Asomafoɛ 2:47 - AHYERƐLƐ KRONGRON

⁴⁷ bɛkamvole Nyameɛ, na maen ne anu ama mukoraa hurole bɛ dwirɛ. Alehyeleɛ biala Awurade fale bɛ bɔ olele bɛ ngoa ne bokale bɛ so.

Asomafoɛ 2:47 Iomraidhean Croise

Luka 19:48

nakoso bannya ye nwo ate, ofikyɛ né mmenia ne amukoraa bayɛ asoɛ betie edwirɛ bɔ ɔkã ne.

Luka 2:52

Na Yesu nyini nworɛ ne nipadua nu, yeɛ onyane adom wɔ Nyameɛ ne sona nyunu.

Asomafoɛ 11:21

Awurade gyinane bɛ si; na mmenia pee bɔ bele belili ne, bɛfale bɛ nwo bɛmane Awurade.

Asomafoɛ 11:24

Né Banaba te sona paa bɔ Sunzum Krongron ne gyidie ayi ye tɛkyɛ ɔ, na ɔhwene mmenia pee maa beelili Awurade si.

Asomafoɛ 13:48

Na mmerɛ bɔ Amaenmaensofoɛ nemɔ bɛtele sɔ dwirɛ nen, ɔyɛle bɛ fɛ, na bɛhyɛle Awurade dwirɛ ne animnyam. Na bɛ bɔ baneanea nu baye bɛ kyɛ benya daa ngoa ne, bele belili.

Asomafoɛ 14:1

Na ɔwale kyɛ Yikoniom koso, bɛ munyɔ bɛhɔle Yudafoɛ nyianu sua nu, na kyɛbɔ besi bedwudwole ne, ɔmane Yudafoɛ ne Helafoɛ pee bele belili.

Asomafoɛ 14:21

Na bɛhane nzɛmba ne behyirele kuro berɛ ama, ná benyane asuafoɛ pee nen, afei besa bɛhɔle Lisetra, Yikoniom ne Antiokia,

Asomafoɛ 16:5

Ɛhe mane asɔre nemɔ nyane anwoserɛ wɔ gyidie nu, na mmeni pee bokale bɛ so daa biala.

Asomafoɛ 17:12

Yiti bɛ nu pee, yeɛ afei Hela mmrasua atitirefoɛ pee ne Hela mmienzua pee lele edwirɛ ne lili.

Asomafoɛ 2:39

Ofikyɛ Nyameɛ anohoba ne wɔ berɛ ma ɛmɔ ne ɛmɔ mma ne bɛ bɔ bɛwɔ dedeede, ɔne ebiala bɔ Awurade, yɛ Nyameɛ, kɔfrɛ ye kɔwa ye berɛ ɔ.”

Asomafoɛ 2:41

Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.

Asomafoɛ 4:21

Yiti badwafoɛ ne nwunanwunane bɛ bieku, na bɛyakyili bɛ kyɛ bɛhɔ. Benwuni kyɛ bɛngɔhora ngogyina edwirɛ biala so ngɔhwe bɛ so, ofikyɛ né bɔ wasi ne ati ebiala ye Nyameɛ ayɛ.

Asomafoɛ 4:33

Asomafoɛ ne fale tumi so lili Awurade Yesu wutingyelɛ ne nwo adanzeɛ, na Nyameɛ hwiele adom pee guale bɛ mukoraa so.

Asomafoɛ 4:4

Nakoso bɛ bɔ bɛtele edwirɛ ne, bɛ nu pee bele belili, na mmenia ne somaa ɔɔyɛle kɔyɛ apee nnu.

Asomafoɛ 6:1

Na sɔ mmerɛ ne anu, bɔ né asuafoɛ nemɔ bɛ́kɔ so bɛ́sone pee ne, Helafoɛ nemɔ bɛyɛlɛ nwuhunwuhu betiale Hebrifoɛ nemɔ, ofikyɛ né bebu bɛ nye begua Helafoɛ akunafoɛ mmrasua mɔ so, sɛ ɔba daa biala nningyein hyɛlɛ nu a.

Asomafoɛ 6:7

Nyameɛ dwirɛ ne hɔle so trɛle; agyidifoɛ bɔ bɛwɔ Yerusalem yɛle pee; asa koso Yuda asɔfo pee bɛɛbokale agyidifoɛ nemɔ aso.

Asomafoɛ 9:31

Yiti asɔre nemɔ bɔ bɛwɔ Yudea ne Galilea ne Samaria mukoraa benyane asomdwee, na benyini nyamesom nu. Na bɛnate Awurade surolɛ ne Sunzum Krongron aworakyekyerɛ nu bɛsone pee.

Asomafoɛ 9:35

Na Lidafoɛ ne bɛ bɔ bɛwɔ Saron mboanoa nwuni biaa ne, na bɛfale bɛ nwo bɛmane Awurade.

Romanfoɛ 14:18

Na sona bɔ ɔso Kristo wɔ atee sɔ ne aso ne, ɔsɔ Nyameɛ nye, na mmenia bu ye.

Romanfoɛ 8:30

Na bɛ bɔ otuli bɛ siele berɛ ne, osa frɛle bɛ; na bɛ bɔ ɔfrɛle bɛ ne, obuale bɛ be koso, na bɛ bɔ obuale bɛ be ne, ɔhyɛle bɛ animnyam koso.

Romanfoɛ 9:27

Yesaya koso pakyele nu ha fale Yisraelfoɛ nwo serɛserɛ kyɛ, “Yisraelfoɛ sone pee kyɛ mboanoa anweaa de, nakoso bɛ nu kãa bie yeɛ bekole bɛ ngoa ɔ;

1 Korintofoɛ 1:18

Kristo mmeamudua ne nwo dwirɛ te ngwaseasɛm ma bɛ bɔ bɛwɔ so bemini ne, nakoso ɔte Nyameɛ tumi ma yɛ bɔ ogu so ode yɛ ngoa ne.