Asomafoɛ 2:27 - AHYERƐLƐ KRONGRON

²⁷ Ofikyɛ ɛngɔyakyi me kra ma ɔngɔha ɛborɔ, yeɛ ɛngɔma wɔ Krongronniɛ ne ɔngɔporɔ wɔ ngɔporɔ ɛborɔ kumaa nu.

Asomafoɛ 2:27 Iomraidhean Croise

Edwein 116:3

Ewue nyamaa brabrale me. Ɛborɔ dɔ yealɛ sɔle me nu; nwuni amaneɛ ne aworabɔlɛ.

Edwein 16:10

Ofikyɛ ɛngɔma me kra ngɔha ɛborɔ, yeɛ ɛngɔma w’anwoteeniɛ ne ngɔporɔ ɛborɔ kumaa nu.

Edwein 49:15

Nakoso Nyameɛ kɔpɔ me kra kofi ɛborɔ sa nu, ofikyɛ okole me. Sela

Edwein 86:13

Ofikyɛ wɔ ɔdɔ bɔ onni ngasi bɔ ɛye ye ali kyire me ne, ɔte piri, na apepɛ ale me kra afi ɛborɔ kumaa nu.

Edwein 89:19

Mmerɛ bie, ɛnate nyekyire so dwudwo hyirele wɔ nahorɛniɛ ne kyɛ, “Mafa mmokalɛ mama ebie bɔ ye nwo yɛ se ɔ, na sona bɔ maneanea maen ne anu maye ye ne, mapagya ye.

Yona 2:6

Ndwu ngɔle mmokaa nemɔ abo dɔ paa, ndwu ngɔle aseɛ ne aso; aseɛ bɔ ye mmuralɛ bɔ ɔbrambram ye pambim mɔ asi ne, ɔhane me miane afebɔɔ ne. Nakoso ao AWURADE me Nyameɛ, ɛyele me ngoa fili ɛborɔ kumaa nu dɔ fite wale.

Mateo 11:23

Na wɔ, Kapanɔm, bɛkɔma wɔ so bɛkɔhɔ nyameɛso anaa? Daabi. Bekogyi wɔ bɛkɔto abɔnzam see nu. Ofikyɛ, nnwumaa mbiri mbiri bɔ bɛyɔle bɛ wɔ wɔ nu ne, sɛ bɛyɔle bɛ wɔ Sodom a, ahaa ɔtɛwɔ berɛ maa waadwu ɛnɛ.

Marko 1:24

“Yesu Nasarɛteniɛ, nzikyɛ yeɛ yɛne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, Nyameɛ ye Krongronniɛ ne.”

Luka 1:35

Na abɔfo ne buale ye kyɛ, “Sunzum Krongron ne kɔwa wɔ so, na Anwuro Anwuroniɛ ne, ye tumi komundu wɔ so; yiti baa krongron bɔ ɛkɔwo ye ne, bɛkɔfrɛ ye Nyameɛ Awa.

Luka 16:23

Na ɔwɔ abɔnzam see nu, ná onwu amaneɛ nen, ɔtole ye nye anwuro, na onwuni Abraham wɔ dedeede ɔne Lasarɔso kyɛ ɔwɔ ye berɛ ɔ.

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Luka 4:34

“Yesu bɔ efi Nasarɛte, nnɛba teetee yɛ! Nzikyɛ yeɛ yɛ ne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, wɔ ole Nyameɛ ye Krongronniɛ ne!”

Yohane 11:39

Na Yesu hane kyɛ, “Ɛ́mɔye nyɔboɛ ne!” Na bɔ wawu n’aliɛma brasua Maata sele ye kyɛ, “Awurade, kekesaala ye de, ɔbõ, ɔnate kyɛ owuli ɔ ɛlɛnna ɛhe.”

Asomafoɛ 2:26

Yiti m’ahone lili ahurusi, na me temverema nwo sandele ye; na me nwonaen koso kɔla wɔ anyelasoɛ nu.

Asomafoɛ 2:28

Ahyire me ngoa atee; na ɔnate kyɛ ɛne me wɔ berɛ ne ati, ngonya anika mmorosoɛ.’

Asomafoɛ 2:31

Onwuni bɔ kyẽa bie okosi ɔ, yiti ɔhane Kristo wutingyelɛ ne nwo dwirɛ kyɛ, ‘Wanyakyi ye wɔ ɛborɔ; na ye nwonaen amborɔ kumaa nu.’

Asomafoɛ 3:14

Ɛmɔpole Krongronniɛ ne Teneneeniɛ ne, na mmom ɛmɔpale kyerɛ maa bɛyakyili kodiawuniɛ ne bɛmane ɛmɔ.

Asomafoɛ 4:27

Ɔte nahorɛ, Herode ne Pontio Pilato ne Amaenmaensofoɛ ne Yisrael maen beyiale sɔ kuro he anu bɛbɔle wɔ Ɛwa Krongron Yesu bɔ apopa ye ngoo ne ti so porɛ.

1 Korintofoɛ 15:52

Na mvum nu, kyɛ ɛbɔ wɔ nye perɛ ne, totorobɛndo bɔ ɔpɛ ye bo ne kohu. Ofikyɛ bekohu totorobɛndo ne, na bekotingye awufoɛ bɛkɔhɔ tebea bɔ bɛmborɔ ɔ nu, na yɛ de yɛkɔkakyi.

1 Korintofoɛ 15:55

Wɔ, ewue, wɔ noa borɔ wɔ ni? Wɔ, ewue, wɔ ngonim wɔ ni?”

1 Yohane 2:20

Nakoso ɛmɔ de, Krongronniɛ ne wapopa ɛmɔ ngoo, yiti ɛmɔse nikyee biala.

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.

Nyekyire 20:13

Na ɛpo yele awufoɛ bɔ bɛwɔ ye nu ne wale. Ewue ne Ɛborɔ yeyele awufoɛ bɔ bɛwɔ bɛ nu ne bɛwale. Na bebuale bɛ nu biala ndɛen kyɛbɔ bɛ nnwumaa te ɔ.

Nyekyire 3:7

“Kyerɛ kɔma Filadɛɛfia asɔre ne anu abɔfo ne kyɛ, ‘Krongronniɛ ne nahorɛniɛ ne, bɔ otira Dawide safoaa ne, bɔ obukye a ebiala ndo nu, bɔ ɔto nu a ebiala mmukye ne, ye noa dwirɛ ɛhe: