Asomafoɛ 21:8 - AHYERƐLƐ KRONGRON

⁸ Na aleɛ hyene ne, yɛfili berɛ yɛwale Kaesarea. Yɛɛsikyele nzɛmbahanɛniɛ Filipo awuro. Né Filipo boka mmenia nzoo ne aso.

Asomafoɛ 21:8 Iomraidhean Croise

Asomafoɛ 10:1

Né biaa bie wɔ Kaesarea bɔ ye dumaa li Kɔneleo ɔ. Ɔte asraafoɛ ɛyaa so panyi wɔ fekue bɔ bɛfrɛ ye Yitalia Fekue ne anu.

Asomafoɛ 16:10

Mmerɛ bɔ Pɔɔlo nyane nyekyire ne pɛ, yɛboaboale yɛ nwo kyɛ yɛkɔ Makedonia, ofikyɛ yɛnyane adwene kyɛ amba Nyameɛ afrɛ yɛ kyɛ yɛɛbɔ nzɛmba ne dawure yɛhyire bɛ.

Asomafoɛ 16:13

Afofikyẽa dwuli ne, yɛfili kuro berɛ yɛhɔle asue bie noa nekaa bie bɔ yɛsusuli kyɛ ɔyɛ a beyia bɛbɔ mbaeɛ ɔ. Yɛtenane ase, na yɛdwudwo yɛhyirele mmrasua bɔ beeyiale berɛ ne.

Asomafoɛ 16:16

Né yɛkɔ nekaa bie bɔ mmenia bɛtaa beyia bɛbɔ mbaeɛ ɔ, na abaayaa bie bɔ ɔte afaneɛ bɔ odi ahɔen ɔ wale ooyiale yɛ. Ye ngɔmhyɛlɛ ne, né wama ye mene mɔ banya bɛ nwo tam.

Asomafoɛ 18:22

Na odwuli Kaesarea nen, ɔbɔle hwii hɔle Yerusalem oobisale asɔremma nemɔ ahye, na afei osili nu hɔle Antiokia.

Asomafoɛ 20:13

Yɛfale ɛlɛen yɛlili moa yɛhɔle Asɔso kyɛ yɛkwaafa Pɔɔlo wɔ berɛ, ofikyɛ né ɔne yɛ ahyehyɛ kyɛ ɔfa ase odi moa kɔ dɔ.

Asomafoɛ 20:6

na yɛ koso de, Paanoo kabrɛdi aluolue ne pɛle nu ne, yɛfale ɛlɛen yɛfili Filipi, na ye elennu ne aso yɛɛtole bɛ wɔ Troase, na yɛlili berɛ ɛlɛsoo.

Asomafoɛ 21:16

Kaesarea agyidifoɛ ne bie ne yɛ hɔle, na beesikyele yɛ wɔ Menason bɔ né yɛkwaatena ye berɛ n’awuro; ofi Kipro na né ɔte gyidiniɛ dadaada.

Asomafoɛ 23:23

Safohene ne frɛle asraafoɛ mbanyi nyɔ sele bɛ kyɛ, “Ɛmɔboaboa asraafoɛ ɛyaa nyɔ, pɔngɔhanɛfoɛ aburasoo, yeɛ bɛ bɔ bɛto pealɛɛ wora ɛyaa nyɔ noa ma bɛhɔ Kaesarea. Ɛ́mɔma betu bɛ bo kɔngɔen nnɔngono.

Asomafoɛ 27:1

Nziɛ ye bɔ besili ye pi kyɛ ɔsɛ kyɛ yɛkɔ Yitalia nen, bɛfale Pɔɔlo ne kukunufoɛ biemɔ bewurale Roman asraafoɛ ɛyaa so panyi bie sa. Oli Yulio. Né ɔboka “Roman Panyi Asraafoɛ Fekue” ne aso.

Asomafoɛ 28:11

Bosome nza pɛle nu, na afei yɛfole ɛlɛen bie bɔ “Bosoen Ndaa” sɛngyerɛnneɛ bɔ ye nyunu, bɔ ofi Aleksandria yɛhɔle. Né ɛlɛen ne ali prakasua mmerɛ ne wɔ supɔ ne aso.

Asomafoɛ 28:16

Yɛdwuli Rome nen, Pɔɔlo de, bɛmane ye ate kyɛ ɔne asraaniɛ bɔ ɔnea ye so ne bɛɛtena nekaa bɔ Pɔɔlo bɔbɔ okuro ɔ.

Asomafoɛ 6:5

Asomafoɛ nemɔ nzusuleɛ ne yɛle agyidifoɛ ne amu fɛ, yiti bɛyele Setefano bɔ gyidie ne Sunzum Krongron ayi ye tɛkyɛ, Filipo, Prokoro, Nikanɔ, Timon, Pamena yeɛ Amaenmaensoniɛ Nikolao bɔ ofi Antiokia ná koso wasɔ Yudasom nu ɔ.

Asomafoɛ 9:30

Mmerɛ bɔ agyidifoɛ nemɔ tele sɔ dwirɛ nen, bɛfale Sɔɔlo bɛhɔle Kaesarea, na bɛmaa ɔhɔle Taaso.

Ɛfesofoɛ 4:11

Na ye akyɛdeɛ ne ama ebiemɔ ayɛ asomafoɛ, ebiemɔ ngɔmhyɛlɛfoɛ, ebiemɔ nzɛmbahanɛfoɛ, ebiemɔ neafoɛ mɔ, yeɛ ebiemɔ akyerɛkyerɛfoɛ,

2 Timoteo 4:5

Nakoso wɔ de, ma wɔ nye la berɛ wɔ nikyee biala nu, mia wɔ nye fa amaneɛ nu, yɔ nzɛmbahanɛniɛ adwuma ne, ná yie wɔ solɛ adwuma ne bɔkɔɔ.