Asomafoɛ 21:20 - AHYERƐLƐ KRONGRON

²⁰ Na bɛtele sɔ ne, bɛyele Nyameɛ ayɛ; na besele ye kyɛ, “Aliɛmaa Pɔɔlo, tie yɛ e! Yudafoɛ pembepembe wɔ wa bɔ bayɛ agyidifoɛ ɔ, na bɛ mukoraa basɔ Mose mmeraa ne anu serɛserɛ.

Asomafoɛ 21:20 Iomraidhean Croise

Edwein 22:23

Ɛmɔ bɔ ɛmɔsuro AWURADE ne, ɛ́mɔye ye ayɛ! Ɛmɔ, Yakob boso ama amukoraa, ɛ́mɔhyɛ ye animnyam; Yisrael boso ama amukoraa, ɛ́mɔsuro AWURADE!

Edwein 22:27

Ofi aseɛ ti kɔka ye ti, bɛkɔkaye, ná basa bawa AWURADE berɛ; na maen maen mɔ so mmusua amukoraa, bɛkɔkoto wɔ ye nyunu.

Mateo 9:8

Na ɛlɔen ne nwuni ye sɔ nen, ɔyɛle bɛ nwanwa, na bɛhyɛle Nyameɛ bɔ wafa sɔ tumi ne wama mmenia ne animnyam.

Luka 12:1

Sɔ mmerɛ ne, né mmenia apee apee bahyere so bɔ betiatia bɛ nwo so ɔ. Na Yesu hyɛle ye bo lili moa sele ye asuafoɛ nemɔ kyɛ, “Ɛ́mɔnea ɛmɔ nwo yé wɔ Farasiifoɛ mɔle harewaa bɔ ye ole nyaatwomyɛlɛ ne anwo.

Luka 15:32

Ɔsɛ kyɛ yɛgye yɛ nye ná yɛmaa ɔyɛ yɛ fɛ ɔ, ofikyɛ eliɛma ye, owuli, na watingye; ominini, na manwu ye.’ ”

Yohane 12:24

Nahorɛ nu paa, mekã mekyire ɛmɔ kyɛ, sɛ aburoo baa ko wandɔ aseɛnwo wanwu a, ɔte komapɛ ne ala; nakoso sɛ owu a, osu mmaa pee.

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 15:1

Mmenia biemɔ fili Yudea bɛwale Antiokia bɛɛyɛle ngyerɛkyerɛ behyirele agyidifoɛ ne kyɛ, “Sɛ ɛmɔambɛ ɛmɔ bienzua kyɛbɔ Mose amanneɛ ne te ne a, ɛmɔngɔhora ngonya daa ngoa.”

Asomafoɛ 15:24

Yate kyɛ yɛ nu biemɔ bɔ nna yɛ yeɛ yɛsomane bɛ ɔ bawa ɛmɔ berɛ baahã edwirɛ bafa babiri ɛmɔ nye so bama ɛmɔ adwene ayɛ ɛmɔ naa.

Asomafoɛ 15:5

Nakoso agyidifoɛ biemɔ bɔ befi Farasiifoɛ fekue ne anu bedwɔso begyinane, na bɛhane kyɛ, “Ɔsɛ kyɛ Amaenmaensofoɛ bɛpɛ bɛ bienzua, ná bɛhyɛ bɛ maa bedi Mose mmeraa ne aso.”

Asomafoɛ 2:41

Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.

Asomafoɛ 22:3

“Nde Yudaniɛ, bɛwole me Taaso bɔ ɔwɔ Kilikia manzini nu. Bɛtetele me wɔ kuro ye anu, na Gamaliɛl yeɛ ohyirele me nikye ɔ. Ɔfale yɛ nana mɔ mmeraa ne hyirele me nikyee pɛpɛɛpɛ, na nduli me nwo nziele berɛ mane Nyameɛ kyɛbɔ ɛnɛ ye ɛmɔ amukoraa bɛyɔ ne.

Asomafoɛ 4:21

Yiti badwafoɛ ne nwunanwunane bɛ bieku, na bɛyakyili bɛ kyɛ bɛhɔ. Benwuni kyɛ bɛngɔhora ngogyina edwirɛ biala so ngɔhwe bɛ so, ofikyɛ né bɔ wasi ne ati ebiala ye Nyameɛ ayɛ.

Asomafoɛ 4:4

Nakoso bɛ bɔ bɛtele edwirɛ ne, bɛ nu pee bele belili, na mmenia ne somaa ɔɔyɛle kɔyɛ apee nnu.

Asomafoɛ 6:7

Nyameɛ dwirɛ ne hɔle so trɛle; agyidifoɛ bɔ bɛwɔ Yerusalem yɛle pee; asa koso Yuda asɔfo pee bɛɛbokale agyidifoɛ nemɔ aso.

Romanfoɛ 10:2

Medi bɛ nwo adanzeɛ kyɛ bele Nyameɛ nwo dɔ; nakoso bɛ mmɔdenbɔlɛ ne oggyi nahorɛ nimdeɛ so.

Galatiafoɛ 1:14

Na nyane ngɔsoɛ wɔ Yudasom nu ndrale Yudafoɛ pee bɔ me ne bɛ bɔ tipɛen, na nzɔle me nana mɔ amammerɛ ne anu serɛserɛ.

Galatiafoɛ 1:24

Na ɔnate me ti bɛhyɛle Nyameɛ animnyam.

2 Tɛsalonika 1:10

Sɔ kyẽa ne, ɔkɔwa ma ye anwoteefoɛ kɔhyɛ ye animnyam, na agyidifoɛ mukoraa anwu ye anwanwa adwuma; ofikyɛ ɛmɔale yɛ adanzeɛ bɔ yɛli yɛhyirele ɛmɔ ne bali.