Asomafoɛ 2:42 - AHYERƐLƐ KRONGRON

⁴² Na betuli bɛ nwo besiele berɛ besuane asomafoɛ nemɔ ngyerɛkyerɛ ne b’abiɛngoɛfalɛ ne paanoobubulɛ ne mbaeɛbɔlɛ.

Asomafoɛ 2:42 Iomraidhean Croise

Luka 24:30

Na ɔwale kyɛ ɔne bɛ bɛtenane poen nwo kyɛ bedidi nen, ɔfale paanoo ne, oyirale so, na obubuli nu fa mane bɛ.

Luka 24:35

Yeɛ mmenia nyɔ ne bɛhane bɔ osili atunu dɔ ne, ɔne kyɛbɔ bɛfale paanoo bubulɛ ne anu benwuni kyɛ ye ahɔ ɔ behyirele bɛ.

Asomafoɛ 1:14

Bɛ mukoraa bɛmane b’adwene yɛle ko betuli bɛ nwo besiele berɛ bɛbɔle mbaeɛ, bɛne mmrasua nemɔ ne Yesu maame Maria ne Yesu aliɛmaa mɔ.

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Asomafoɛ 2:46

Na alehyeleɛ biala, beyiale asɔneyɛɛ sua nu ngabonu nu, belili adi wɔ b’awuro mɔ nu, na bɛfale anigye ne ahone bɔ nu te ɔ bedidili;

Asomafoɛ 20:11

Afei Pɔɔlo sa hɔle aborɔsaen ne aso, ɔfale nikyee kãa hane ye noa; na ɔtoale so dwudwole tonn ma aleɛ hyene, na ofili berɛ hɔle.

Asomafoɛ 20:7

Kyẽa bɔ oli moa wɔ dapɛn ne anu ne, mmerɛ bɔ yɛyiale nu kyɛ yɛdidi ne, Pɔɔlo yɛle ngyerɛkyerɛ hyirele bɛ, na ɔtoale so alaa maa oodwuli abunnamu; ofikyɛ né aleɛ kye a, ɔkɔ.

Asomafoɛ 4:23

Bɛyakyili Petro ne Yohane nene, besa bɛwale bɛ mmango nemɔ berɛ, na bɛhane bɔ asɔfo mbanyi ne maen mbanyi nemɔ bɛhane ne amukoraati behyirele bɛ.

Asomafoɛ 4:31

Beyiele mbaeɛ ne bɔ nen, nekaa bɔ beyiale ne wosole. Sunzum Krongron yili bɛ tɛkyɛ, na bɛfale ahoneserɛ bɛbɔle Nyameɛ dwirɛ ne dawure.

Asomafoɛ 6:4

na yɛ koso yanya mmerɛ yatu yɛ nwo yasie berɛ yama mbaeɛbɔlɛ ne nzɛmbahanɛ.”

Romanfoɛ 12:12

Ɛ́mɔnya anigye wɔ anyelasoɛ nu, ɛ́mɔnya aboterɛ wɔ amaneɛnwunɛ nu, ná ɛmɔhɔ so bɛbɔ mbaeɛ daa.

1 Korintofoɛ 10:21

Ɛmɔngɔhora bɛngɔno Awurade kulie noa, ná ɛmɔano sunzummɔne mɔ koso bɛ kulie noa. Ɛmɔngɔhora bengodidi Awurade poen so, ná ɛmɔasa badidi sunzummɔne mɔ bɛ poen so.

1 Korintofoɛ 11:2

Aliɛmaa mɔ, mekamvo ɛmɔ, ofikyɛ ɛmɔkaye me wɔ nikyee biala nu, na ɛmɔdi ngyerɛkyerɛ bɔ mva mane ɛmɔ ne aso.

1 Korintofoɛ 14:6

Yiti aliɛmaa mɔ, sɛ meba ɛmɔ berɛ ná mekã edwudwolɛ ahoroɔ a, mvasoɛ beni yeɛ ɛmɔkonya bekofi me nwo ɔ? Sana mefa nyekyire anaa nimdeɛ anaa ngɔmhyɛlɛ anaa ngyerɛkyerɛ so yeɛ medwudwo mekyire ɛmɔ ɔ.

Galatiafoɛ 1:6

Ɔyɛ me nwanwa kyɛ wangyɛ biala yeɛ ɛmɔtwe ɛmɔ nwo befi ye nwo ɔ, ye bɔ ɔfrɛle ɛmɔ wale Kristo adom ne anu, ná ɛmɔkwaali nzɛmba foforɛ si ɔ.

Ɛfesofoɛ 2:20

Bafa ɛmɔ basie asomafoɛ nemɔ ne ngɔmhyɛlɛfoɛ nemɔ fapem bɔ Yesu Kristo bɔbɔ yeɛ ɔte ye ndweasoɛ nyɔboɛ titire ne aso.

Ɛfesofoɛ 6:18

Ɛ́mɔfa mbaeɛbɔlɛ ne ngotosrɛ amukoraa bɛ́bɔ mbaeɛ daa wɔ Sunzum nu. Yiti ɛ́mɔwɛne, ná ɛmɔhɔ so bɛsrɛ bɛma anwoteefoɛ amukoraa,

Filipifoɛ 1:5

ɔnate ɛmɔ abiɛngoɛfalɛ bɔ ɛmɔanya ye wɔ nzɛmba ne anu fi kyẽa bɔ oli moa ne toonn maa waadwu ɛnɛ ne ati;

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

Kolosefoɛ 4:2

Ɛmɔhɔ so bɛbɔ mbaeɛ, ná ɛ́mɔfa asennaa bɛwɛne wɔ mbaeɛbɔlɛ ne anu.

2 Timoteo 3:14

Nakoso wɔ de, bɔ asua ɔne bɔ ale ali ne, kɔ so sɔ nu yé, ofikyɛ sona bɔ esua fili ye berɛ ne, ɛse kyɛbɔ osi te ɔ,

Hebrifoɛ 10:25

Nnɛmɔma yɛyakyi yɛ nwo yɛ nwo nyianuyɛlɛ, kyɛbɔ ebiemɔ de bayakyi ye yɔlɛ nen; na mmom ɛ́mɔma yɛhɔ so yɛtutu yɛ nwo yɛ nwo foɛ, nganga kekesaala ye bɔ ɛmɔnwu ye kyɛ Kyẽa ne apingye ye.

Hebrifoɛ 10:39

Nakoso yɛ de, yɛbboka mmenia bɔ besa bɛ si bɛkɔ sɛkyelɛ nu ne aso; na mmom yɛboka bɛ bɔ bede bedi ná bɛ kra nya daa ngoa ne aso.

1 Yohane 1:3

Bɔ yanwu ye ná yate ne yeɛ yɛ koso yɛbɔ ye dawure yɛkyire ɛmɔ ɔ, amaa ɛmɔ koso ɛmɔ ne yɛ atira abiɛngoɛ; na y’abiɛngoɛ he, yɛne Baba ne, ɔne Ɔwa Yesu Kristo yeɛ yatira ɔ.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.

1 Yohane 2:19

Befi yɛ nu yeɛ bɛhɔle ɔ, nakoso né bɛmmɔ yɛ fekue ne bie. Ofikyɛ sɛ bɛbɔ yɛ fekue ne bie a, ahaa bɛ ne yɛ hɔle so tenane. Na bafi yɛ nu maa wala ali kyɛ bɛ mukoraa bɛmmɔ yɛ fekue ne bie.

Yuda 1:20

Nakoso ɛmɔ de, aliɛmaa mɔ, ɛmɔhɔ so benyi wɔ ɛmɔ gyidie krongron paa ne anu, ná ɛ́mɔbɔ mbaeɛ wɔ Sunzum Krongron nu;