Asomafoɛ 21:40 - AHYERƐLƐ KRONGRON

⁴⁰ Na asraafoɛ panyi ne mane ye ate, yiti Pɔɔlo gyinane ndweleɛ ne aso, na ɔmane ye sa so bobole ɛlɔen ne. Na berɛ yɛle dinn ne, odwudwo hyirele bɛ wɔ Hebri dwudwolɛ nu kyɛ,

Asomafoɛ 21:40 Iomraidhean Croise

2 Ahemvo 9:13

Berɛ ne ala bɛyeyele bɛ ndaadeɛ amukoraa bɛsesɛle aseɛnwo berɛ ma Yehu natele so. Behuli totorobɛndo, na bɛbɔle ohomoo kyɛ, “Yehu ali hene oo!”

Luka 23:38

Na bɛhyerɛle edwirɛ bie bɛbɔle ye ti so anwuro kyɛ: Yudafoɛ Hene ne ɛhe.

Yohane 19:13

Na Pilato tele sɔ dwirɛ nen, ɔfale Yesu fite wale, na ɔtenane ndɛenbualɛ bia nu, wɔ nekaa bie bɔ bɛfrɛ berɛ Nyɔboɛ Pato nu, bɔ Hebri dwudwolɛ nu bɛfrɛ ye Gabata.

Yohane 19:17

Yiti bɛfale Yesu bɛhɔle. Na ɔsoale ye mmeamudua ne fili berɛ oodwuli nekaa bie bɔ bɛfrɛ berɛ “Tire Kokuroka so,” bɔ Hebri nu bɛfrɛ ye Golgota.

Yohane 19:20

Yudafoɛ pee bɛkengale sɔ ahyerɛlɛ he, ɔnate kyɛ nekaa bɔ bɛbɔle Yesu mmeamudua nu ne, opingye kuro ne; na bɛhyerɛle edwirɛ ne wɔ Hebri, Roman ne Hela dwudwolɛ nu.

Yohane 5:2

Né ɛkwaa bie wɔ Yerusalem Mmoaen Pambim ne nwo, bɔ Hebri dwudwolɛ nu bɛfrɛ ye Betesaeda ɔ; na né apata nnu bɔ atee lela bɛ bo ɔ bɛwɔ ɛkwaa ne anwo berɛ.

Asomafoɛ 1:19

Na bɛ bɔ bɛte Yerusalem amukoraa bɛtele sɔ dwirɛ ne. Yiti bɛfrɛ sɔ aseɛ ne wɔ bɛ bɔbɔ bɛ dwudwolɛ nu kyɛ, “Akeldama”, bɔ ye bo kyire kyɛ, “Mogya Aseɛ.”)

Asomafoɛ 12:17

Ɔfale ye sa nwahane bɛ kyɛ bemua bɛ noa, na ɔhane kyɛbɔ Awurade si yele ye fili kuku nu berɛ ne hyirele bɛ. Na osele bɛ kyɛ, “Ɛmɔhã edwirɛ he behyire Yakobo ne agyidifoɛ ngaa ne.” Na afei ofili berɛ hɔle neka foforɛ.

Asomafoɛ 13:16

Yiti Pɔɔlo dwɔso gyinane, ɔmane ye sa so hyirele kyɛ bɛyɛ dinn, na osele bɛ kyɛ, “Aliɛmaa mɔ Yisraelfoɛ ne Amaenmaensofoɛ mukoraa bɔ besuro Nyameɛ ɔ, ɛmɔyɛ asoɛ betie me!

Asomafoɛ 19:33

Na mmenia ne bie susuli kyɛ Aleksandro se edwirɛ ne nwo bie, ɔnate kyɛ né Yudafoɛ ne ahwe ye aagyina anyunu kyɛ ɔye dwirɛ ne noa. Aleksandro mane ye sa so hyirele mmenia ne kyɛ bɛyɛ dinn, na ɔyɛle kyɛ ɔye dwirɛ ne noa.

Asomafoɛ 21:35

Mmerɛ bɔ odwuli ndweleɛ ne aso nen, bɛpagyale ye bɛhɔle anwuro, ɔnate kyɛ né ɛlɔen ne nye aboro paa.

Asomafoɛ 22:2

Mmerɛ bɔ bɛtele kyɛ ɔkã Hebri dwudwolɛ kyire bɛ ne, bɛyɛle konn paa, na osele bɛ kyɛ,

Asomafoɛ 26:14

Yɛ mukoraa yɛpepɛ yɛfini, na ebie dwudwo hyirele me wɔ Hebri dwudwolɛ nu kyɛ, ‘Sɔɔlo, Sɔɔlo, nzu ati yeɛ ɛtane me nye ye? Ɔyɛ se kyɛ ekotu wɔ gya kɔfa kɔwɔ nandwiehanɛniɛ ye pɔmaa noa buralɛ ɔ.’

Asomafoɛ 6:1

Na sɔ mmerɛ ne anu, bɔ né asuafoɛ nemɔ bɛ́kɔ so bɛ́sone pee ne, Helafoɛ nemɔ bɛyɛlɛ nwuhunwuhu betiale Hebrifoɛ nemɔ, ofikyɛ né bebu bɛ nye begua Helafoɛ akunafoɛ mmrasua mɔ so, sɛ ɔba daa biala nningyein hyɛlɛ nu a.

Nyekyire 16:16

Na bɛboaboale bɛ noa wɔ nekaa bie bɔ Hebri dwudwolɛ nu bɛfrɛ berɛ Amagedon.

Nyekyire 9:11

Bele bɔ odi bɛ so hene, bɔ ye ole aseɛ bo dɔ kumaa kuronguronn nu abɔfo ne, bɔ ye dumaa li Abadɔn wɔ Hebri dwudwolɛ nu, yeɛ Hela dwudwolɛ nu koso oli Apolɔn.