Asomafoɛ 22:12 - AHYERƐLƐ KRONGRON

¹² “Né biaa bie bɔ bɛfrɛ ye Anania, bɔ ɔte nyamesuroniɛ paa kyɛbɔ yɛ mmeraa si te ɔ wɔ kuro berɛ. Yudafoɛ mukoraa bɔ ye dumaa paa.

Asomafoɛ 22:12 Iomraidhean Croise

Luka 2:25

Na sɔ mmerɛ ne, né biaa bie bɔ bɛfrɛ ye Simeon ɔ ɔwɔ Yerusalem. Né ɔtengyɛ, yeɛ osuro Nyameɛ, na né ɔ́nwondɛ Yisrael aworakyekyerɛ ne, yeɛ afei né Sunzum Krongron wɔ ye so.

Asomafoɛ 10:22

Na bɛbɔle b’amaneɛ kyɛ, “Asraafoɛ ɛyaa so panyi Kɔneleo yeɛ ɔsomane yɛ ɔ. Ɔte sona paa, nyamesuroniɛ, na Yuda maen ne amukoraa bɔ ye dumaa paa. Na Nyameɛ abɔfo aye ahyire ye kyɛ ɔto ye sa frɛ wɔ ma ɛbra ye awuro, na otie wɔ noa dwirɛ.”

Asomafoɛ 17:4

Bɛ nu biemɔ lele edwirɛ ne lili, na bɛfale bɛ nwo bɛbɔle Pɔɔlo ne Silase; sɔ ala yeɛ Helafoɛ nyamesurofoɛ pee ne mmrasua atitirefoɛ pee koso yɔle ɔ.

Asomafoɛ 6:3

Yiti aliɛmaa mɔ, ɛmɔye ɛmɔ nu mmienzua nzoo bɔ ebiala bu bɛ, nworɛfoɛ bɔ Sunzum Krongron ayi bɛ tɛkyɛ, na yɛfa bɛ yɛsie sɔ adwuma he noa,

Asomafoɛ 8:2

Nyamesurofoɛ biemɔ hɔle bɛɛfale Setefano besiele ye, na besuni ye paa.

2 Korintofoɛ 6:8

Bedi yɛ ni ná basa bagua yɛ nyunu ase, bɛkã yɛ nwo dwirɛ tɛɛ ná basa baye yɛ ayɛ; yɛkã nahorɛ nakoso bɛnwa yɛte nnakannaka,

1 Timoteo 3:7

Afei koso, ɔsɛ kyɛ ɔyɛ ebie bɔ mmenia bɔ bɛnne yeɛ fekue ne anu ɔ bɛbɔ ye dumaa paa ɔ, ná ye nyunu angua ase ma wandɔ abɔnzam ngaen nu.

Hebrifoɛ 11:2

Ofikyɛ, ɔnate gyidie so yeɛ daa ama mɔ sɔle Nyameɛ nye ɔ.

3 Yohane 1:12

Mmenia mukoraa di Demetrio nwo adanzeɛ paa, yeɛ ye yɔleɛ koso di ye nwo adanzeɛ paa. Yɛ koso yɛdi ye nwo adanzeɛ, na ɛmɔse kyɛ y’adanzeɛ ne te nahorɛ.