Asomafoɛ 22:1 - AHYERƐLƐ KRONGRON

¹ “Aliɛmaa mɔ ne ngya mɔ, ɛ́mɔtie edwirɛ bɔ mekã mefa mesa me nwo mekyire ɛmɔ ye.”

Asomafoɛ 22:1 Iomraidhean Croise

Luka 12:11

“Sɛ bɛfa ɛmɔ bɛkɔ nyianu sua mɔ nu, ndɛenbualɛfoɛ ne mbanyi nyunu a, nnɛma ɛmɔdwenedwene kyɛbɔ ɛmɔkosi bɛkɔye ɛmɔ noa nwo, anaa bɔ ɛmɔkɔhã ɔ nwo;

Luka 21:14

Yiti odi kyɛ ɛmɔfa he bɛto ɛmɔ ti anu, ná ɛmɔandwenedwene bɔ ɛmɔkɔfa bɛkɔye ɛmɔ noa ɔ nwo koraka;

Asomafoɛ 13:26

“Aliɛmaa mɔ, Abraham bosofoɛ ne Amaenmaensofoɛ mukoraa bɔ besuro Nyameɛ ɔ, yɛ berɛ yeɛ Nyameɛ somane ngoalelɛ dwirɛ ne ɔ.

Asomafoɛ 19:33

Na mmenia ne bie susuli kyɛ Aleksandro se edwirɛ ne nwo bie, ɔnate kyɛ né Yudafoɛ ne ahwe ye aagyina anyunu kyɛ ɔye dwirɛ ne noa. Aleksandro mane ye sa so hyirele mmenia ne kyɛ bɛyɛ dinn, na ɔyɛle kyɛ ɔye dwirɛ ne noa.

Asomafoɛ 23:1

Pɔɔlo tole ye nye neane badwafoɛ ne haa na osele kyɛ, “Aliɛmaa mɔ, me tiboa mmua me foɛ wɔ me bra bɔ mabɔ wɔ Nyameɛ nyunu tonn maa waadwu ɛnɛ ye nwo.”

Asomafoɛ 23:6

Na mmerɛ bɔ Pɔɔlo nwuni kyɛ mmenia ne bue bɛte Sadusiifoɛ, ná bɛ bue koso bɛte Farasiifoɛ nen, ɔteane nu wɔ badwa ne anu kyɛ, “Aliɛmaa mɔ, nde Farasiiniɛ, Farasiifoɛ awa; na ɔnate awufoɛ etingyelɛ ne ye nwo anyelasoɛ ti yeɛ bébua me ndɛen ye”

Asomafoɛ 24:10

Amrado ne yɛle kyɛ Pɔɔlo dwudwo, na obuale kyɛ, “Mese kyɛ ɛyɛle maen he aso ndɛenbualɛniɛ ɔ, afoɛ pee awa; yiti ɔyɛ me fɛ kyɛ ngyi wɔ nyunu meye me noa ɔ.

Asomafoɛ 25:16

Na me koso mmuale bɛ kyɛ, ɔtte yɛ Romanfoɛ mmeraa kyɛ yɛkɔye sona biala bɔ babɔ ye kwaadu kɔmaa bekohu ye ɔ; sana ɔne ye kwaadubɔlɛfoɛ nemɔ beyia bɛbɔ nguro, ná onya atee ye ye noa koraa.

Asomafoɛ 25:8

Nakoso Pɔɔlo sale ye nwo kyɛ, “Nnyɔle hwee nndiale Yudafoɛ mmeraa, anaa asɔneyɛɛ sua ne, anaa Roman hene Kaesare.”

Asomafoɛ 26:24

Na Pɔɔlo wɔ so bɔ ɔye ye noa nen, Festo teane ye kyɛ, “Pɔɔlo, w’adwene nyɛ adwuma! Wɔ nwomaa sualɛ pembe ne abɔ afa wɔ ti anu!”

Asomafoɛ 28:17

Ye ɛlɛsa ne aso, Pɔɔlo tole ye sa frɛle Yudafoɛ mbanyi bɔ bɛwɔ Rome maa beyiale, na osele bɛ kyɛ, “Aliɛmaa mɔ, ɔwɔ nu kyɛ manyɔ tɛɛ biala mandia yɛ mmenia anaakyɛ yɛ nana mɔ amanneɛ ne de, nakoso Yudafoɛ maa bɛtole me kuku nu wɔ Yerusalem, na bɛfale me bewurale Romanfoɛ sa.

Asomafoɛ 7:2

Na Setefano buale kyɛ, “Aliɛmaa mɔ ne me baba mɔ, ɛ́mɔtie me! Animnyam Nyameɛ ne ɔyele ye nwo ali hyirele yɛ nana Abraham mmerɛ bɔ né ɔwɔ Mesopotamia ne, koraka yeɛ ɔbaahɔ kɔtena Haran ɔ,

Romanfoɛ 2:15

Bɛ yɔleɛ kyire kyɛ, bahyerɛ bɔ mmeraa ne hyɛ sona kyɛ ɔyɔ ne wɔ b’ahone nu, yeɛ bɛ tiboa koso di adanzeɛ kyɛ ɛhe te nahorɛ. Ofikyɛ ɔtɔ mmerɛ bie a, b’adwene bɔ bɛ kwaadu; na ɔtɔ mmerɛ bie koso a, b’adwene bua bɛ be.

1 Korintofoɛ 9:3

Sɔa yeɛ meye me noa mekyire bɛ bɔ bɛfeefee me bra nu ne ɔ:

2 Korintofoɛ 12:19

Ɛmɔdwene kyɛ yɛ noa yeɛ yɛye yɛkyire ɛmɔ ɔ? Daabi. Yɛdwudwo Kristo dumaa nu wɔ Nyameɛ nyunu; na aliɛmaa mɔ, ɛmɔ ngɔsoɛ ti yeɛ ɔmaa yɛkã ɛhe amukoraa ɔ.

2 Korintofoɛ 7:11

Na sɔ aworabɔlɛ he bɔ ɔnate Nyameɛ surolɛ so wawa ye, ɛmɔnea dwumadie paa bɔ wali wɔ ɛmɔ nu ɔ: bɛ noa yelɛ nu, ahinzɛm nu, ɛserɛ nu, me nwo aworadɔlɛ, ɛmɔ mmɔdenbɔlɛ nu, ɔne wereɛtɔlɛ nu. Na atee biala so ɛmɔahyire kyɛ ɛmɔnni fɔ wɔ ɛhemɔ nwo.

Filipifoɛ 1:17

nakoso ebiemɔ de, bɛkã Kristo nwo nzɛmba ne ngondii so, bɛnga ye nahorɛ nu, na bɛdwene kyɛ bɛyɔ sɔ a bɛkɔma me nwo kɔhyere me wɔ me kukunu nna ye anu.

Filipifoɛ 1:7

Ɛmɔla m’ahone nwo, yiti ɔte paa kyɛ medwene ɛmɔ amukoraa nwo sɔ ɔ. Ofikyɛ ɛmɔ amukoraa ɛmɔ ne me yanya kyɛfa wɔ adom ne anu, me kuku nu nnaa nu, ɔne mmerɛ bɔ ngyinane pindinn mane nzɛmba ne, ná nzili so ngane ne.

2 Timoteo 4:16

Na mmerɛ bɔ né meye me noa bɔ oli moa mefa mesa me nwo ne, ebiala wammangyina me si; bɛ mukoraa bɛyakyili me nu bɛhɔle. Na mesrɛ kyɛ nnɛmaa benya ye nwo asohwenɛ.

1 Petro 3:15

na mmom ɛ́mɔma Awurade Kristo ɔyɛ krongron wɔ ɛmɔ ahone nu. Na mmerɛ biala, ɛ́mɔboaboa ɛmɔ nwo bésie, amaa sɛ ebie bisa ɛmɔ dwirɛ fa anyelasoɛ bɔ ɔwɔ ɛmɔ nu ne nwo a, ɛmɔahora baye ye noa bahyire ye wɔ anwobrɛaseɛ ne anidie nu.