Asomafoɛ 20:22 - AHYERƐLƐ KRONGRON

²² Na kekesaala ye, ɔnate kyɛ mayɛ asoɛmmerɛlɛ mama Sunzum Krongron ne ati, mekɔ Yerusalem, na menze nikyee bɔ ɔkɔto me dɔ ɔ;

Asomafoɛ 20:22 Iomraidhean Croise

Luka 12:50

Asubɔlɛ bie wɔ berɛ bɔ bɛbaafa bɛbɔ me ɔ, na sɛ bɛffa bɛbbɔle me beyyiele a, nnyane anwotɔ.

Luka 9:51

Na ɔwale kyɛ, mmerɛ bɔ ɔsɛ kyɛ bɛfa ye bɛkɔ nyameɛso ɔ ɔpena pingye nen, ɔfa siele ye nye so kyɛ ɔkɔhɔ Yerusalem.

Yohane 13:1

Na Abɔtra aluolue ne ɔbaadwu ne, né Yesu se kyɛ ye dɔnhwere ne adwu kyɛ ofi wiase wa ɔkɔ Baba ne berɛ ɔ, na kyɛbɔ ohurole ye bɔbɔ ye deɛ bɔ bɛwɔ wiase dwirɛ nen, ohurole bɛ dwirɛ oodwuli ayieleɛ.

Yohane 18:4

Na Yesu de, né ɔse bɔ ɔbaato ye amukoraa; na ɔhɔle ye nyunu moa, na obisale bɛ kyɛ, “Ɛmɔpena nwa?”

Asomafoɛ 17:16

Mmerɛ bɔ Pɔɔlo nwondɛ Silase ne Timoteo wɔ Atense nen, onwuni kyɛ bosoensolɛ ayi kuro ne anu tɛkyɛ; yiti ɔhale ye paa.

Asomafoɛ 19:21

Ɛhemɔ asi ne, Pɔɔlo nate Sunzum Krongron so yɛle ye adwene kyɛ ɔkwaapɛ nu Makedonia ne Akaia kɔ Yerusalem, na ɔhane kyɛ, “Sɛ medwu berɛ a, ɔsɛ kyɛ mekɔ Rome koso.”

Asomafoɛ 20:16

Né Pɔɔlo ayɛ ye adwene kyɛ ongogyina Ɛfeso amaa wanzɛkye mmerɛ wɔ Asia mbɔtam, ofikyɛ né ɔpe ndɛen kyɛ sɛ ɔkɔyɛ yee a, okodwu Yerusalem wɔ Pɛntekɔso kyẽa ne.

2 Korintofoɛ 5:14

Na Kristo dɔ ne di yɛ so, ofikyɛ yɛde yɛto nu kyɛ sɛ sona ko wu mane mmenia mukoraa a, nzaade mmenia mukoraa bawu.

Yakobo 4:14

Nakoso ɛmɔnze bɔ okosi ɛhema ɔ. Ɛmɔ ngoa te nzu? Ofikyɛ ɔte etutue bɔ ɔba mmerɛ kãa bie, ná afei watu wamini ɔ.

2 Petro 1:14

ofikyɛ mese kyɛ, ɔngɔhyɛ biala, bɛkɔye ɛtena sua ne bekofi me nwo, kyɛbɔ y’Awurade Yesu Kristo wala ye ali wahyire me ne.