Asomafoɛ 21:32 - AHYERƐLƐ KRONGRON

³² Na berɛ ne ala, ɔfale asraafoɛ mbanyi ne asraafoɛ ne bie, na bɛhane bɛ nwo bɛhɔle ɛlɔen ne anu. Na benwuni asraafoɛ panyi ne ne asraafoɛ nen, bɛyakyili Pɔɔlo bolɛ.

Asomafoɛ 21:32 Iomraidhean Croise

Yesaya 3:15

Ɔwale ye sɛ bɔ ɛmɔadufudufu me mmenia sɔa, bɔ ɛmɔadwiridwiri ehiafoɛ bɛ nyunu sɔa e?” AWURADE, Asafo NYAMEƐ ne, ye noa dwirɛ ɛne.

Yohane 18:12

Yeɛ asraafoɛ kure ne ne bɛ safohene ne ne Yuda asomvoɛ nemɔ bɛhyele Yesu, na bɛkyekyele ye.

Asomafoɛ 18:17

Yiti bɛ mukoraa bɛhyele nyianu sua ne aso panyi Sositene, na bɛbole ye wɔ nekaa bɔ bedi dwirɛ n’anyunu berɛ, nakoso Galio anga ye nwo bie.

Asomafoɛ 22:19

Na me koso mmuale kyɛ, ‘Awurade, bɛse ye pefee kyɛ ngɔngyekyele bɛ bɔ bede wɔ bedi ne nguale kuku nu, na mmole bɛ wɔ nyianu sua biala nu.

Asomafoɛ 23:27

Yudafoɛ hyele sɔ biaa he, na ɔhale kãa bie maa behuni ye. Ndele kyɛ ɔte Romanniɛ, yiti me ne asraafoɛ nemɔ yɛhɔle berɛ yɛɛpepɛ yɛlele ye.

Asomafoɛ 24:6

Asa koso ɔyɛle kyɛ ɔfa efiɛ ka asɔneyɛɛ sua ne, na yɛhyele ye. Yɛyɛle kyɛ ahaa yɛgyina yɛ bɔbɔ yɛ mmeraa so yɛdi ye dwirɛ, [

Asomafoɛ 5:40

Yiti bɛfale ye foɛtulɛ ne. Na bɛfale asomafoɛ nemɔ besa bɛwale badwa nu berɛ nen, befini bɛ mbire, na bɛkanzole bɛ kitii kyɛ nnɛma bedwudwo wɔ Yesu dumaa nu, na bɛyakyili bɛ maa bɛhɔle.