Asomafoɛ 20:24 - AHYERƐLƐ KRONGRON

²⁴ Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Asomafoɛ 20:24 Iomraidhean Croise

1 Aberɛso Dwirɛ 11:18

Yiti koɛhonɛfoɛ ahoneserɛfoɛ nza nemɔ sili bɛ hue bɛhɔle Filistifoɛ asikyeleɛ ne anu. Na abura bɔ ɔwɔ Betlehem kuro berɛ pambim ne anwo ne, bɛsale nu nzue ne bie bɛbrɛle Dawide. Nakoso wanno, na mmom ohwie guale mane AWURADE.

Luka 16:28

ofikyɛ nniɛma mmienzua mɔ bɛte nnu, ná ɔɔbɔ bɛ kɔkɔ, ná bɛ koso bamma ɛwa amaneɛnwunɛ ne anu bie.’

Yohane 15:27

na ɛmɔ koso ɛmɔkoli adanzeɛ, ofikyɛ ɛmɔ ne me anate alaa fi ahyɛaseɛ ne.”

Yohane 17:4

Mahyɛ wɔ animnyam wɔ aseɛ so; mayie adwuma bɔ ɛfa mane me kyɛ nyɔ ne.

Asomafoɛ 1:17

Né ɔboka yɛ asuafoɛ fekue ne aso, ofikyɛ bɛyele ye maa onyane kyɛfa wɔ adwuma he anu.”

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Asomafoɛ 13:25

Na Yohane ɔbaayie ye adwuma nen, ɔhane kyɛ, ‘Ɛmɔnea a, nwa ole me? Nna me ole ye oo. Na ɛ́mɔtie, ebie li me si ɔ́ba, bɔ memvata kyɛ mesangye ye gya bo mbaboa nyamaa po ɔ.’

Asomafoɛ 14:3

Nakoso bɛtenane berɛ bɛhyɛle; besili b’ahone bedwudwole wɔ Awurade nu, na ye koso olili ye adom dwirɛ ne nwo adanzeɛ, na ɔfale bɛ so yɔle nzɛngyerɛnneɛ ne anwanwadeɛ.

Asomafoɛ 15:7

Bɛkekane ye nwo bie dee, na Petro dwɔso sele bɛ kyɛ, “Aliɛmaa mɔ, ɛmɔse kyɛ mmerɛ bie bɔ wapɛ nu wahɔ ɔ, Nyameɛ neaneane nu yele me fili ɛmɔ nu, kyɛ nga nzɛmba ne ngyire Amaenmaensofoɛ maa bɛ koso bɛte dwirɛ ne na bele beli.

Asomafoɛ 18:5

Na mmerɛ bɔ Silase ne Timoteo befili Makedonia bɛwale ne, Pɔɔlo fale ye mmerɛ tole berɛ hane nzɛmba ne, na olili adanzeɛ hyirele Yudafoɛ nemɔ kyɛ Yesu ole Kristo ne.

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Asomafoɛ 20:23

sana bɔ Sunzum Krongron ne ahã ahyire me wɔ kuro biala so kyɛ mmenia kɔto me kuku nu na bamaa manwu amaneɛ ɔ.

Asomafoɛ 20:32

“Afei, mefa ɛmɔ mewura Nyameɛ sa, ɔne ye adom dwirɛ ne anu; na adom dwirɛ ne yeɛ ɔkɔhora kɔma ɛmɔkonyi ná wama ɛmɔ agyapadeɛ bɔ wahyehyɛ wato berɛ wama anwoteefoɛ mukoraa ne ɔ.

Asomafoɛ 21:13

Nakoso obuale yɛ kyɛ, “Na esuɛ ye koso ɛ? Bɔ bɛyɔ sɔ bɛma m’aba nu bu ye! Me de, nna kuku nu nnaa ngome yeɛ masiesie me nwo mama ɔ, na mmom kyɛ Awurade Yesu dumaa ti ngowu wɔ Yerusalem ɔ.”

Asomafoɛ 22:21

Na Awurade sele me kyɛ, ‘Kɔ, na ngɔsoma wɔ dedeede maa ɛkɔhɔ Amaenmaensofoɛ berɛ.’ ”

Asomafoɛ 9:15

Na Awurade sele ye kyɛ, “Wɔ de, kɔ, ofikyɛ maye ye kyɛ ɔso me, ná ɔbɔ me dumaa nwo dawure hyire Amaenmaensofoɛ ne ahemvo ne Yisrael mma.

Romanfoɛ 11:6

Na sɛ ɔnate adom so de a, nzaade Nyameɛ frɛlɛ ne oggyi nnwumaa so ko, na sɛ ogyi nnwumaa so de a, ahaa adom ne ɔtte adom ko.

Romanfoɛ 4:4

Sona bɔ ɔyɔ adwuma ne, bemmu ye akatuaa kyɛ akyɛdeɛ, na mmom ɔte adwuma bɔ ɔyɔ ne nwo akatuaa.

1 Korintofoɛ 15:58

Yiti nniɛma mɔ, ɛmɔgyina pindinn, nnɛma ɛmɔhimhim, na daa biala ɛmɔhɔ so bɛyɔ Awurade adwuma, ofikyɛ ɛmɔse kyɛ ɛmɔ fɛɛ wɔ Awurade adwuma nu ngɔyɛ mbaen.

2 Korintofoɛ 12:10

Na ɔnate Kristo ti, me nye gye wɔ mmerɛyɛlɛ nu, alapaa bɔ bɛbɔ me nu, anwokyere nu, ndaneanyeɛ nu, aworabɔlɛ nu; ofikyɛ sɛ meyɛ mmerɛ a, yeɛ me nwo yɛ se ɔ.

2 Korintofoɛ 4:1

Ye sɔ ti, kyɛ Nyameɛ wanwu yɛ anwumvoin wafa ɛsom he wawura yɛ sa ye, yɛngɔpa aba.

2 Korintofoɛ 4:12

Yiti ewue li yɛ mvanvando, nakoso ɛmɔ de ngoa wɔ ɛmɔ nu.

2 Korintofoɛ 5:8

Yɛle anyelasoɛ, na yɛkuro kyɛ yɛfi sɔ anwoɔnaen he anu ná yɛne Awurade yaatena.

2 Korintofoɛ 7:4

Mede ɛmɔ medi paa, na mefa ɛmɔ mehoahoa me nwo koso paa. Me wora akyekye paa, na ɔwɔ nu kyɛ yɛfa amaneɛ nu de, nakoso m’anika abu afa so koraa.

Galatiafoɛ 1:1

Me Pɔɔlo, offi kuro sona, yeɛ ɔnnate sona so; na mmom ɔnate Yesu Kristo ne Baba Nyameɛ bɔ otingyele ye fili awofoɛ nu ne so yeɛ maayɛ somafoɛ ɔ.

Ɛfesofoɛ 1:6

amaa ɔnate so yaye ye animnyam adom bɔ ɔnate ye ahone nu Ba ne aso wafa walo yɛ ne ayɛ.

Ɛfesofoɛ 3:13

Yiti mesrɛ ɛmɔ kyɛ, nnɛmɔma ɛmɔ abasa nu bu wɔ amaneɛ bɔ ɔnate ɛmɔ ti menwu ye ne anwo, ofikyɛ ɔte ɛmɔ animnyam.

Filipifoɛ 2:17

Na sɛ ɔba kyɛ behwie me begua kyɛ afɔlebɔdeɛ wɔ ɛmɔ gyidie solɛ nwo a, ɔyɛ me fɛ, na me ne ɛmɔ amukoraa yɛdi ahurusi.

Filipifoɛ 2:30

Ofikyɛ, Kristo adwuma ne ati ɔhale kãa maa owuli, na ɔfale ye ngoa tole serewa gyinane ɛmɔ gya nu kyɛ ɔkɔso me.

Kolosefoɛ 1:24

Na afei, ɔnate ɛmɔ ti me nye gye wɔ m’amaneɛnwunɛ nu; na menya Kristo amaneɛnwunɛ ne anu kyɛfa wɔ me nwonaen nu mema ye nipadua ne, bɔ ɔte asɔre ne.

1 Tɛsalonikafoɛ 2:2

Na ɔwɔ nu kyɛ yɛlili moa yɛnwuni amaneɛ, ná bɛbɔle yɛ alapaa wɔ Filipi, kyɛbɔ ɛmɔse ne, nakoso yɛsili y’ahone wɔ yɛ Nyameɛ nu kyɛ yɛkɔhã Nyameɛ nzɛmba ne yɛkohyire ɛmɔ, wɔ aberɛ bɔ bɛko betia yɛ ɔ.

1 Tɛsalonikafoɛ 3:3

amaa sɔ amaneɛnwunɛ hemɔ ammo ɛmɔ nu biala so. Ofikyɛ ɛmɔ bɔbɔ ɛmɔse kyɛ amaneɛnwunɛ bɔ odi kyɛ yɛnwu ye hɔ ala ɛne.

2 Timoteo 1:12

Na ɔnate ɛhe ati yeɛ menwu amaneɛ hemɔ ye, nakoso ɔnyɛ me nya; ofikyɛ mese bɔ male ye mali ne, na mede medi kyɛ ɔkora ɔbɔ bɔ mafa mawura ye sa ne nwo waen maa okoodwu Kyẽa ne.

2 Timoteo 3:11

ndaneanyeɛ bɔ wato me, m’amaneɛ bɔ ɔtole me wɔ Antiokia, Yikoniom ne Lisetra, ɔne ndaneanyeɛ ahoroɔ bɔ ɔtole me ne; nakoso Awurade lele me fili ye mukoraa nu.

2 Timoteo 4:17

Nakoso Awurade gyinane me si mane me anwoserɛ, kyɛbɔ ɔkɔyɛ bɔ ɔkɔfa me so kɔbɔ edwirɛ ne dawure bɔkɔɔ kɔma Amaenmaensofoɛ amukoraa bɛkɔte ɔ. Yiti ɔpepɛ lele me fili gyata noa nu.

Tito 1:3

na mmerɛ bɔ ɔsɛ ɔ nu, ɔlale ye dwirɛ ne ali wɔ nzɛmbahanɛ bɔ ɔte yɛ Ngoadefoɛ Nyameɛ ahyɛdeɛ bɔ wafa wawura me sa ne;

Tito 2:11

Ofikyɛ Nyameɛ adom bɔ ɔfa ngoalelɛ brɛ adasa mmaa mukoraa ne, waye ye nwo ali.

Hebrifoɛ 10:34

Ofikyɛ ɛmɔnwuni bɛ bɔ begua kuku nu anwumvoin, na mmerɛ bɔ bɛfene ɛmɔ nningyein bɛfale ne, ɛmɔle anigye bɛpenene so, ofikyɛ ɛmɔse kyɛ ɛmɔle nningyein paa bɔ ɔtra so wɔ nyameɛso afebɔɔ.

1 Petro 5:12

Silwano bɔ mebu ye kyɛ ɔte aliɛmaa nahorɛniɛ ne, mafa ye so yeɛ mahyerɛ edwirɛ tikaape he mabrɛ ɛmɔ ɔ. Na mefa metu ɛmɔ foɛ ná medi adanzeɛ kyɛ, ɛhe te Nyameɛ nohorɛ adom ne, yiti ɛ́mɔgyina pindinn wɔ nu.

1 Yohane 3:16

Na ɛhe yeɛ ɔmaa yɛnwu kyɛbɔ ɔdɔ si te ɔ: Kristo fale ye ngoa tole berɛ mane yɛ, na yɛ koso odi kyɛ yɛfa yɛ ngoa yɛto berɛ yɛma aliɛmaa nemɔ.

Nyekyire 12:11

Na bɛfale Boaen Ba ne mogya so ne b’adanzeɛ dwirɛ so yeɛ belili ye so ngonim ɔ, na banzuro kyɛ bɛkɔfa bɛ ngoa bɛkɔpɛ so ɔ.

Nyekyire 6:11

Yeɛ bɛmane bɛ nu ko biala ataadeɛ fufue, na besele bɛ kyɛ bɛnwondɛ mmerɛ kãa bie bieku, ma oodwu kyɛ bɛ mmango asomvoɛ ne b’eliɛma mɔ bɔ bekohũhũ bɛ kyɛ bɛ koso ala ne bɛ somaa ɔkɔsõ ɔ.