Asomafoɛ 20:19 - AHYERƐLƐ KRONGRON

¹⁹ Na mmrɛle me nwo ase mvale me nye moen nyɔle m’adwuma wɔ amaneɛ bɔ Yudafoɛ biemɔ bɔle me ti so porɛ maa nwuni ye ne anu.

Asomafoɛ 20:19 Iomraidhean Croise

Edwein 119:136

Mebɔ me nye a, ɛmoen ngome tatatata, ofikyɛ mmenia nni wɔ mmeraa ne aso.

Yeremia 13:17

Nakoso sɛ ɛmɔngotie de a, ɔnate ɛmɔ anwomasoɛ ti, me kra kosũ wɔ mvealeɛ nu; me nye kohwi moen pupuropupuro, na me nye kɔporo moen, ofikyɛ bahye AWURADE mmoaen kure ne nnure bahɔ.

Yeremia 9:1

Ao, ahaa né me ti te mbombonzue, ná me nye te abura bɔ opu moen ɔ. Ahaa eyia ne kɔngɔen ngosu me maen awa brasua ye mmenia bɔ bahũhũ bɛ ne!

Luka 19:41

Na opingyele kuro ne, ná ɔtole ye nye neane ye nen, osũ mane ye kyɛ,

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Asomafoɛ 17:13

Nakoso mmerɛ bɔ Yudafoɛ bɔ bɛwɔ Tɛsalonika ne bɛtele kyɛ Pɔɔlo waahã Nyameɛ dwirɛ ne wɔ Bɛrea koso nen, bɛwale berɛ bɛɛto beguale mmenia nemɔ so anu bɛsɛkyele b’adwene.

Asomafoɛ 17:5

Nakoso Yudafoɛ bɔ banne banni ne, bɛ nye borole, yiti bɛfale ammɔbrafoɛ kekakekafoɛ biemɔ bɛbokale bɛ nwo so, bɛmane ɛlɔen yiale, na bɛmane kuro berɛ yɛle basabasa. Bɛpɛle Yason sua nwo beyiale, bɔ né bɛpena kyɛ bɛtwe bɛ befite bɛbrɛ ɛlɔen ne ɔ.

Asomafoɛ 20:3

Olili berɛ bosome nza. Na mmerɛ bɔ ɔboaboa ye nwo kɔfa ɛlɛen kɔ Siria nen, ɔtele kyɛ Yudafoɛ ne abɔ ye ti so porɛ bɛtɛ ye; yiti ɔyɛle kyɛ osa ye si fa ase kɔfa Makedonia kɔ.

Asomafoɛ 20:31

Yiti ɛmɔla ɛmɔ nwo so, na ɛ́mɔkaye kyɛ mvale me nye moen eyia ne kɔngɔen nduli ɛmɔ nu biala foɛ sɔ alaa afoɛ nza.

Asomafoɛ 21:27

Na ɛlɛsoo bɔ bɛfa bɛpete bɛ nwo ne baaso nen, Yudafoɛ biemɔ bɔ befi Asia maen nu nwuni Pɔɔlo wɔ asɔneyɛɛ sua nu; yiti bɛsɛkyele ɛlɔen bɔ bayia berɛ n’adwene maa bɛhyele Pɔɔlo,

Asomafoɛ 27:23

Ɔnate kyɛ, ɛnɛ kɔngɔen ye, Nyameɛ bɔ nde ye deɛ ná meso ye n’abɔfo wale me berɛ,

Romanfoɛ 1:1

Pɔɔlo, Yesu Kristo akoaa, bɔ bafrɛ me kyɛ mmanyɛ somafoɛ, ná batu me basie berɛ bama Nyameɛ nzɛmba ne,

Romanfoɛ 1:9

Nyameɛ bɔ meso ye sunzum nu, ná mebɔ Ɔwa ne nzɛmba ne dawure ne, odi me adanzeɛ kyɛ nnyakyili ɛmɔ dumaa bɔlɛ le wɔ me mbaeɛbɔlɛ nu.

Romanfoɛ 12:11

Nnɛmɔma ɛmɔ mmɔdenbɔlɛ ɔkɔ ase, ɛ́mɔyɛ hye wɔ sunzum nu, ná ɛ́mɔso Awurade.

2 Korintofoɛ 2:4

Mvale ahometrɛ ne aworabɔlɛ worawora nu, ɔne me nye moenporolɛ pee yeɛ ngyerɛle ɛmɔ ɔ. Manyɛ kyɛ mema ɛmɔ wora bɔ, na mmom né mepena kyɛ ɛmɔnwu kyɛ mekuro ɛmɔ dwirɛ soma.

2 Korintofoɛ 3:5

nna kyɛ yɛfata kyɛ yɛsusu kyɛ yɛ bɔbɔ yɛ mmɔdenbɔlɛ yeɛ yɛfa yɛyɔ nikyee bie ɔ, na mmom yeɛ mmɔdenbɔlɛ ne fi Nyameɛ berɛ.

2 Korintofoɛ 7:5

Mmerɛ bɔ yɛhɔle Makedonia nen, yɛfɛle yɛ nwonaen nu paa, na ɛhawo wale yɛ so wɔ nekaa biala: ngondii pɛle yɛ nwo yiale, na yɛ bɔbɔ yɛ nu koso ɛserɛ hane yɛ.

Galatiafoɛ 1:10

Afei, kuro sona, anaa Nyameɛ yeɛ mepena kyɛ ɔkamvo me ɔ? Anaa mepena kyɛ mesɔ adasa nye? Sɛ kuro sona yeɛ ngu so mesɔ ye nye a, ahaa nnde Kristo akoaa.

Ɛfesofoɛ 6:7

bɔ baye bɛ kunu sefaa bɛyɔ ɛsolɛ adwuma, kyɛ bɛyɔ bɛma Awurade, na nna kuro sona ɔ.

Filipifoɛ 3:18

Mali moa mahã edwirɛ he mahyire ɛmɔ pee paa, na kekesaala ye koso, nne me nye moen mesi so bieku kyɛ, mmenia pee wɔ berɛ bɔ bɛ brabɔlɛ maa bɛyɛ Kristo mmeamudua ne pɔfoɛ ɔ.

Kolosefoɛ 3:24

Ɔnate kyɛ, ɛmɔse kyɛ Awurade berɛ yeɛ ɛmɔkonya ɛmɔ agyapadeɛ bɔ ɔte akatuaa ne ɔ, ofikyɛ Awurade Kristo yeɛ ɛmɔso ye ɔ.

1 Tɛsalonikafoɛ 1:9

Sɔ mmenia nemɔ bɔbɔ deinn bɛkã kyɛbɔ ɛmɔsi belele yɛ nyemene so, ɔne kyɛbɔ ɛmɔasi bahwe bɛ nwo bafi mmosoen nwo bawa Nyameɛ berɛ, kyɛ ɛmɔkɔso Nyameɛ teasefoɛ ne nahorɛniɛ ne,

2 Timoteo 1:4

Na mekaye wɔ nye moen ne a, ɔma me wora dɔ wɔ kyɛ ngonwu wɔ paa ɔ, ná ahaa me nye agye.

Yakobo 1:2

Nniɛma mɔ, sɛ nzɔhwɛ ahoroɔ toto ɛmɔ a, ɛ́mɔbu ye kyɛ ɔte anigye nikye;

1 Petro 1:6

Na ɛhe nu yeɛ ɛmɔdi ahurusi paa ɔ, ɔwɔ nu kyɛ kekesaala ye de ɔsɛ kyɛ ɛmɔ wora bɔ kãa, ɔnate nzɔhwɛ ahoroɔ ne ati,

2 Petro 1:1

Simɔn Petro bɔ nde Yesu Kristo akoaa ne somafoɛ ne, mefa mebrɛ bɛ bɔ ɔnate yɛ Nyameɛ ne Ngoadefoɛ Yesu Kristo tenenee so banya gyidie bɔ odi mu kyɛ yɛ deɛ ne ala ɔ.

Nyekyire 7:15

Na ye sɔ ati yeɛ bɛwɔ Nyameɛ ahennie bia ne nyunu, ná bɛsɔne ye alehyeleɛ ne alesaleɛ wɔ ye asɔneyɛɛ sua nu ɔ; na bɔ ɔte ahennie bia ne aso ne, ɔkɔfa ye tena sua ne kɔkata bɛ so.