Asomafoɛ 2:33 - AHYERƐLƐ KRONGRON

³³ Yiti Nyameɛ mane ye so hɔle ye sa famaa so; na onyane Sunzum Krongron bɔhyɛ ne fili Baba ne berɛ, na ɛhe yeɛ wahwie wagua yɛ so bɔ ɛmɔnwu ye ná ɛmɔte ye.

Asomafoɛ 2:33 Iomraidhean Croise

Edwein 118:16

AWURADE ama ye sa famaa ne aso, AWURADE sa famaa ne di ngonim.”

Edwein 89:19

Mmerɛ bie, ɛnate nyekyire so dwudwo hyirele wɔ nahorɛniɛ ne kyɛ, “Mafa mmokalɛ mama ebie bɔ ye nwo yɛ se ɔ, na sona bɔ maneanea maen ne anu maye ye ne, mapagya ye.

Edwein 89:24

Me nahorɛlilɛ ne me ɔdɔ bɔ onni ngasi ne, bekogyina ye si; na me dumaa nu yeɛ ɔkɔhɔ so konya anwoserɛ ɔ.

Yesaya 52:13

Ɛ́mɔtie, okoyie me somvoɛ ne yé, bɛkɔma ye anidie ná bama ye so, na ɔkɔyɛ titire paa.

Yesaya 53:12

Yiti ngɔfa ye kyɛfa ngɔma ye wɔ atitirefoɛ nu, na ɔne anwoserɛfoɛ bɛkɔhyɛ koɛ nu nzesadeɛ ne, ofikyɛ ɔfale ye kra tole berɛ mane ewue, bɛhale ye bɛfrale mmeraatolɛfoɛ; nakoso ɔfale menni pee bɛ bɔne tole ye nwo so, na olili mmeraatolɛfoɛ bɛ ti dwirɛ mane bɛ.

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Marko 16:19

Na afei, Awurade Yesu dwudwo hyirele bɛ yiele nen, Nyameɛ fale ye hɔle nyameɛso, na ɔɔtenane Nyameɛ sa famaa so.

Luka 24:49

Na ɛ́mɔtie, ngɔsoma me Baba bɔhyɛ ne maa ɔkɔwa ɛmɔ so; nakoso ɔsɛ kyɛ ɛmɔnwondɛ wɔ Yerusalem kuro ye anu, kodwu mmerɛ bɔ bɛkɔma ɛmɔ anwoserɛ bekofi anwuro ɔ.”

Yohane 14:16

Na me de, ngobisa Baba ne, na ɔkɔma ɛmɔ Aworakyekyerɛniɛ foforɛ, ná ɔne ɛmɔ baatena daa,

Yohane 14:26

Na Aworakyekyerɛniɛ ne, bɔ ye ole Sunzum Krongron ne, bɔ Baba ne kɔsoma ye wɔ me dumaa nu ne, ye yeɛ okohyirehyire ɛmɔ nikyee biala ɔ, na ɔkɔkaye ɛmɔ bɔ mahã mahyire ɛmɔ ne amukoraa.

Yohane 15:26

“Na Aworakyekyerɛniɛ ne, nahorɛ Sunzum bɔ ofi Baba ne berɛ, bɔ ngɔsoma ye ngɔbrɛ ɛmɔ ngofi Baba ne berɛ ne, sɛ ɔba a, ye yeɛ okoli me nwo adanzeɛ ɔ;

Yohane 17:5

Afei, O Baba, animnyam bɔ nne ye wɔ berɛ koraka yeɛ ewiase baawa ne, fa hyɛ me animnyam wɔ wɔ bɔbɔ wɔ berɛ.

Asomafoɛ 1:4

Ɛlɛho bie, ɔne bɛ yiale, na ɔhyɛle bɛ kyɛ, “Nnɛma ɛmɔfi Yerusalem bɛkɔ, na mmom ɛmɔnwondɛ me Baba anohoba bɔ ngane ye nwo dwirɛ ngyirele ɛmɔ ne.

Asomafoɛ 10:45

Na agyidifoɛ bɔ befi bienzuapɛlɛfoɛ nu bɔ bɛne Petro wale ne, ɔyɛle bɛ nwanwa kyɛ bahwie Sunzum Krongron akyɛdeɛ ne bagua Amaenmaensofoɛ mɔ koso so ɔ,

Asomafoɛ 2:17

‘Nyameɛ nwa: Na ɔkɔwa kyɛ, ngyẽa bɔ oli nziɛ ne anu, ngohwie me Sunzum ngogua anwoɔnaen amukoraa so, na ɛmɔ mma mmienzua ne ɛmɔ mmrasua kɔhyɛ ngɔm; ɛmɔ mmerandeɛ mɔ konya nyekyire, na ɛmɔ mbanyi mɔ kɔhyehye laleɛ;

Asomafoɛ 5:31

Ye yeɛ Nyameɛ mane ye so siele ye sa famaa so bɔle ye panyi, na ɔyɛle ye Ngoadefoɛ kyɛ ohyire Yisrael maen atee ma benya adwenesakyera na banya bɔnefakyɛ ɔ.

Romanfoɛ 5:5

Na anyelasoɛ nni ngasi, ofikyɛ Nyameɛ nate ye Sunzum Krongron bɔ ɔfa mane yɛ ne aso wafa ye ɔdɔ somaa ne wawura yɛ ahone nu.

Galatiafoɛ 3:14

Na ɛhe sili kyɛbɔ Amaenmaensofoɛ kɔfa Kristo Yesu so bekonya Abraham saleɛ ne bie ɔ, amaa yafa gyidie so yanya Sunzum bɔ Nyameɛ fa bɔle anohoba ne.

Ɛfesofoɛ 1:13

Na ye nu yeɛ ɛmɔ koso, ɛmɔtele nahorɛ dwirɛ bɔ ɔte ɛmɔ ngoalelɛ nwo nzɛmba ne ɔ. Ye ala nu koso yeɛ ɛmɔle belili ɔ, na ɔfale Sunzum Krongron bɔ wahyɛ ye nwo bɔ ne hyɛle ɛmɔ nzorɛ kyɛ ɛmɔte ye deɛ,

Ɛfesofoɛ 4:8

Yiti ɔnwa: “Mmerɛ bɔ ɔfo hɔle anwuro anwuro nen; ɔhyele pee nnure ɔne bɛ hɔle, na ɔmane mmenia akyɛdeɛ.”

Tito 3:6

Na ɛhe yeɛ ɔnate yɛ Ngoadefoɛ Yesu Kristo so ohwie guale yɛ so mmorosoɛ ɔ,

Hebrifoɛ 10:12

Nakoso Yesu de, ɔbɔle bɔne nwo afɔleɛ komapɛ twe bɔ odi mu afebɔɔ yiele nen, ɔtenane Nyameɛ sa famaa so,

Hebrifoɛ 2:9

Nakoso yɛnwu Yesu kyɛ, (mmerɛ kãa bie anu) Nyameɛ maa ɔhɔle ase kãa trale abɔfo mɔ, amaa ɔnate Nyameɛ adom ti wawu wama adasa mukoraa. Na ɔnate ye wue bɔ owuli ne ati, Nyameɛ afa animnyam ne anidie wabɔ ye abotire.

1 Petro 1:21

Na ɔnate ye so yeɛ ɛmɔde Nyameɛ bɔ otingyele ye fili awufoɛ nu ná ɔhyɛle ye animnyam ne bedi ɔ, amaa ɔnate so ɛmɔanya gyidie ne anyelasoɛ wɔ Nyameɛ nu.

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.