Asomafoɛ 2:45 - AHYERƐLƐ KRONGRON

⁴⁵ Bɛtɔnene b’agyapadeɛ ne bɛ nwo nningyein, na bɛhyɛle sikaa ne bɛmane ebiala kyɛbɔ ohia ɔ.

Asomafoɛ 2:45 Iomraidhean Croise

Edwein 112:9

Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Mateo 19:21

Na Yesu sele ye kyɛ, “Sɛ ekuro kyɛ ɛyɛ pɛpɛɛpɛ a, ye de kɔ, ná kɔtɔne w’anwonyadeɛ, ná fa sikaa ne ma ehiafoɛ, na ekonya agyapadeɛ wɔ nyameɛso; ná afei bra baali me si.”

Luka 16:9

Na mekã mekyire ɛmɔ kyɛ, ɛmɔ de, ɛ́mɔfa anwonyadeɛ fiɛ ne so bie bénya abiɛngoɛ mɔ, amaa sɛ ohia ɛmɔ a, bafa ɛmɔ bahɔ atenaleɛ afebɔɔ nemɔ anu.

Luka 18:22

Na Yesu tele sɔ dwirɛ nen, osele ye kyɛ, “Waha wɔ nikyee ko: Tɔne bɔ ele ye amukoraa, ná kyɛ sikaa ne ma ehiafoɛ, na ekonya agyapadeɛ wɔ nyameɛso; na afei bra baali me si.”

Luka 19:8

Yeɛ Sakeo dwɔso gyinane, na osele Awurade kyɛ, “Ao, Awurade, mefa m’anwonyadeɛ bue mekyɛ ehiafoɛ; na sɛ mafa aminɛlilɛ so male ebie nikyee a, ngɔbɔ ye nwo pɛen nna ngotua ye kerɛ.”

Asomafoɛ 11:29

Yiti asuafoɛ nemɔ yɛle kyɛ bɛ nu biala ɔkekã ye sa ase kãa kyɛbɔ ɔkɔhora ɔ, ná bɛfa bɔ bekonya ye ne bɛɛboka aliɛmaa mɔ bɔ bɛwɔ Yudea ɔ.

Asomafoɛ 4:34

Bɛ nu biala nne berɛ bɔ nikyee hiane ye ɔ, ofikyɛ bɛ bɔ bele aseɛ mɔ ne sua mɔ ne, bɛtɔnetɔnene bɛ, na bɛfale sikaa bɔ benya befili nu ne

Asomafoɛ 4:35

bɛbrɛle asomafoɛ ne; na bɛ koso bɛhyɛ bɛmane ebiala nyane bie, kyɛbɔ ohia ɔ.

2 Korintofoɛ 9:1

Onhia po kyɛ mekyerɛ mmokalɛ bɔ yɛkwaafa yɛboka anwoteefoɛ ne nwo krataa mebrɛ ɛmɔ.

2 Korintofoɛ 9:9

Ofikyɛ bahyerɛ kyɛ, “Ɔye ye kunu fa nningyein kyekyɛ paa, ɔkyɛ ehiafoɛ nikye, ye tenenee wɔ berɛ afebɔɔ.”

1 Yohane 3:17

Nakoso sɛ ebie le wiase anwonyadeɛ, ná sɛ onwu kyɛ oliɛma nwo kyere ye, ná wannwu ye anwumvoin a, né Nyameɛ dɔ ne te ye nu sɛ?