Asomafoɛ 2:41 - AHYERƐLƐ KRONGRON

⁴¹ Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.

Asomafoɛ 2:41 Iomraidhean Croise

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Yohane 14:12

Nahorɛ nu paa, mekã mekyire ɛmɔ kyɛ: Ebiala bɔ ode me di nen, ye koso ɔkɔyɔ nnwumaa bɔ meyɔ ne bie, na ɔkɔyɔ bɔ ɔte mbiri mbiri tra ɛhemɔ ɔ; ofikyɛ me de, mékɔ me Baba ne berɛ.

Yohane 21:11

Yiti Simɔn Petro hɔle ɔɔhwene asawu ne wale etii so, bɔ né naen mbiri mbiri ɛyaa ko ne aburannu ne nza bayi ye tɛkyɛ ɔ. Né bɛsone sɔ de, nakoso asawu ne andete.

Asomafoɛ 1:15

Ngyẽa kãa bie asi ne, agyidifoɛ ne yiale, na né bɛte kɔyɛ ɛyaa ko ne aburanyɔ. Petro dwɔso gyinane b’afia na ɔhane kyɛ,

Asomafoɛ 13:48

Na mmerɛ bɔ Amaenmaensofoɛ nemɔ bɛtele sɔ dwirɛ nen, ɔyɛle bɛ fɛ, na bɛhyɛle Awurade dwirɛ ne animnyam. Na bɛ bɔ baneanea nu baye bɛ kyɛ benya daa ngoa ne, bele belili.

Asomafoɛ 2:37

Na bɛtele sɔ dwirɛ ne nen, opusuli bɛ paa, na bebisale Petro ne asomafoɛ ngaa nemɔ kyɛ, “Aliɛmaa mɔ, nzu yeɛ yɛ́yɔ ɔ?”

Asomafoɛ 2:47

bɛkamvole Nyameɛ, na maen ne anu ama mukoraa hurole bɛ dwirɛ. Alehyeleɛ biala Awurade fale bɛ bɔ olele bɛ ngoa ne bokale bɛ so.

Asomafoɛ 27:37

Né yɛ bɔ yɛwɔ ɛlɛen ne anu amu yɛte mmenia ɛyaa nyɔ ne aburasoo ɔne nzia.

Asomafoɛ 3:23

Na sona biala bɔ wandie sɔ ngɔmhyɛlɛniɛ nen, bɛkɔye ye bekofi Nyameɛ mmenia ne anu, na basɛkye ye.’

Asomafoɛ 4:4

Nakoso bɛ bɔ bɛtele edwirɛ ne, bɛ nu pee bele belili, na mmenia ne somaa ɔɔyɛle kɔyɛ apee nnu.

Asomafoɛ 7:14

Na Yosef fale ngraa maa beesele ye baba Yakob ne ye abusuafoɛ ne amukoraa kyɛ bɛbra. Né bɛ mukoraa bɛte aburasoo ne nnu.

Romanfoɛ 13:1

Ɔsɛ kyɛ sona biala brɛ ye nwo ase wura maen mbanyi tumi bo, ofikyɛ tumi biala nne berɛ, sana bɔ ofi Nyameɛ berɛ ɔ; na tumi mɔ bɔ bɛwɔ berɛ ne, Nyameɛ yeɛ wahyehyɛ wato berɛ ɔ.

1 Tɛsalonikafoɛ 1:6

Ɛmɔsuasuane yɛ ne Awurade; na ɔwɔ nu kyɛ ɛmɔnwuni amaneɛ pee wɔ edwirɛ ne anwo de, nakoso ɛmɔfale anika bɔ ofi Sunzum Krongron berɛ bɛsɔle nu.

1 Petro 3:20

bɔ daa tete mmerɛ bɛyɛle asoserɛ, mmerɛ bɔ Nyameɛ nwondɛle aboterɛ nu wɔ Nowa aberɛ so, bɔ né ɔ́bobɔ ɛlɛen alaka ne. Sɔ mmerɛ ne, mmenia kãa bie, bɔ bɛte mmɔtwɛ ɔ yeɛ bɛfale nzue so belele bɛ ngoa ɔ.

Nyekyire 16:3

Na abɔfo bɔ ɔtɔ so nyɔ ne hwiele bɔ ɔwɔ ye kulie ne anu guale ɛpo nu, na ɔkakyili kyɛ efuin mogya, na ɛpo ne anu ngaka amukoraa wuwuli.