Asomafoɛ 21:13 - AHYERƐLƐ KRONGRON

¹³ Nakoso obuale yɛ kyɛ, “Na esuɛ ye koso ɛ? Bɔ bɛyɔ sɔ bɛma m’aba nu bu ye! Me de, nna kuku nu nnaa ngome yeɛ masiesie me nwo mama ɔ, na mmom kyɛ Awurade Yesu dumaa ti ngowu wɔ Yerusalem ɔ.”

Asomafoɛ 21:13 Iomraidhean Croise

1 Aberɛso Dwirɛ 11:18

Yiti koɛhonɛfoɛ ahoneserɛfoɛ nza nemɔ sili bɛ hue bɛhɔle Filistifoɛ asikyeleɛ ne anu. Na abura bɔ ɔwɔ Betlehem kuro berɛ pambim ne anwo ne, bɛsale nu nzue ne bie bɛbrɛle Dawide. Nakoso wanno, na mmom ohwie guale mane AWURADE.

Yesaya 3:15

Ɔwale ye sɛ bɔ ɛmɔadufudufu me mmenia sɔa, bɔ ɛmɔadwiridwiri ehiafoɛ bɛ nyunu sɔa e?” AWURADE, Asafo NYAMEƐ ne, ye noa dwirɛ ɛne.

Yeremia 40:1

Awɛmvoɛ nemɔ aso safohene Nebusaradan, onwuni Yeremia kyɛ bagua ye ngɔnzɔngɔnzɔ bɔ ɔboka mmenia amukoraa bɔ bahye bɛ nnure bafi Yerusalem ne Yuda bɔ bɛ́fa bɛ bɛ́kɔ Babilɔn ne aso. Nebusaradan sangyele Yeremia wɔ Rama, na ye si ye, AWURADE lale ye dwirɛ ali hyirele Yeremia.

Hesekiel 18:2

“Sɔ anyandera he bɔ ɛmɔtaa bebu bɛfa Yisrael maen nwo ne, sɛɛ yeɛ ɛmɔkyire ɔ? Ɛmɔnwa: ‘Seɛ mɔ bali abrɛbɛ bisii, na mmaa mɔ yeɛ bɛ gye anya ɔ.’

Yona 1:6

Yiti ɛlɛenhanɛfoɛ nemɔ so panyi ne wale ye berɛ oosele ye kyɛ, Hei! Wɔ bɔ alafe hatee ɔ, nzikyɛ yeɛ ɛpena kyire ye? Dwɔso, sũ frɛ wɔ nyameɛ, na ebiaa nyameɛ ne kɔdwene yɛ nwo ná yanwuwu.

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Asomafoɛ 20:37

Na bɛ mukoraa bɛfale esuɛ bɛtotɔle ye nu bɛ ne ye lili ngraa;

Asomafoɛ 5:41

Na bele anigye befili badwa nu berɛ bɛhɔle, kyɛ babu bɛ kyɛ bɛfata kyɛ Yesu dumaa ti animguaseɛ ɔto bɛ ɔ.

Asomafoɛ 9:16

Na ngohyire ye amaneɛ bɔ me dumaa ti odi kyɛ onwu ye ɔ.”

1 Korintofoɛ 15:31

Mesi ye pi mekyire ɛmɔ, aliɛmaa mɔ, ɔnate kyɛ mefa ɛmɔ mehoahoa me nwo wɔ y’Awurade Yesu Kristo nyunu ne ati, ewue li me mvanvando daa biala.

Filipifoɛ 2:17

Na sɛ ɔba kyɛ behwie me begua kyɛ afɔlebɔdeɛ wɔ ɛmɔ gyidie solɛ nwo a, ɔyɛ me fɛ, na me ne ɛmɔ amukoraa yɛdi ahurusi.

Filipifoɛ 2:26

ofikyɛ ye wora dɔ ɛmɔ amukoraa, na ɔha ye kyɛ ɛmɔtele kyɛ anwonyerɛ bɔle ye ɔ.

Kolosefoɛ 1:24

Na afei, ɔnate ɛmɔ ti me nye gye wɔ m’amaneɛnwunɛ nu; na menya Kristo amaneɛnwunɛ ne anu kyɛfa wɔ me nwonaen nu mema ye nipadua ne, bɔ ɔte asɔre ne.

2 Timoteo 1:4

Na mekaye wɔ nye moen ne a, ɔma me wora dɔ wɔ kyɛ ngonwu wɔ paa ɔ, ná ahaa me nye agye.

2 Timoteo 4:6

Na me de, mmerɛ ne adwu bɔ bɛbaafa me bɛbɔ afɔleɛ ɔ, na mmerɛ ne apingye kyɛ ngofi wa ɔ.

2 Petro 1:14

ofikyɛ mese kyɛ, ɔngɔhyɛ biala, bɛkɔye ɛtena sua ne bekofi me nwo, kyɛbɔ y’Awurade Yesu Kristo wala ye ali wahyire me ne.

Nyekyire 12:11

Na bɛfale Boaen Ba ne mogya so ne b’adanzeɛ dwirɛ so yeɛ belili ye so ngonim ɔ, na banzuro kyɛ bɛkɔfa bɛ ngoa bɛkɔpɛ so ɔ.

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.

1 Samuel 1:8

Na ohu Ɛlkana bisale ye kyɛ, “Hana, na esuɛ ye ɛ? Nzu ati yeɛ engodidi ɔ? Nzu ati yeɛ wɔ wora abɔ ye? Aso mendra ngwadaa mmienzua buru memma wɔ?”

1 Samuel 15:14

Nakoso Samuel bisale kyɛ, “Mmoaen suɛ bɔ ogua me so anu ye, ɔne nandwie suɛ bɔ mete ye koso ɛ?