekue bɔ odi yɛ som mmeraa so pɛpɛɛpɛ ne anu niɛ.

Asomafoɛ 26:9

“Me bɔbɔ nyɛle kyɛ odi kyɛ meyɔ nningyein pee mefa meko metia Nasarɛteniɛ Yesu ne dumaa.

Asomafoɛ 5:34

Na badwafoɛ nemɔ anu ko dwɔsole. Ɔte Farasiiniɛ bɔ bɛfrɛ ye Gamaliɛl. Né ɔte mmeraa kyerɛkyerɛniɛ bɔ maen ne anu ama mukoraa bebu ye ɔ; na ɔmaa bɛfale asomafoɛ nemɔ befitele kãa.

Asomafoɛ 6:9

Na mmenia bie bɔ banya fawɔnwodi bafi ngoaasolɛ nu, na bɛtaa bɛkɔ nyianu sua nu ne, bɛ ne ye amva anyeɛ. Sɔ mmenia ne te Yudafoɛ bɔ befi Kirene ne Aleksandria, na ebiemɔ koso te Yudafoɛ bɔ befi Kilikia ne Asia, na bɛhyɛle ye bo bɛ ne Setefano suli aporowaa.

Asomafoɛ 9:1

Sɔ mmerɛ ne, né adwene biala nne Sɔɔlo ti anu te kyɛ anwunanwuna ne kodiawu adwene bɔ ɔfa ko tia Awurade asuafoɛ nemɔ ɔ. Yiti ɔhɔle ɔsɔfo panyi paa ne berɛ

Asomafoɛ 9:11

Na Awurade sele ye kyɛ, “Dwɔso kɔ borɔnoɛ bie bɔ bɛfrɛ ye ‘Turoloo’ ne aso, na kɔ Yudase awuro kɔpena biaa bie bɔ bɛfrɛ ye Sɔɔlo bɔ ofi Taaso. Sɔ Sɔɔlo ne gu so ɔbɔ mbaeɛ,

Asomafoɛ 9:30

Mmerɛ bɔ agyidifoɛ nemɔ tele sɔ dwirɛ nen, bɛfale Sɔɔlo bɛhɔle Kaesarea, na bɛmaa ɔhɔle Taaso.

Romanfoɛ 11:1

Afei mebisa, aso Nyameɛ wapo ye maen anaa? Dabida! Ofikyɛ me bɔbɔ nde Yisraelniɛ, nde Abraham bosoniɛ, mvi Benyamin abusua kure nu.

2 Korintofoɛ 11:22

Bɛte Hebrifoɛ anaa? Me wora nde bie. Bɛte Yisraelfoɛ anaa? Me wora nde bie. Bɛte Abraham boso ama anaa? Me wora nde bie.

Galatiafoɛ 1:14

Na nyane ngɔsoɛ wɔ Yudasom nu ndrale Yudafoɛ pee bɔ me ne bɛ bɔ tipɛen, na nzɔle me nana mɔ amammerɛ ne anu serɛserɛ.

Galatiafoɛ 1:21

Na ɛhe asi ne, ngɔle Siria ne Kilikia mbɔtam.

Deuteronomi 33:3

Yoo, ohurole ye mmenia dwirɛ, ye anwoteefoɛ amukoraati bewura ye sa; bebutubutu wɔ wɔ gya bo, na bedi wɔ dwirɛ so.