Asomafoɛ 21:27 - AHYERƐLƐ KRONGRON

²⁷ Na ɛlɛsoo bɔ bɛfa bɛpete bɛ nwo ne baaso nen, Yudafoɛ biemɔ bɔ befi Asia maen nu nwuni Pɔɔlo wɔ asɔneyɛɛ sua nu; yiti bɛsɛkyele ɛlɔen bɔ bayia berɛ n’adwene maa bɛhyele Pɔɔlo,

Asomafoɛ 21:27 Iomraidhean Croise

1 Ahemvo 21:25

(Nahorɛ nu, ebiala nne berɛ bɔ otuli ye nwo siele berɛ yɔle bɔ ɔte bɔne wɔ AWURADE nyunu ɔ te kyɛ Ahabo, na ɔye Yesebɛl yeɛ né osi ye adua maa ɔyɔ bɔne ɔ.

Numeri 19:11

Ebiala bɔ ye nwo kɔha sona fuin ne, ye nwo kogua fiɛ ɛlɛsoo.

Numeri 6:13

Sɛ mmerɛ bɔ nasiriteniɛ ne wafa watu ye nwo wasie berɛ wama AWURADE ne ɔba ayieleɛ a, ye nwo mmeraa ɛhe: odi kyɛ bɛfa ye bɛbagyina ɛtena sua atenaleɛ anoa nu berɛ.

Numeri 6:9

Sɛ mvum nu ebie wu wɔ ye nyunu maa ɔnate so efiɛ ka ye ti bɔ watu wasie berɛ wama AWURADE ne a, ye de kyẽa bɔ ɔpete ye nwo ne, odi kyɛ ɔpoa ye ti. Ɛlɛsoo ne aso yeɛ odi kyɛ ɔpoa ye ti ɔ.

Luka 21:12

Nakoso anzana ɛhemɔ amukoraa bekosisi ne, bekoli moa bɛkɔhye ɛmɔ, ná batane ɛmɔ nye, bɛkɔhye ɛmɔ bɛkɔhɔ nyianu sua mɔ nu ne kuku nu, na ɔnate me dumaa ti bɛkɔfa ɛmɔ bekogyina ahemvo ne amrado mɔ nyunu.

Asomafoɛ 13:50

Nakoso mmrasua nyamesurofoɛ bɔ bɛ sa nu le bie, bɛne mmienzua atitire bɔ bɛwɔ kuro ne anu ne, Yudafoɛ nemɔ to guale bɛ so anu, na bɛmane mmenia tuli bɛ nye besiele Pɔɔlo ne Banaba so, na bɛfoane bɛ befili bɛ mbɔtam berɛ.

Asomafoɛ 14:19

Na Yudafoɛ biemɔ fili Antiokia ne Yikoniom bɛwale berɛ; betuli mmenia ne foɛ tɛɛ, na bɛborole Pɔɔlo nyɔboɛ bɛhwene ye befili kuro ne anu; né besusuli kyɛ wawu.

Asomafoɛ 14:2

Nakoso Yudafoɛ bɔ banne dwirɛ ne banni ne, bɛsɛkyele Amaenmaensofoɛ nemɔ adwene, na bɛmaa benyane aliɛmaa nemɔ nwo adwene tɛɛ.

Asomafoɛ 14:5

Nziɛ ye, Helafoɛ ne Yudafoɛ biemɔ ne bɛ mbanyi mɔ yɛle adwene kyɛ bɛkɔhyɛ Pɔɔlo ne Banaba anyeborolɛ na baboro bɛ nyɔboɛ.

Asomafoɛ 16:6

Bɛpɛle nu Frigyea ne Galatia aseɛ so, ofikyɛ Sunzum Krongron ne amma bɛ ate ma banga nzɛmba ne wɔ Asia mbɔtam.

Asomafoɛ 17:13

Nakoso mmerɛ bɔ Yudafoɛ bɔ bɛwɔ Tɛsalonika ne bɛtele kyɛ Pɔɔlo waahã Nyameɛ dwirɛ ne wɔ Bɛrea koso nen, bɛwale berɛ bɛɛto beguale mmenia nemɔ so anu bɛsɛkyele b’adwene.

Asomafoɛ 18:12

Mmerɛ bɔ né Galio te amrado wɔ Akaia nen, Yudafoɛ nemɔ yɛle ko, bɛhyele Pɔɔlo, na bɛhwene ye bɛhɔle badwafoɛ nyunu.

Asomafoɛ 2:9

Yɛfi Patia, Medese, ne Elam; Mesopotamia, Yudea, ne Kapadokia; Ponto ne Asia,

Asomafoɛ 20:19

Na mmrɛle me nwo ase mvale me nye moen nyɔle m’adwuma wɔ amaneɛ bɔ Yudafoɛ biemɔ bɔle me ti so porɛ maa nwuni ye ne anu.

Asomafoɛ 24:11

Na kyɛbɔ wɔ bɔbɔ ɛse ne, eleburu ne nyɔ ɛhe yeɛ ngɔle Yerusalem kyɛ mekwaasɔne Nyameɛ ɔ.

Asomafoɛ 24:18

Na nwɔ ɛhe aso bɔ meyɔ, wɔ mmerɛ bɔ mepete me nwo ne, yeɛ Yudafoɛ biemɔ bɔ befi Asia manzini nu nwuni me wɔ asɔneyɛɛ sua ne anu ɔ. Né ɛlɔen biala ɔbboka me so; yeɛ afei né basabasa biala nne berɛ.

Asomafoɛ 26:21

Ɔnate ɛhe ati Yudafoɛ hyele me wɔ asɔneyɛɛ sua nu bɔ ahaa bɛpena kyɛ beku me ɔ.

Asomafoɛ 4:3

Ɛhe ati bɛhyele bɛ beeguale kuku nu kyɛ aleɛ kye a yeɛ bɛ ne bɛ koli ɔ, ɔnate kyɛ né aleɛ adwo.

Asomafoɛ 5:18

Na ɛhe ati, bɛhyehyele asomafoɛ nemɔ, na bɛfale bɛ beguale kuku nu.

Asomafoɛ 6:12

Na besili maen ne ne maen mbanyi ne ahyerɛlɛfoɛ nemɔ adua, na bɛwale ye so bɛɛhyele ye, na bɛfale ye bɛhɔle badwa ne anyunu.

Asomafoɛ 6:9

Na mmenia bie bɔ banya fawɔnwodi bafi ngoaasolɛ nu, na bɛtaa bɛkɔ nyianu sua nu ne, bɛ ne ye amva anyeɛ. Sɔ mmenia ne te Yudafoɛ bɔ befi Kirene ne Aleksandria, na ebiemɔ koso te Yudafoɛ bɔ befi Kilikia ne Asia, na bɛhyɛle ye bo bɛ ne Setefano suli aporowaa.

2 Korintofoɛ 11:26

Matu atee pee na mali amia wɔ nzue so, awuefoɛ sa nu, me bɔbɔ me nwo ama bɛ sa nu, Amaenmaensofoɛ sa nu, kuro nu nningyein suronyi, ɛserɛ so suronyi, ɛpo so suronyi, yeɛ aliɛmaa ngondombofoɛ sa nu.

1 Tɛsalonikafoɛ 2:16

Na bɛberale yɛ kyɛ nnɛmaa yɛkã edwirɛ ne yɛkyire Amaenmaensofoɛ maa benya daa ngoa. Na ɛhe ma bɛ bɔne kwangoa ne oyi tɛkyɛ daa, ofikyɛ Nyameɛ ahonehulɛ ne wanya wawa bɛ so wayie!