Asomafoɛ 22:14 - AHYERƐLƐ KRONGRON

¹⁴ Na ɔhane kyɛ, ‘Yɛ nana mɔ Nyameɛ ne, waneanea nu waye wɔ kyɛ enwu ye apɛdeɛ, ná enwu ye Teneneeniɛ ne, na ɛte ye bɔbɔ ye noa nu dwirɛ,

Asomafoɛ 22:14 Iomraidhean Croise

2 Ahemvo 21:22

Ɔpole AWURADE ye nana mɔ bɛ Nyameɛ ne, na wandie AWURADE dwirɛ.

1 Aberɛso Dwirɛ 12:17

Dawide fitele ooyiale bɛ, na osele bɛ kyɛ, “Sɛ ɛmɔawa me berɛ abiɛngoɛ so, kyɛ ɛmɔbaaboka me de a, ye de mene ɛmɔ kɔyɛ ko. Nakoso sɛ ɛmɔawa kyɛ ɛmɔbaaye me bɛma me pɔfoɛ mɔ, wɔ aberɛ bɔ nnyɔle bɔne biala a, ye de yɛ nana mɔ Nyameɛ ne, wanwu ye, na okotua ɛmɔ kerɛ.”

1 Aberɛso Dwirɛ 29:18

Ao AWURADE, Abraham, Yisake, Yisrael ne yɛ nana mɔ Nyameɛ, adwene paa ne nhyehyɛleɛ paa bɔ ɔte sɔa ye, maa ɔtena wɔ mmenia bɛ ti anu daa. Maa beli nahorɛ bɛma wɔ daa.

2 Aberɛso Dwirɛ 28:25

Yuda kuro biala so, osisili asɔneyɛɛ bɔ bɛyera ɛyɛɛ bɛma nyameɛ foforɛ mɔ ɔ wɔ so, na ɔyɔle sɔ fa wurale AWURADE ye nana mɔ Nyameɛ ne apue.

2 Aberɛso Dwirɛ 30:19

ebiala bɔ waye ye ahone nu kyɛ ɔkɔso Nyameɛ, AWURADE ye nana mɔ Nyameɛ ne, ɔ́fa ye bɔne ɔ́hyɛ ye, ɔwɔ nu kyɛ wamva nekaa krongron berɛ nhyehyɛleɛ ne aso wambete ye nwo de.”

Ɛsra 7:27

(Yeɛ Ɛsra sele kyɛ,) “AWURADE, yɛ nana mɔ Nyameɛ bɔ wafa sɔ adwene paa he wawura Nana Atasɛsɛse ti anu, kyɛ ɔfa siesie AWURADE awuro bɔ ɔwɔ Yerusalem maa ɔyɛ nyemene ne, animnyam hã ye,

Ɛksadɔso 15:2

AWURADE te m’anwoserɛ ne me dwein, na wayɛ me ngoadefoɛ. Ɔte me Nyameɛ, na ngɔye ye ayɛ, me baba Nyameɛ ɛne, na ngɔma ye so.

Yeremia 1:5

“Anzana mebaanwo wɔ wɔ bɛ kunu ne, né mese wɔ, anzana ɛbaafi bɛ kunu ba ne, né mate wɔ nwo; na nduli wɔ nziele berɛ nyɛle wɔ ngɔmhyɛlɛniɛ mane Amaenmaensofoɛ.”

Daniel 2:23

O, me nana mɔ Nyameɛ, meyɛ wɔ mmo meye wɔ ayɛ, kyɛ ama me nworɛ ne tumi, ná afei ala bɔ yasrɛ wɔ ne ali ahyire me ɔ, ofikyɛ ala Nana laleɛ ne ali ahyire yɛ.”

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Asomafoɛ 13:17

Yisrael Nyameɛ neaneane nu yele yɛ nana mɔ, na ɔyɛle bɛ mmeni titire wɔ mmerɛ bɔ né bɛte amanvrafoɛ wɔ Misraim aseɛ so ne. Nyameɛ nate ye tumi piri so yele bɛ fili Misraim,

Asomafoɛ 22:15

ɔnate kyɛ ɛkɔyɛ ye danzeniɛ nã ahã bɔ anwu ye ne bɔ ate ne ahyire mmenia mukoraa.

Asomafoɛ 22:18

Nwuni Awurade, na osele me kyɛ, ‘Ma wɔ nwo yɛ nyera ná fi Yerusalem, ofikyɛ bengole w’adanzeɛ bɔ ekoli kɔfa me nwo ne ngɔto nu.’

Asomafoɛ 24:14

Na ɛhe de, mede meto nu wɔ wɔ nyunu kyɛ, Atee bɔ bɛnwa ɔte ngondombo atee ne yeɛ mefa so mesɔne yɛ nana mɔ Nyameɛ ɔ. Yeɛ mede nikyee biala bɔ bahyerɛ ye wɔ Mose mmeraa ne ngɔmhyɛlɛfoɛ nwomaa ne anu medi.

Asomafoɛ 26:16

Nakoso dwɔso gyina wɔ gya so. Na ɛhe ati yeɛ ɔmaa nyele me nwo ali ngyirele wɔ ɔ; maye wɔ kyɛ ɛyɛ me somvoɛ ne danzeniɛ wɔ nningyein bɔ anwu ye ne bɔ mebaaye mekyire wɔ ne nwo.

Asomafoɛ 5:30

Yɛ nana mɔ Nyameɛ tingyele Yesu bɔ ɛmɔbɔle ye mmeamudua nu behuni ye ne fili ewue nu.

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,

Asomafoɛ 9:15

Na Awurade sele ye kyɛ, “Wɔ de, kɔ, ofikyɛ maye ye kyɛ ɔso me, ná ɔbɔ me dumaa nwo dawure hyire Amaenmaensofoɛ ne ahemvo ne Yisrael mma.

Asomafoɛ 9:17

Yiti Anania sili nu hɔle. Owurale awuro ne anu, ɔfale ye sa guale ye so, na ɔhane kyɛ, “Aliɛmaa Sɔɔlo, Awurade Yesu bɔ ɔyele ye nwo ali hyirele wɔ wɔ atee bɔ efi so wale ne aso ne, wasoma me wɔ wɔ berɛ, kyɛ esa nwu nikye, ná Sunzum Krongron oyi wɔ tɛkyɛ.”

Romanfoɛ 1:1

Pɔɔlo, Yesu Kristo akoaa, bɔ bafrɛ me kyɛ mmanyɛ somafoɛ, ná batu me basie berɛ bama Nyameɛ nzɛmba ne,

1 Korintofoɛ 11:23

Ofikyɛ, bɔ nya mvili Awurade berɛ ne yeɛ me koso mva mane ɛmɔ ɔ: kyɛ, kɔngɔen ne bɔ bɛyele Awurade Yesu bɛmane ne, ɔfale paanoo,

1 Korintofoɛ 15:3

Ofikyɛ, edwirɛ bɔ ye nwo hia paa yeɛ nyane ɔ, ná me koso mva mmrɛle ɛmɔ kyɛ, yɛ bɔne ti yeɛ Kristo wuli ɔ, kyɛbɔ Ahyerɛlɛ ne kã ne.

1 Korintofoɛ 15:8

Bɔ ɔpɛ ye bo ɔ, ɔyele ye nwo ali hyirele me koso bɔ nde kyɛ ebie bɔ wandwu oni aworɛ ná wawo ye ɔ.

1 Korintofoɛ 9:1

Me bɔbɔ nnne me nwo hɔ ɔ? Aso nnde somafoɛ anaa? Nnwuni y’Awurade Yesu Kristo hɔ ɔ? Nna me sa noa adwuma wɔ Awurade nu ole ɛmɔ hɔ ɔ?

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Galatiafoɛ 1:12

Ɔnate kyɛ mannya mamvi kuro sona berɛ, yeɛ bangyire me koso; na mmom Yesu Kristo yeɛ ɔyele ye ali hyirele me ɔ.

Galatiafoɛ 1:15

Nakoso Nyameɛ bɔ ɔneaneane nu yele me koraka yeɛ bɛbaawo me, na ɔlole me frɛle me ne, mmerɛ bɔ ɔsɔle ye nye

2 Timoteo 1:1

Pɔɔlo bɔ ɔnate Nyameɛ pɛ so nde Kristo Yesu somafoɛ, kyɛbɔ ngoa bɔhyɛ bɔ ɔwɔ Kristo Yesu nu te ne,

Tito 1:1

Pɔɔlo, bɔ nde Nyameɛ akoaa ne Yesu Kristo somafoɛ mema bɛ bɔ Nyameɛ aneanea nu waye bɛ ɔ bɛ gyidie ɔne nahorɛ ne nwo nimdeɛ bɔ ɔma nyamesom paa ɔ,

1 Petro 2:22

Ye de, wanyɔ bɔne, biala, yeɛ ngondombo dwirɛ biala amvi ye noa.

1 Yohane 2:1

Me ngwadaa mɔ, mekyerɛ he mebrɛ ɛmɔ amaa ɛmɔanyɔ bɔne. Nakoso sɛ ebie yɔ bɔne a, yɛle kamafoɛ wɔ Baba ne nyunu bɔ ye ole teneneeniɛ Yesu Kristo.