Asomafoɛ 21:30 - AHYERƐLƐ KRONGRON

³⁰ Afei kuro ne anu amukoraa yɛle basabasa, na mmenia ne amukoraa betuli bi bele amirika bɛɛhyele Pɔɔlo bɛhwene ye befili asɔneyɛɛ sua ne anu; na berɛ ne ala bɛtotole anoa nemɔ nu.

Asomafoɛ 21:30 Iomraidhean Croise

2 Ahemvo 11:15

Yeɛ ɔsɔfo Yehoada hyɛle safohene mɔ bɔ bɛlela koɛhonɛfoɛ nemɔ noa ne kyɛ, “Ɛmɔhwe ye bɛfa koɛhonɛfoɛ nemɔ anu bɛbra, na ebiala bɔ okogyina ye si ne, ɛ́mɔfa ngrandɛ behũ ye.” Na ɔsɔfo ne hane kyɛ, “Nnɛmaa ɛmɔku ye wɔ AWURADE awuro berɛ.”

Mateo 2:3

Na ɛhene Herode tele edwirɛ he nen, ɔhale ye, Yerusalemfoɛ amukoraa koso sɔ ala.

Mateo 21:10

Na odwuli Yerusalem nen, kurotue ne amukoraa bɛbɔle twi bebisale kyɛ, “Na nwa ɛhe?”

Luka 4:29

Bedwɔsole besumusumuni Yesu befili kuro berɛ, na bɛfale ye bɛhɔle bokaa bɔ bɛkyekyele kuro ne wɔ so ne aso, kyɛ bɛkwaasumu ye ma ye kɔme kɔwɔ berɛ.

Asomafoɛ 19:29

Yiti kuro ne anu amu yɛle basabasa. Na ɛlɔen ne tuli bi bɛɛhyele Makedoniafoɛ nyɔ nemɔ: Gayɔso ne Aristako, na bɛhwene bɛ bɛhɔle badwa nyunu. Né bɛ munyɔ bɛboka Pɔɔlo so wɔ ye ateetulɛ ne anu.

Asomafoɛ 26:21

Ɔnate ɛhe ati Yudafoɛ hyele me wɔ asɔneyɛɛ sua nu bɔ ahaa bɛpena kyɛ beku me ɔ.

2 Korintofoɛ 11:26

Matu atee pee na mali amia wɔ nzue so, awuefoɛ sa nu, me bɔbɔ me nwo ama bɛ sa nu, Amaenmaensofoɛ sa nu, kuro nu nningyein suronyi, ɛserɛ so suronyi, ɛpo so suronyi, yeɛ aliɛmaa ngondombofoɛ sa nu.