Asomafoɛ 21:29 - AHYERƐLƐ KRONGRON

²⁹ Né bali moa banwu Trofimo bɔ ofi Ɛfeso kyɛ ɔboka Pɔɔlo so wɔ kuro ne anu, yiti besusuli kyɛ Pɔɔlo afa ye ahɔ asɔneyɛɛ sua ne anu.

Asomafoɛ 21:29 Iomraidhean Croise

Asomafoɛ 18:19

Bedwuli Ɛfeso nen, ɔyakyili bɛ wɔ berɛ; na ye de, ɔhɔle nyianu sua nu ɔne Yudafoɛ bɛɛyɛle ngyerɛkyerɛ.

Asomafoɛ 18:21

Na mmom ɔhrale bɛ kyɛ, “Sɛ Nyameɛ ma ate a, ngosa ngɔwa ɛmɔ wa.” Na ɔfale ɛlɛen fili Ɛfeso hɔle.

Asomafoɛ 19:1

Mmerɛ bɔ né Apolo wɔ Korinto nen, Pɔɔlo hyinini manzini ne anu tonn oofitele Ɛfeso. Onwuni agyidifoɛ biemɔ wɔ berɛ,

Asomafoɛ 20:4

Ɔne ɛhemɔ yeɛ bɛhɔle ɔ: Piro awa Sopata bɔ ofi Bɛrea; Aristako ne Sekunduse bɔ befi Tɛsalonika; Gayɔso bɔ ofi Dɛɛbi, Timoteo yeɛ Asiafoɛ Tihiko ne Trofimo.

2 Timoteo 4:20

Eraseto hale Korinto, na Trofimo de, nyakyili ye Mileto bɔ né ɔnde apɔ ɔ.