Asomafoɛ 21:19 - AHYERƐLƐ KRONGRON

¹⁹ Pɔɔlo bisale bɛ ahye, na ɔhane nikyee bɔ Nyameɛ nate ye (Pɔɔlo) asɛmbatrɛ adwuma ne aso wayɔ wɔ Amaenmaensofoɛ nu ngoko ngoko hyirele bɛ.

Asomafoɛ 21:19 Iomraidhean Croise

Mateo 23:7

ɔne kyɛ mmenia kobisa bɛ ahye wɔ dwaaso ɔ, ɔne kyɛ mmenia kɔfrɛ bɛ ‘kyerɛkyerɛniɛ’ ɔ.

Asomafoɛ 1:17

Né ɔboka yɛ asuafoɛ fekue ne aso, ofikyɛ bɛyele ye maa onyane kyɛfa wɔ adwuma he anu.”

Asomafoɛ 14:27

Beedwuli berɛ ne, bɛmane asɔre mma ne yiale, na bɛhane nikyee biala bɔ Nyameɛ afa bɛ so wayɔ ɔ behyirele bɛ, ɔne kyɛbɔ wasi wabukye gyidie anoa wama Amaenmaensofoɛ koso ɔ.

Asomafoɛ 15:12

Mmenia ne amukoraa bɛyɛle dinn, na betiele Banaba ne Pɔɔlo wɔ b’amaneɛ bɔ ɔfa nzɛngyerɛnneɛ ne anwanwadeɛ amukoraa bɔ Nyameɛ afa bɛ so wayɔ wɔ Amaenmaensofoɛ nu ne.

Asomafoɛ 15:4

Na bedwuli Yerusalem nen, asɔre ne ne asomafoɛ nemɔ ne mbanyi nemɔ bɛyɛle bɛ awaawaatuu; na bɛhane bɔ Nyameɛ afa bɛ sɔ wayɔ amukoraa behyirele bɛ.

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

2 Korintofoɛ 12:12

Nningyein bɔ bedi asomafoɛ paa nwo adanzeɛ ne, nyɔle ye wɔ ɛmɔ berɛ wɔ aboterɛ mukoraa ne nzɛngyerɛnneɛ, anwanwadeɛ ne tumi nnwumaa nu ɔ.

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

Kolosefoɛ 1:29

Na ɛhe anwo yeɛ meyɔ adwuma mefɛ ɔ, na mepere mekɔ me nyunu, kyɛbɔ ye anwoserɛ adwuma bɔ ɔyɔ ye me nu tumi so ne ɔte ɔ.