Asomafoɛ 20:30 - AHYERƐLƐ KRONGRON

³⁰ Asa koso, ɛmɔ bɔbɔ bɛ nu mmenia ne bie kodwɔso ná baha ngondombo dwirɛ bafa bahwe agyidifoɛ ne bie bali bɛ si.

Asomafoɛ 20:30 Iomraidhean Croise

Anyandera 19:1

Ehianiɛ bɔ ye bra te sannwuu ne, ɔte paa tra sona bɔ ɔte nnakannaka ne kwaseaa ɔ.

Anyandera 23:33

Nningyein suronyisuronyi kogyinagyina wɔ nye so, na w’adwene kɔmaa ekodwudwo basabasa.

Yesaya 59:3

Ofikyɛ ɛmɔ sa ahã mogya agua, ɛmɔ sa mmɛseka afɔrefɔre amumuyɛɛ, ɛmɔ noa ahã nnakannaka dwirɛ, yeɛ ɛmɔ temverema apɛ ngondombo.

Daniel 11:34

Na sɛ bɛtotɔ a, mmokalɛ kãa bie yeɛ bekonya ɔ, na mmeni pee bɔ bɛ noa dwirɛ te menemene ɔ bɛkɔɔfa bɛ nwo bɛkɔbɔ bɛ.

Mateo 23:15

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔkyini ɛpo ne aseɛ so kyɛbɔ ɛmɔkonya sona ko maa ɔkɔɔboka ɛmɔ fekue ne aso ɔ, na sɛ ɛmɔnya ye a, ɛmɔmaa ɔyɛ amaneɛnwunɛ kuroniɛ mmɔhoɛ nyɔ tra ɛmɔ bɔbɔ.

Asomafoɛ 11:26

Na onwuni Sɔɔlo nen, ɔfale ye wale Antiokia. Bɛ munyɔ bɛ ne Antiokia asɔremma ne bɛtenane afoɛ ko mumua, na bɛyɛle ngyerɛkyerɛ behyirele mmenia pee. Na Antiokia berɛ yeɛ belili moa bɛfrɛle agyidifoɛ nemɔ Akristofoɛ ɔ.

Asomafoɛ 21:38

Yiti nna wɔ ole Misraimniɛ bie bɔ ɛlɛsa ye ɔyɔle basabasa (tiale awaen ne,) na ɔfale awudifoɛ amammɔyɛfoɛ apee nna tɔle ɛserɛ so dɔ ne?”

2 Korintofoɛ 11:13

Ofikyɛ sɔ mmenia ne te asomafoɛ ngondombofoɛ, adwumayɔlɛfoɛ nnakannakafoɛ bɔ bɛkakyi bɛ nwo kyɛ Kristo asomafoɛ ɔ.

1 Timoteo 5:13

Afei koso, besua akwadworɔ, na bekyinikyini awuro mɔ nu; nna kyɛ bɛyɛ foen ngome, na mmom bɛyɛ asɛmbɛ ne nzekure, na bɛkekã edwirɛ bɔ ɔmvata ɔ.

1 Timoteo 6:5

manzoenhwenɛ wɔ mmenia bɔ b’adwene awu ɔ nu, bɔ bɛne nahorɛ abɔ nzahoɛ, bɔ besusu kyɛ nyamesom paa ma sona nya ye nwo ɔ.

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.

1 Yohane 2:19

Befi yɛ nu yeɛ bɛhɔle ɔ, nakoso né bɛmmɔ yɛ fekue ne bie. Ofikyɛ sɛ bɛbɔ yɛ fekue ne bie a, ahaa bɛ ne yɛ hɔle so tenane. Na bafi yɛ nu maa wala ali kyɛ bɛ mukoraa bɛmmɔ yɛ fekue ne bie.

2 Yohane 1:7

Ofikyɛ nnakannakafoɛ pee bawa wiase, na bɛ yeɛ benne bɛndo nu kyɛ Yesu Kristo awa anwoɔnaen nu waayɛ kuro sona ɔ. Na sona biala bɔ ɔyɔ sɔ ne, ɔte ngondomboniɛ ne antikristo.

Nyekyire 2:6

Nakoso ayɔ paa he, kyɛ ekyi Nikolatafoɛ nnwumaa bɔ me koso mekyi ne.