Asomafoɛ 22:25 - AHYERƐLƐ KRONGRON

²⁵ Na mmerɛ bɔ bɛ́fa nyamaa bɛ́kyekye Pɔɔlo ne, obisale asraafoɛ ɛyaa so panyi bɔ ogyi ye nwo berɛ ne kyɛ, “Aso mmeraa ma ate kyɛ ɛmɔkofi ebie bɔ ɔte Romanniɛ mbire wɔ aberɛ bɔ bellili ye dwirɛ bebbuale ye foɛ ɔ?”

Asomafoɛ 22:25 Iomraidhean Croise

Mateo 10:17

Ɛ́mɔnea ɛmɔ nwo yé wɔ kuro sona nwo, ɔnate kyɛ bɛkɔfa ɛmɔ bɛkɔhɔ mbanyi badwa nu, ná bafi ɛmɔ mbire wɔ bɛ nyianu sua mɔ nu.

Mateo 27:54

Na asraafoɛ ɛyaa so panyi ne bɛ bɔ bɛboka ye so, bɔ bɛwɛne Yesu ne, benwuni aseɛwosolɛ ne ne nningyein bɔ osisili nen, besurole paa, na bɛhane kyɛ, “Amba, Nyameɛ Awa ne ɛhe!”

Mateo 8:8

Na asraafoɛ ɛyaa so panyi ne buale ye kyɛ, “Awurade, memvata kyɛ ɛkɔwa m’awuro ɔ; wɔ de kã edwirɛ ne ala, na m’akoaa ne nwo kɔtɔ ye.

Asomafoɛ 10:1

Né biaa bie wɔ Kaesarea bɔ ye dumaa li Kɔneleo ɔ. Ɔte asraafoɛ ɛyaa so panyi wɔ fekue bɔ bɛfrɛ ye Yitalia Fekue ne anu.

Asomafoɛ 16:37

Nakoso Pɔɔlo sele bɛ kyɛ, “Bammua yɛ ndɛen wɔ bɔne biala nwo, yeɛ bafi yɛ mbire wɔ mmenia nu wɔ aberɛ bɔ yɛte Romanfoɛ ɔ, na bɛfale yɛ beguale kuku nu. Afei de, bɛ́fea bɛ nwo bɛye yɛ maa yɛkɔ anaa. Daabi, yɛngɔhɔ! Ma bɛ bɔbɔ bɛbra bɛɛye yɛ.”

Asomafoɛ 22:26

Na asraafoɛ ɛyaa so panyi ne tele sɔ dwirɛ nen, ɔhɔle safohene ne berɛ oobisale ye kyɛ, “Nzikyɛ nikye yeɛ ɛbaayɔ e? Sɔ biaa he te Romanniɛ!”

Asomafoɛ 23:17

Na Pɔɔlo frɛle asraafoɛ mbanyi ne ko sele ye kyɛ, “Fa sɔ aberandeɛ ye kɔ safohene ne berɛ, na ole dwirɛ kã kyire ye.”

Asomafoɛ 23:27

Yudafoɛ hyele sɔ biaa he, na ɔhale kãa bie maa behuni ye. Ndele kyɛ ɔte Romanniɛ, yiti me ne asraafoɛ nemɔ yɛhɔle berɛ yɛɛpepɛ yɛlele ye.

Asomafoɛ 25:16

Na me koso mmuale bɛ kyɛ, ɔtte yɛ Romanfoɛ mmeraa kyɛ yɛkɔye sona biala bɔ babɔ ye kwaadu kɔmaa bekohu ye ɔ; sana ɔne ye kwaadubɔlɛfoɛ nemɔ beyia bɛbɔ nguro, ná onya atee ye ye noa koraa.

Asomafoɛ 27:1

Nziɛ ye bɔ besili ye pi kyɛ ɔsɛ kyɛ yɛkɔ Yitalia nen, bɛfale Pɔɔlo ne kukunufoɛ biemɔ bewurale Roman asraafoɛ ɛyaa so panyi bie sa. Oli Yulio. Né ɔboka “Roman Panyi Asraafoɛ Fekue” ne aso.

Asomafoɛ 27:3

Aleɛ hyene ne, yɛɛgyinane Sidon. Yulio yɛle Pɔɔlo paa paa. Ɔmane ye ate maa ɔhɔle ye damvo mɔ berɛ oolele nningyein kãa bɔ okohia ɔ.

Asomafoɛ 27:43

Nakoso né asraafoɛ ɛyaa so panyi ne kuro kyɛ ode Pɔɔlo ngoa; yiti wambene so. Na mmom ɔhyɛle kyɛ bɛ bɔ bɛkɔhora bia ne beli moa begua nzue ne anu bɛhɔ etii so;