Asomafoɛ 21:3 - AHYERƐLƐ KRONGRON

³ Yɛdwuli nekaa bie bɔ né yɛ nye tua supɔ Kipro, na yɛyakyili ye yɛ sa bɛen so yɛhɔle Siria. Yɛdwu yɛwale etii so wɔ Tiro, ofikyɛ né bɛye ɛlɛen ne anu nningyein begua berɛ.

Asomafoɛ 21:3 Iomraidhean Croise

2 Samuel 8:6

Afei Dawide ɔɔkyekyele koɛhonɛfoɛ asikyeleɛ mɔ wɔ Damasko bɔ ɔwɔ Siria. Na Siriafoɛ bɛɛyɛle Dawide ngoaa bɔ né betua ɛtoɔ bɛma ye ɔ. Na AWURADE mane Dawide lili ngonim wɔ koɛ biala bɔ ɔhone ɔ nu.

Edwein 45:12

Tirofoɛ bɛkɔfa akyɛdeɛ pee bɛkɔwa, bɛ nu sikafoɛ paa nemɔ po; bɛkɔfa akyɛdeɛ ahoroɔ bɛkɔɔpena wɔ berɛ animnyam.

Edwein 87:4

Bɛ bɔ bɛse me ne, mebɔ Rahabo ne Babilɔn dumaa wɔ b’afia; Filistia, Tiro yeɛ Yitiopia bɛnwa, “Berɛ yeɛ bɛwole ɛhe ɔ.”

Yesaya 7:2

Na bɛbɔle Dawide awuro ama mɔ amaneɛ kyɛ, “Siria ne Efraim bayɛ apam” nen, Yuda hene Ahase ne ye mmenia bɛ nwo wosole bɛ tɛtɛtɛtɛ kyɛ ɛhɔayeɛ nu mmakaa bɔ mvrama woso bɛ ɔ.

Mateo 11:21

“Wɔ, Korasin, wɔ yaakɔ! Wɔ, Betesaeda, wɔ yaakɔ! Ofikyɛ, nnwumaa mbiri mbiri bɔ bɛyɔle ye wɔ ɛmɔ nu ne, sɛ bɛyɔle bɛ wɔ Tiro ne Sidon a, ahaa bahera ɛsɛen tena bafa nzoen bayɛ bɛ nwo basakyera b’adwene dada.

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Luka 10:13

“Wɔ, Korasin, wɔ yaakɔ! Wɔ, Betesaeda, wɔ yaakɔ! Ofikyɛ, nnwumaa mbiri mbiri bɔ bɛyɔle ye wɔ ɛmɔ nu ne, sɛ bɛyɔle bɛ wɔ Tiro ne Sidon a, ahaa bahera ɛsɛen tena batena nzoen nu basakyera b’adwene dada.

Luka 2:2

Ɛhe yeɛ ɔte mmeniahalɛ bɔ oli moa ɔ, mmerɛ bɔ né Kirineo ɔte amrado wɔ Siria ne.

Asomafoɛ 11:19

Setefano hunɛ ne asi ne, ayaayaadeɛ bɔ bɛfa bɛyɔle agyidifoɛ ne maa bɛbɔle aya. Ebiemɔ nwatili alaa beefitele Fonikia, Kipro ne Antiokia, na Yudafoɛ ngome yeɛ bɛhane nzɛmba ne behyirele bɛ ɔ.

Asomafoɛ 12:20

Né Herode afɛ Tirofoɛ ne Sidonfoɛ so yaa paa, yiti betuli mmenia kyɛ beenwu ye. Bɛfale bɛ dwirɛ bɛtole Blasto bɔ ɔnea ahemvie berɛ ne nyunu kyɛ ɔboka bɛ na ɔsrɛ ma bɛ, ɔnate kyɛ Herode maen nu yeɛ bɛ maen ne nya ye aleɛ fi ɔ.

Asomafoɛ 13:4

Sunzum Krongron ne somane Banaba ne Sɔɔlo nen, besili nu bɛhɔle Selukia, na bɛfale ɛlɛen befili berɛ bɛhɔle Kipro.

Asomafoɛ 15:23

na bɛhyerɛle krataa he bɛfa bɛsomane bɛ: “Yɛ asomafoɛ ne asɔre mbanyi mɔ, bɔ yɛte ɛmɔ aliɛma mɔ, yɛbisa y’eliɛma mɔ Amaenmaensofoɛ bɔ bɛwɔ Antiokia, Siria ne Kilikia ahye.

Asomafoɛ 15:39

Na ɛhe nwo aporowaasulɛ yɛle kyengye paa mane bɛ munyɔ b’afia tetele: Banaba fale Yohane Marko bokale ye nwo so, na ɔne ye fale ɛlɛen hɔle Kipro,

Asomafoɛ 15:41

Ɔɔpɛle nu wɔ Siria ne Kilikia na ɔhyɛle asɔremma nemɔ nguraen.

Asomafoɛ 18:18

Na Pɔɔlo tenane berɛ hyɛle kãa, na nziɛ ye ɔne aliɛmaa nemɔ belili ngraa, na ofili berɛ fale ɛlɛen hɔle Siria. Prisila ne Akwila koso bokale ye so bɛne ye hɔle. Pɔɔlo bɔle tikwa, wɔ Kɛnkrea, ɔnate kyɛ né wabɔ anohoba.

Asomafoɛ 21:16

Kaesarea agyidifoɛ ne bie ne yɛ hɔle, na beesikyele yɛ wɔ Menason bɔ né yɛkwaatena ye berɛ n’awuro; ofi Kipro na né ɔte gyidiniɛ dadaada.

Asomafoɛ 21:2

Yɛnwuni kyɛ ɛlɛen bie pɛ nu kɔ Fonikia, yiti yɛfo yɛhɔle.

Asomafoɛ 21:7

Yɛtoale so yɛfale nzue so fili Tiro yɛwale Tolema; yɛɛbisale berɛ agyidifoɛ ne ahye na yɛlili bɛ nwo berɛ ɛlɛho.

Asomafoɛ 27:4

Yɛtu yɛfili Sidon nen, né mvrama ne tu yia yɛ. Yiti yɛɛfale supɔ Kipro aseɛnwo dɔ nekaa bie bɔ né mvrama ndu nyia yɛ ɔ.

Asomafoɛ 4:36

Sɔ ala koso yeɛ Yosef bɔ bɛwole ye Kipro na ofi Lewi abusua nu yɔle ɔ. Asomafoɛ ne tole ye dumaa Banaba (bɔ ye bo kyire “sona bɔ ɔhyɛ nguraen.”)

Maenbulɛfoɛ 10:6

Yisraelfoɛ sa yɔle bɔ ɔte bɔne wɔ AWURADE nyunu ɔ. Bɛsɔnene Baal ne Astarote mɔ, Siria nyameɛ mɔ, Sidon nyameɛ mɔ, Moabo nyameɛ mɔ, Amonfoɛ nyameɛ mɔ, yeɛ Filistifoɛ nyameɛ mɔ. Yiti bɛyakyili AWURADE si lilɛ, na banzɔne ye.