Asomafoɛ 21:18 - AHYERƐLƐ KRONGRON

¹⁸ Aleɛ hyene ne, Pɔɔlo ne yɛ hɔle Yakobo awuro, na yɛɛtole asɔre mbanyi ne amu berɛ.

Asomafoɛ 21:18 Iomraidhean Croise

Mateo 10:2

Asuafoɛ buru ne nyɔ nemɔ bɛ dumaa ɛhe: Bɔ oli moa, Simɔn bɔ bɛfrɛ ye Petro, yeɛ oliɛma Andrea; Yakobo bɔ ye baba ole Sebedeo ne, yeɛ oliɛma Yohane.

Asomafoɛ 11:30

Bɛyɔle sɔ, na bɛfale akyɛdeɛ ne bɛsomane Banaba ne Sɔɔlo maa bɛɛmane Yerusalem asɔre ne mbanyi mɔ.

Asomafoɛ 12:17

Ɔfale ye sa nwahane bɛ kyɛ bemua bɛ noa, na ɔhane kyɛbɔ Awurade si yele ye fili kuku nu berɛ ne hyirele bɛ. Na osele bɛ kyɛ, “Ɛmɔhã edwirɛ he behyire Yakobo ne agyidifoɛ ngaa ne.” Na afei ofili berɛ hɔle neka foforɛ.

Asomafoɛ 15:13

Bɛ noa pene ne, Yakobo buale kyɛ, “Aliɛmaa mɔ, ɛmɔyɛ asoɛ betie me!

Asomafoɛ 15:2

Ɛhe mane Pɔɔlo ne Banaba bɛne mmenia nemɔ benyane dwudwolɛ besuli aporowaa serɛserɛ wɔ sɔ dwirɛ he anwo. Yiti betuli mmenia kyɛ bɛboka Pɔɔlo ne Banaba so bɛhɔ Yerusalem beenwu asomafoɛ nemɔ ne mbanyi mɔ wɔ sɔ dwirɛ he anwo.

Asomafoɛ 15:23

na bɛhyerɛle krataa he bɛfa bɛsomane bɛ: “Yɛ asomafoɛ ne asɔre mbanyi mɔ, bɔ yɛte ɛmɔ aliɛma mɔ, yɛbisa y’eliɛma mɔ Amaenmaensofoɛ bɔ bɛwɔ Antiokia, Siria ne Kilikia ahye.

Asomafoɛ 15:6

Na asomafoɛ nemɔ ne mbanyi nemɔ beyiale nu bɛfale edwirɛ he nwo adwene.

Asomafoɛ 20:17

Pɔɔlo tole Ɛfeso asɔre mbanyi ne ngraa fili Mileto kyɛ bɛbra bɛbra.

Asomafoɛ 24:11

Na kyɛbɔ wɔ bɔbɔ ɛse ne, eleburu ne nyɔ ɛhe yeɛ ngɔle Yerusalem kyɛ mekwaasɔne Nyameɛ ɔ.

Galatiafoɛ 1:19

Nakoso mannwu asomafoɛ ne anu biala, sana Awurade aliɛma Yakobo.

Galatiafoɛ 2:9

Na Yakobo, Kefa ne Yohane bɔ agyidifoɛ ne bu bɛ kyɛ bɛte bonima ma asɔre ne nwuni adom bɔ manya ye nen, besomane me ne Banaba sa nu bɛfa behyirele kyɛ bale yɛ bato nu: kyɛ yɛɛha nzɛmba ne yɛhyire Amaenmaensofoɛ, na bɛ wora bɛɛhã ye bienzuapɛlɛfoɛ nemɔ dɔ.

Yakobo 1:1

Yakobo bɔ nde Nyameɛ ne Awurade Yesu Kristo akoaa, mefa mebrɛ abusua kure buru ne nyɔ bɔ babɔ aya bahɔ maen maen so ne. Mebisa ɛmɔ bisabisa.