Asomafoɛ 22:24 - AHYERƐLƐ KRONGRON

²⁴ Roman safohene ne mane ye asraafoɛ nemɔ bɛfale Pɔɔlo bɛhɔle b’adwuma nu dɔ, na ɔhyɛle kyɛ befi ye mbire ma ɔha nikye horɛ bɔ yiti yeɛ batu bɛ noa bagua ye so sɔ ne.

Asomafoɛ 22:24 Iomraidhean Croise

Yohane 19:1

Afei Pilato fale Yesu ofini ye mbire.

Asomafoɛ 16:37

Nakoso Pɔɔlo sele bɛ kyɛ, “Bammua yɛ ndɛen wɔ bɔne biala nwo, yeɛ bafi yɛ mbire wɔ mmenia nu wɔ aberɛ bɔ yɛte Romanfoɛ ɔ, na bɛfale yɛ beguale kuku nu. Afei de, bɛ́fea bɛ nwo bɛye yɛ maa yɛkɔ anaa. Daabi, yɛngɔhɔ! Ma bɛ bɔbɔ bɛbra bɛɛye yɛ.”

Asomafoɛ 21:34

Na mmenia ne bie teane nu hane edwirɛ he, yeɛ ebiemɔ koso teane nu hane edwirɛ foforɛ. Na basabasa ne ati, asraafoɛ panyi ne angora annwu nikyee pɔtee bɔ wasi ɔ, yiti ɔhyɛle kyɛ asraafoɛ nemɔ befa Pɔɔlo beewura nu wɔ b’adwuma nu dɔ.

Asomafoɛ 21:37

Mmerɛ bɔ asraafoɛ ne yɛle kyɛ bɛfa Pɔɔlo bɛkɔ b’adwuma nu dɔ nen, osele asraafoɛ panyi ne kyɛ, “Aso mekora mekã edwirɛ kãa mekyire wɔ?” Na obuale kyɛ, “Ɛka Hela dwudwolɛ hɔ ɔ?

Asomafoɛ 23:10

Afei ɛtealɛ ne hɔle so serɛserɛ maa safohene ne surole kyɛ bɛkɔtete Pɔɔlo nu pasapasa koraa. Yiti ɔhyɛle ye asraafoɛ nemɔ kyɛ bedwu bɛhɔ mmenia ne anu dɔ beefoti ye befi bɛ sa nu, ná bɛfa ye bɛhɔ b’adwuma nu dɔ.

Asomafoɛ 23:27

Yudafoɛ hyele sɔ biaa he, na ɔhale kãa bie maa behuni ye. Ndele kyɛ ɔte Romanniɛ, yiti me ne asraafoɛ nemɔ yɛhɔle berɛ yɛɛpepɛ yɛlele ye.

Asomafoɛ 28:18

Roman mbanyi neaneane me dwirɛ ne anu yiele nen, ahaa bɛpena kyɛ bɛyakyi me, ofikyɛ bannwu nikyee biala bɔ mayɔ bɔ ɔmaa mefata ehunɛ ɔ.

Hebrifoɛ 11:35

Mmrasua sa hane b’awufoɛ bɔ batingye bafi ewue nu ɔ. Ebiemɔ koso bɛhyɛle bɛ anyeborolɛ behuni bɛ, nakoso bambene kyɛ bekonya bɛ nwo bɛkɔtete ɔ, amaa ɔnate so banya ewutingyelɛ paa ne.