Asomafoɛ 20:21 - AHYERƐLƐ KRONGRON

²¹ na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Asomafoɛ 20:21 Iomraidhean Croise

Mateo 3:2

Ɔnwa, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 4:17

Ofi mmerɛ sɔ ne yeɛ Yesu hyɛle ye bo hane nzɛmba ne kyɛ, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Marko 1:15

Na ɔhane kyɛ, “Mmerɛ ne adwu, na Nyameɛ ahennie ne wapingye, yiti ɛ́mɔsakyera ɛmɔ adwene, ná ɛmɔle nzɛmba ne beli.”

Marko 6:12

Yiti besili nu bɛɛbɔle edwirɛ ne dawure kyɛ odi kyɛ mmenia sakyera b’adwene.

Luka 13:3

Mekã mekyire ɛmɔ kyɛ, daabi. Nakoso sɛ ɛmɔanzakyera ɛmɔ adwene a, sɔ ala yeɛ ɛmɔ amukoraa ɛmɔkowu ɔ.

Luka 13:5

Daabi, na mekã mekyire ɛmɔ kyɛ, sɛ ɛmɔanzakyera ɛmɔ adwene a, sɔ ala yeɛ ɛmɔkowu ɔ.”

Luka 15:10

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba Nyameɛ abɔfo mɔ bɛ nyunu ɔ.”

Luka 15:7

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba nyameɛso tra bɔ ɔba mmenia tenenee aburahona ne ngona bɔ benhia adwenesakyera nwo ɔ.

Luka 16:28

ofikyɛ nniɛma mmienzua mɔ bɛte nnu, ná ɔɔbɔ bɛ kɔkɔ, ná bɛ koso bamma ɛwa amaneɛnwunɛ ne anu bie.’

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Yohane 3:36

Na ebiala bɔ ode Baa ne di ne, ole daa ngoa; yeɛ bɔ ɔnyɛ sotie mma Baa nen, ongonya ngoa, na Nyameɛ ahonehulɛ ba ye so.

Asomafoɛ 10:43

Ye yeɛ Nyameɛ ngɔmhyɛlɛfoɛ ne amukoraa lili ye nwo adanzeɛ kyɛ ebiala bɔ ode ye di ne, ɔnate ye dumaa nu konya bɔnefakyɛ ɔ.”

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 16:31

Bebuale ye kyɛ, “Dé Awurade Yesu di na ɛne w’awuro ama konya daa ngoa.”

Asomafoɛ 17:30

Mmerɛ bɔ né mmenia bennya bennwuni Nyameɛ yé nen, obuli ye nye guale so; nakoso kekesaala ye de, ɔhyɛ ebiala bɔ ɔwɔ nekaa biala ɔ kyɛ ɔsakyera ye adwene,

Asomafoɛ 19:17

Yudafoɛ amukoraa ne Helafoɛ amukoraa bɔ bɛwɔ Ɛfeso bɛtele sɔ dwirɛ nen, bɛ mukoraa besurole, na bɛyele Awurade Yesu dumaa ayɛ piri paa.

Asomafoɛ 2:38

Na Petro buale bɛ kyɛ, “Ɛ́mɔsakyera ɛmɔ adwene ná ɛ́mɔma bɛbɔ ɛmɔ nu biala asu wɔ Yesu Kristo dumaa nu, ma ɛ́mɔnya bɔnefakyɛ; na ɛmɔkonya Sunzum Krongron akyɛdeɛ ne.

Asomafoɛ 2:40

Na Petro fale edwirɛ tole dwirɛ nwo dwudwole pee, na otuli bɛ foɛ kyɛ, “Ɛ́mɔhwe ɛmɔ nwo béfi ɛnɛmmafoɛ nzɛmmɔnefoɛ hemɔ anwo!”

Asomafoɛ 20:23

sana bɔ Sunzum Krongron ne ahã ahyire me wɔ kuro biala so kyɛ mmenia kɔto me kuku nu na bamaa manwu amaneɛ ɔ.

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Asomafoɛ 24:24

Ngyẽa kãa bie asi ne, Felise ne ɔye Yudaniɛ bɔ bɛfrɛ ye Drusila bɛwale. Felise somane maa bɛɛfale Pɔɔlo bɛwale, na ɔmaa ɔhane Kristo Yesu nu gyidie nwo dwirɛ maa otiele.

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Asomafoɛ 26:20

Na nnili moa ngane edwirɛ ne wɔ Damasko, afei Yerusalem, ɔne Yudea maen ne anu mukoraa, ɔne Amaenmaensofoɛ nu; kyɛ bɛsakyera b’adwene bɛbra Nyameɛ berɛ na bɛbɔ bra bɔ okyire kyɛ basakyera b’adwene ɔ.

Asomafoɛ 28:23

Bɛ ne Pɔɔlo hyɛle kyẽa, na kyẽa ne dwuli ne, mmeni pee wale ye berɛ wɔ nekaa bɔ ɔte ne. Ɔhane Nyameɛ ahennie ne nwo dwirɛ, na ohyirehyirele nu hyirele bɛ. Na ɔfale Mose mmeraa ne ngɔmhyɛlɛfoɛ dwirɛ ne hyirele bɛ Yesu nwo dwirɛ tonn fite ngyerɛmɔ ma aleɛ dwole.

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

Asomafoɛ 8:25

Na belili adanzeɛ ná bɛhane Awurade dwirɛ ne nen, besa bɛhɔle Yerusalem. Na békɔ nen, bɛhane nzɛmba ne wɔ Samaria nguraa pee nu.

Romanfoɛ 1:14

Ofikyɛ ɔte asodie ma me kyɛ mebɔ nzɛmba ne dawure mekyire Helafoɛ ne Pɔtɔfoɛ, nimdeɛfoɛ ne bɛ bɔ belle nimdeɛ ɔ.

Romanfoɛ 1:16

Na nzɛmba ne nwo nyɛ me nya, ofikyɛ ɔte Nyameɛ tumi bɔ ɔkɔ ngoalelɛ nu ma bɛ bɔ bede bedi amukoraa, Yudafoɛ yeɛ beli moa ɔ, yeɛ Amaenmaensofoɛ koso bɛtoa berɛ ɔ.

Romanfoɛ 10:9

Ofikyɛ sɛ ɛfa wɔ noa kã ye pefee kyɛ Yesu te Awurade, ná ede di wɔ w’ahone nu kyɛ Nyameɛ atingye ye afi awufoɛ nu a, ekonya daa ngoa.

Romanfoɛ 2:4

Aso ɛmva Nyameɛ paayɛlɛ mmorosoɛ ne ye aboterɛ pee ne nyɛ hwee hɔ ɔ? Ɛnze kyɛ Nyameɛ paayɛlɛ ne ɔboka wɔ maa ɛsakyera w’adwene hɔ ɔ?

Romanfoɛ 4:24

Bɛhyerɛ bɛmane yɛ koso. Yɛ bɔ yɛde bɔ otingyele y’Awurade Yesu fili awufoɛ nu yɛdi ne, sɔ ala yeɛ bekobu yɛ gyidie bɛkɔma yɛ ɔ;

Romanfoɛ 5:1

Afei de, ɔnate gyidie so yɛne Nyameɛ y’afia ayɛ ko ne ati, yɛnate y’Awurade Yesu Kristo so yanya asomdwee wɔ Nyameɛ nu.

1 Korintofoɛ 1:22

Ofikyɛ Yudafoɛ bɛpena nzɛngyerɛnneɛ, yeɛ Helafoɛ koso bɛpena ewiase nworɛ.

2 Korintofoɛ 7:10

Aworabɔlɛ bɔ ɔnate Nyameɛ surolɛ so ba ne ma adwenesakyera bɔ ɔfa sona kɔ ngoalelɛ nu ɔ, na ɔmma sona nnu ye nwo. Nakoso ewiase aworabɔlɛ de ɔfa sona kɔ ewue nu.

Galatiafoɛ 2:16

Nakoso yɛse kyɛ ɔnate sona gyidie wɔ Yesu Kristo nu so yeɛ Nyameɛ bua ye be ɔ, na mmom ɔnnate mmeraa ne aso lilɛ. Yɛ koso yale Kristo yali, amaa ɔnate sɔ gyidie ne aso Nyameɛ abua yɛ be, na nna kyɛ mmeraa ne aso lilɛ ti ɔ; ofikyɛ nna mmeraa ne aso lilɛ yeɛ Nyameɛ kɔfa kobua sona biala be ɔ.

Galatiafoɛ 2:20

Babɔ me ne Kristo mmeamudua nu; yiti nna me yeɛ nde ase ko ɔ, na mmom Kristo yeɛ ɔte ase wɔ me nu ɔ. Na m’ase bɔ nde ye kekesaala ye wɔ anwoɔnaen nu ye de, ɔnate gyidie wɔ Nyameɛ Awa, bɔ okuro me dwirɛ na ɔfale ye ngoa tole berɛ mane me ne anu yeɛ nde ase ɔ.

Galatiafoɛ 3:22

Nakoso Ahyerɛlɛ ne kyire kyɛ abɔdeɛ mukoraa wura bɔne bo; kyɛbɔ ɔkɔyɛ ná bafa bɔhyɛ bɔ ogyi Yesu Kristo nu gyidie so ne bama agyidifoɛ ɔ.

Ɛfesofoɛ 1:15

Yiti me koso, ofi mmerɛ bɔ ndele ɛmɔ gyidie wɔ Awurade Yesu nu ɔne anwoteefoɛ amukoraa nwo dɔ bɔ ɛmɔle ye ne,

Kolosefoɛ 2:5

Ɔwɔ nu kyɛ anwoɔnaen nu de nna me ne ɛmɔ yeɛ yɛwɔ dɔ ɔ, nakoso me ne ɛmɔ yɛwɔ dɔ sunzum nu. Na ɔyɛ me fɛ kyɛ ɛmɔgyi berɛ pindinn ná ɛmɔ gyidie koso atindim wɔ Kristo nu ɔ.

Filemɔn 1:5

ofikyɛ ɔdɔ bɔ ele ye ma anwoteefoɛ amukoraa ɔne wɔ gyidie wɔ Awurade Yesu nu ne, mete ye nga.

1 Yohane 5:1

Ebiala bɔ ode di kyɛ Yesu ole Kristo ne te Nyameɛ awa. Na ebiala bɔ okuro Baba ne dwirɛ ne, okuro Baa ne koso dwirɛ.

1 Yohane 5:5

Nwa yeɛ odi wiase so ngonim ɔ? Ye ole sona bɔ ode di kyɛ Yesu ole Nyameɛ Awa ne ɔ.