Asomafoɛ 22:20 - AHYERƐLƐ KRONGRON

²⁰ Na mmerɛ bɔ behwie w’adanzeniɛ Setefano mogya begua ne, né me koso nwɔ berɛ bie, mbenene ye hunɛ ne aso, na nneane bɛ bɔ behuni ye ne ndaadeɛ so mane bɛ.’

Asomafoɛ 22:20 Iomraidhean Croise

Luka 11:48

Yiti, ɛmɔdi ɛmɔ nana mɔ yɔleɛ ne nwo adanzeɛ, na ɛmɔpene so, kyɛ bɛ yeɛ behuhuni bɛ ɔ, yeɛ ɛmɔ koso ɛmɔto b’asieleɛ so ɔ.

Asomafoɛ 26:10

Na nikyee bɔ nyɔle ye wɔ Yerusalem hɔ ɛne. Nyane tumi mvili asɔfo mbanyi nemɔ berɛ, na ndole agyidifoɛ pee kuku nu. Né beku bɛ po a, me koso mefoa so kyɛ behũ bɛ.

Asomafoɛ 6:5

Asomafoɛ nemɔ nzusuleɛ ne yɛle agyidifoɛ ne amu fɛ, yiti bɛyele Setefano bɔ gyidie ne Sunzum Krongron ayi ye tɛkyɛ, Filipo, Prokoro, Nikanɔ, Timon, Pamena yeɛ Amaenmaensoniɛ Nikolao bɔ ofi Antiokia ná koso wasɔ Yudasom nu ɔ.

Asomafoɛ 7:58

Bɛhwene ye befili kuro ne anu bɛɛborole ye nyɔboɛ. Na adanzefoɛ nemɔ yeyele bɛ ndaadeɛ mane aberandeɛ bie bɔ bɛfrɛ ye Sɔɔlo kyɛ ɔnea so ma bɛ.

Asomafoɛ 8:1

Sɔɔlo penene Setefano hunɛ ne aso. Na ofi sɔ kyẽa ne, bɛhyɛle ye bo kyɛ bɛtane asɔre ne nye anyeborolɛ so wɔ Yerusalem. Yiti agyidifoɛ nemɔ amukoraa bɛbɔle aya bɛhɔle Yudea ne Samaria mbɔtam, maa ɔhale asomafoɛ nemɔ ngome.

Romanfoɛ 1:32

Bɛse Nyameɛ mmeraa ne kyɛ bɛ bɔ bɛyɔ sɔ nningyein nemɔ ne, ewue yeɛ ɔfata bɛ ɔ. Nna kyɛ bɛyɔ sɔ nningyein hemɔ angome, na mmom bɛhyɛ bɛ bɔ bɛyɔ sɔ ne nguraen.

Nyekyire 17:6

Na nwuni kyɛ anwoteefoɛ mogya ne Yesu adanzefoɛ mogya wabo braa ne; na nwuni ye nen, ɔyɛle me nwanwa paa.

Nyekyire 2:13

[Mese wɔ nnwumaa], mese nekaa bɔ ɛte ɔ, nekaa bɔ Satan ahennie bia gyi ne; nakoso atira me dumaa ne anu bum, na ambo me gyidie ne, mmerɛ bɔ behuni m’adanzeniɛ nahorɛniɛ Antipa wɔ ɛmɔ berɛ ne po, nekaa bɔ Satan te ne.