Asomafoɛ 20:7 - AHYERƐLƐ KRONGRON

⁷ Kyẽa bɔ oli moa wɔ dapɛn ne anu ne, mmerɛ bɔ yɛyiale nu kyɛ yɛdidi ne, Pɔɔlo yɛle ngyerɛkyerɛ hyirele bɛ, na ɔtoale so alaa maa oodwuli abunnamu; ofikyɛ né aleɛ kye a, ɔkɔ.

Asomafoɛ 20:7 Iomraidhean Croise

Nehemia 8:3

Ɛsra fale ye nye hyirele nekaa bɔ bɛbɔ dwaa ne wɔ Nzue Pambim ne anyunu berɛ, na ɔkengale nwomaa ne fili ngyerɛmɔ tutuutu oodwuli eyiagyina. Ɔkengale ye wɔ mmienzua ne mmrasua ne ngwadaa bɔ bɛte dwirɛ bɛkɔhora bɛkɔte ye bo ɔ, bɛ nyunu. Na maen ne amukoraa bɛyɛle asoɛ betiele mmeraa nwomaa ne anu dwirɛ.

Nehemia 9:3

Bɛhɔle so begyinane bɛ gya so bɛkengale AWURADE bɛ Nyameɛ mmeraa nwomaa ne dɔnhwere nza, yeɛ bɛfale dɔnhwere nza bieku bɛhane bɛ bɔne, na bɛsɔnene AWURADE bɛ Nyameɛ.

Marko 16:9

[Na kyẽa bɔ oli moa ne ngyerɛmɔ tutututu bɔ odwɔsole nen, olili moa yele ye nwo ali hyirele Maria Magdalene, bɔ otuli sunzummɔne nzoo fili ye nu ne.

Luka 22:19

Afei ɔfale paanoo, ɔlale ase, obubuli nu fa mane bɛ, na ɔhane kyɛ, “Ɛhe te me nwonaen bɔ ɛmɔ ti bɛ́fa bɛ́ma ɔ; ɛ́mɔyɔ he bɛ́fa bɛ́kaye me.”

Luka 24:35

Yeɛ mmenia nyɔ ne bɛhane bɔ osili atunu dɔ ne, ɔne kyɛbɔ bɛfale paanoo bubulɛ ne anu benwuni kyɛ ye ahɔ ɔ behyirele bɛ.

Yohane 20:1

Na dapɛn ne anu kyẽa bɔ oli moa ne, ngyerɛmɔ tutuutu bɔ né awosii tɛwɔ nu ne, Maria Magdalene wale asieleɛ ne aso, na onwuni kyɛ baye nyɔboɛ ne bafi asieleɛ ne noa.

Yohane 20:19

Na sɔ kyẽa ne ala nɔsoa, bɔ ɔte dapɛn ne anu kyẽa bɔ oli moa ne, Yudafoɛ nemɔ nwo suronyi ti, asuafoɛ nemɔ totole anoa nemɔ anu wɔ nekaa bɔ bɛboale bɛ noa ne, na Yesu wale oogyinane b’afia berɛ, na osele bɛ kyɛ, “Asomdwee hã ɛmɔ oo!”

Yohane 20:26

Na nziɛ ye, ye ɛlɛbɔtwɛ ne aso, né ye asuafoɛ nemɔ bɛwɔ awuro berɛ bieku, na né Tɔmase ɔboka bɛ so. Né batoto bɛ nwo anoa nu, nakoso Yesu wale oogyinane b’afia berɛ, na osele kyɛ, “Asomdwee hã ɛmɔ oo.”

Asomafoɛ 16:10

Mmerɛ bɔ Pɔɔlo nyane nyekyire ne pɛ, yɛboaboale yɛ nwo kyɛ yɛkɔ Makedonia, ofikyɛ yɛnyane adwene kyɛ amba Nyameɛ afrɛ yɛ kyɛ yɛɛbɔ nzɛmba ne dawure yɛhyire bɛ.

Asomafoɛ 2:42

Na betuli bɛ nwo besiele berɛ besuane asomafoɛ nemɔ ngyerɛkyerɛ ne b’abiɛngoɛfalɛ ne paanoobubulɛ ne mbaeɛbɔlɛ.

Asomafoɛ 2:46

Na alehyeleɛ biala, beyiale asɔneyɛɛ sua nu ngabonu nu, belili adi wɔ b’awuro mɔ nu, na bɛfale anigye ne ahone bɔ nu te ɔ bedidili;

Asomafoɛ 20:11

Afei Pɔɔlo sa hɔle aborɔsaen ne aso, ɔfale nikyee kãa hane ye noa; na ɔtoale so dwudwole tonn ma aleɛ hyene, na ofili berɛ hɔle.

Asomafoɛ 20:31

Yiti ɛmɔla ɛmɔ nwo so, na ɛ́mɔkaye kyɛ mvale me nye moen eyia ne kɔngɔen nduli ɛmɔ nu biala foɛ sɔ alaa afoɛ nza.

Asomafoɛ 20:5

Bɛ de belili moa bɛɛnwondɛle yɛ wɔ Troase,

Asomafoɛ 20:9

Né aberandeɛ bie bɔ bɛfrɛ ye Yutiko te mboma noa, na ɔnate kyɛ Pɔɔlo dwudwo hyɛle ne ati, Yutiko tɔle ngosie, na nziɛ ye ɔlafele hatee; na ofili aborɔsaen bɔ ɔtɔ so nza ne aso te tɔle ase, na bɛɛpagyale ye nen, né wawu.

Asomafoɛ 28:23

Bɛ ne Pɔɔlo hyɛle kyẽa, na kyẽa ne dwuli ne, mmeni pee wale ye berɛ wɔ nekaa bɔ ɔte ne. Ɔhane Nyameɛ ahennie ne nwo dwirɛ, na ohyirehyirele nu hyirele bɛ. Na ɔfale Mose mmeraa ne ngɔmhyɛlɛfoɛ dwirɛ ne hyirele bɛ Yesu nwo dwirɛ tonn fite ngyerɛmɔ ma aleɛ dwole.

1 Korintofoɛ 10:16

Yɛda Awurade Adidie kulie bɔ bayira so ne nwo ase a, aso ongyire kyɛ yɛne Kristo mogya ne afa abiɛngoɛ anaa? Paanoo bɔ yɛbubu ne, aso ongyire kyɛ yɛne Kristo nipadua ne afa abiɛngoɛ anaa?

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

1 Korintofoɛ 16:2

Dapɛn biala nu kyẽa bɔ oli moa ne, ɛmɔ nu biala ɔ́fa bɔ Nyameɛ afa alo ye ne bie osie, amaa sɛ meba a, ye nwo anhia kyɛ ɛmɔkɔkekã bɛ sa ase ɔ.

2 Timoteo 4:2

bɔ edwirɛ ne dawure, ná kɔ so yɔ, kyɛ mmerɛ paa nu oo, anaa mmerɛ tɛɛ nu oo. Maa mmenia benwu bɛ mvomsoɛ, twi bɛ nyunu, tu foɛ, wɔ ndoboaseɛ ne aboterɛ amukoraa nu.

Nyekyire 1:10

Né nwɔ Sunzum nu wɔ Awurade kyẽa ne, na ndele komviɛ piri bie wɔ me si dɔ, bɔ ɔte kyɛ totorobɛndo ɔ kyɛ,