Asomafoɛ 20:2 - AHYERƐLƐ KRONGRON

² Ɔfale manzini nemɔ nu hyɛle agyidifoɛ nemɔ nguraen pee yiele ne, afei ɔwale Hela aseɛ so.

Asomafoɛ 20:2 Iomraidhean Croise

Sakaria 9:13

Ofikyɛ makondo Yuda mayɛ m’agyaen, mafa Efraim mayɛ agyaen bakaa mawura nu, O Sion, ngɔkanyane wɔ mma mmienzua mɔ maa bekodwɔso bekotia Hela mma mmienzua mɔ, na ngɔfa wɔ ngɔyɛ kyɛ katakyie ngrandɛ.

Luka 3:18

Na ɔfale edwirɛ pee bokale so otuli maen ne foɛ, na ɔhane nzɛmba ne hyirele bɛ.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Asomafoɛ 15:41

Ɔɔpɛle nu wɔ Siria ne Kilikia na ɔhyɛle asɔremma nemɔ nguraen.

Asomafoɛ 16:12

Na yɛfili berɛ yɛhɔle Roman manzini Makedonia kuro piri Filipi so. Na yɛlili ngyẽa kãa wɔ sɔ kuro ne aso.

Asomafoɛ 17:1

Pɔɔlo ne Silase bɛpɛle nu wɔ Amfipoli ne Apolonia bɛwale Tɛsalonika, nekaa bɔ Yudafoɛ nyianu sua wɔ ɔ.

Asomafoɛ 17:10

Na aleɛ sane pɛ, aliɛmaa nemɔ mane Pɔɔlo ne Silase bɛhɔle Bɛrea. Beedwuli ne, bɛhɔle Yudafoɛ nyianu sua nu.

Asomafoɛ 2:40

Na Petro fale edwirɛ tole dwirɛ nwo dwudwole pee, na otuli bɛ foɛ kyɛ, “Ɛ́mɔhwe ɛmɔ nwo béfi ɛnɛmmafoɛ nzɛmmɔnefoɛ hemɔ anwo!”

Asomafoɛ 20:1

Nziɛ ye bɔ basabasa ne noa dwole ase ne, Pɔɔlo frɛle agyidifoɛ nemɔ maa beyiale; otuli bɛ foɛ na ɔne bɛ lili ngraa, na afei ɔhɔle Makedonia.

Asomafoɛ 20:11

Afei Pɔɔlo sa hɔle aborɔsaen ne aso, ɔfale nikyee kãa hane ye noa; na ɔtoale so dwudwole tonn ma aleɛ hyene, na ofili berɛ hɔle.

Asomafoɛ 20:3

Olili berɛ bosome nza. Na mmerɛ bɔ ɔboaboa ye nwo kɔfa ɛlɛen kɔ Siria nen, ɔtele kyɛ Yudafoɛ ne abɔ ye ti so porɛ bɛtɛ ye; yiti ɔyɛle kyɛ osa ye si fa ase kɔfa Makedonia kɔ.

1 Korintofoɛ 4:19

Sɛ Awurade ma me ate a, ɔngɔhyɛ biala ngɔwa ɛmɔ berɛ, ná maanwu bɛ bɔ bɛyɛ anwomasoɛ nemɔ bɛ tumi, na nna bɔ bɛkekã hɔ ɔ.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

1 Tɛsalonikafoɛ 2:11

Ɛmɔse kyɛ yɛtuli ɛmɔ nu biala foɛ, yɛkyekyele ɛmɔ wora kyɛbɔ seɛ si yɛ ye mma ɔ, na yɛhyɛle ɛmɔ nguraen,

1 Tɛsalonikafoɛ 2:3

Yɛ dwirɛ bɔ yɛhane ne, oggyi ngondombo anaa adwene tɛɛ biala so, yeɛ nnakannaka biala nne nu;

1 Tɛsalonikafoɛ 4:1

Aliɛmaa mɔ, bɔ ɔpɛ ye bo ɔ, yɛ́srɛ ɛmɔ, ná yɛtu ɛmɔ foɛ wɔ Awurade Yesu nu kyɛ, kyɛbɔ ɛmɔsuane kyɛbɔ ɛmɔkosi bɛkɔbɔ bɛ bra bɔ ɔsɔ Nyameɛ nye befili yɛ berɛ nen, ɛmɔhɔ so bɛyɔ ye mmorosoɛ kyɛbɔ ɛmɔyɔ ne ala.