Asomafoɛ 2:23 - AHYERƐLƐ KRONGRON

²³ Na sɔ Yesu ne, bɛyele ye bɛmane, ɔnate kyɛ né Nyameɛ ayɔ sɔ nhyehyɛleɛ ne, yeɛ né koso ɔse sɔ dada. Na ɛmɔfale bɔnefoɛ so bɛbɔle ye mmeamudua nu behuni ye.

Asomafoɛ 2:23 Iomraidhean Croise

Gyenesise 50:20

Ɛmɔ de, ɛmɔambena me ne paa, nakoso Nyameɛ nhyehyɛleɛ maa ɔkakyili paa; kyɛ ɔnate so okole mmeni pee ngoa, kyɛbɔ afei wala ali ye.

Edwein 76:10

“Amba, mmenia yaafɛlɛ po, ɔkakyi ayɛyelɛ ma wɔ; wɔ yaafɛlɛ piri ne, ɛfa ye ngaa bɔ abɔsoɛ.

Yesaya 37:26

“ ‘Aso ande, kyɛ sɔ dwirɛ ne, ndwenene ye nwo ahyɛ ɔ? Ofi tetetete yeɛ nikyee bɔ meyɔ ye kekesaala ye ne nhyehyɛ ndole berɛ ɔ, kyɛ nguro bɔ bato bɛ nwo fasue nemɔ, odi kyɛ ɛsɛkye bɛ maa bɛkakyi kurofoen ɔ.

Daniel 4:35

na aseɛ sofoɛ amukoraa bɛtte huu wɔ ye nye so, bɔ okuro biala yeɛ ɔyɔ ye wɔ nyameɛso lɔen mɔ nu, ɔne aseɛ sofoɛ mɔ nu ɔ, na ebiala nne berɛ bɔ ɔkɔhora kogyina ye tumi noa, anaa okobisa ye kyɛ, ‘Nzikyɛ yeɛ ɛyɔ e?’

Mateo 20:19

na bɛkɔfa ye bekowura Amaenmaensofoɛ sa kyɛ bɛgoro ye nwo, ná befi ye mbire, ná bɛbɔ ye mmeamudua nu; na ye ɛlɛsa ne aso okotingye.”

Mateo 26:24

Sona Awa ne ɔ́kɔ kyɛbɔ bahyerɛ bafa ye nwo ne, nakoso kuro sona bɔ ɔkɔye Sona Awa ne kɔma ne de, ye yaakɔ! Sɛ banwo sɔ sona ne po a, ahaa ɔte paa ma ye!”

Mateo 27:35

Na bɛbɔle ye mmeamudua nu nen, beguale serewa bɛhyɛle ye ndaadeɛ ne, [amaa ɔnate so, bɔ ngɔmhyɛlɛniɛ ne hane ne wawa nu kyɛ: bɛhyɛle me ndena nu bɛfale, na beguale serewa bɛhyɛle me ndaadeɛ.]

Marko 15:24

Na bɛbɔle ye mmeamudua nu nen, bɛhyehyɛle ye ndaadeɛ ne anu, na beguale serewa bɛpenane ebiala deɛ bɔ okonya ɔ.

Luka 22:22

Nahorɛ nu, Sona Awa ne ɔ́kɔ kyɛbɔ bahyehyɛ ne, nakoso sona bɔ ɔkɔye ye kɔma ne de, ye yaakɔ!”

Luka 22:37

Na mekã mekyire ɛmɔ kyɛ, sɔ dwirɛ he bɔ Ahyerɛlɛ ne ɔkã ne, ɔsɛ kyɛ ɔba nu wɔ me nwo kyɛ, ‘Bɛhale ye bɛfrale mmeraatolɛfoɛ.’ Ofikyɛ bɔ ɔfa me nwo ne, ye mmerɛ bɔ ɔsɛ kyɛ ɔba nu ne wadwu.”

Luka 23:33

Na bedwuli nekaa bie bɔ bɛfrɛ berɛ “Tire Kokuroka so,” na berɛ yeɛ bɛbɔle ye ne bɔnefoɛ nemɔ mmeamudua nu ɔ: ko wɔ ye famaa so, yeɛ ko koso wɔ ye bɛen so.

Luka 24:20

ɔne kyɛbɔ yɛ asɔfo mbanyi ne maen mbanyi bɛyele ye bɛmane maa bebuale ye ewue foɛ, ná babɔ ye mmeamudua nu ɔ.

Yohane 19:18

Berɛ yeɛ bɛbɔle ye mmeamudua nu ɔ, bɔ mmenia nyɔ bɛboka ye so ɔ, wɔ ye bue nyɔ ne, bɔ Yesu wɔ b’afia ɔ.

Yohane 19:24

Yeɛ besisele bɛ nwo kyɛ, “Nnɛmɔma yɛsunzua nu, na mmom ɛ́mɔma yɛgua so serewa yɛnwu bɔ ɔkɔyɛ ye deɛ ɔ.” Na ɛhe mane Ahyerɛlɛ ne wale nu kyɛ, “Bɛhyɛle me ndena bɛfale, yeɛ beguale serewa wɔ m’ataadeɛ so.”

Asomafoɛ 13:27

Na ɔnate kyɛ bɛ bɔ bɛwɔ Yerusalem ne bɛ mbanyi mɔ bammu Yesu kyɛ ye ole Ngoadefoɛ ne, ná afei ngɔmhyɛlɛfoɛ dwirɛ bɔ bɛkenga ye afofikyẽa biala ne bande ye bo ne ati, bebuale ye ewue foɛ mane edwirɛ nemɔ wale nu.

Asomafoɛ 15:18

Awurade bɔ ɔmaa yɛnwuni ɛhe fili tetetete ne, ye noa dwirɛ ɛne.’ ”

Asomafoɛ 2:36

“Yiti ma Yisrael awuro ama mukoraa benwu ye tofee kyɛ, Yesu he bɔ ɛmɔbɔle ye mmeamudua nu ne ala yeɛ Nyameɛ ayɛ ye Awurade ɔne Kristo ne ɔ.”

Asomafoɛ 3:18

Nyameɛ ama bɔ ɔfale ngɔmhyɛlɛfoɛ ne amu so ha tole berɛ daa tete ne kyɛ ye Kristo ne konwu amaneɛ ne awa nu.

Asomafoɛ 4:28

Beyiale nu bɛfale adwene bɛyɔle nikyee biala kyɛbɔ wɔ tumi ne wɔ nhyehyɛleɛ aha ato berɛ kyɛ okosi ne.

Asomafoɛ 5:28

“Aso yammera ɛmɔ kitii kyɛ nnɛma ɛmɔyɛ ngyerɛkyerɛ wɔ sɔ sona he dumaa nu anaa? Nakoso ɛmɔama ɛmɔ ngyerɛkyerɛ ne ato apete Yerusalem amukoraa, na ɛmɔpena kyɛ bɛma sɔ sona he wue ne bɔ yɛ ti so!”

Asomafoɛ 5:30

Yɛ nana mɔ Nyameɛ tingyele Yesu bɔ ɛmɔbɔle ye mmeamudua nu behuni ye ne fili ewue nu.

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,

Romanfoɛ 2:12

Amaenmaensofoɛ bɔ bɛnze Mose mmeraa ne, sɛ bɛyɔ bɔne a, nna Mose mmeraa so yeɛ bekogyina bekobua bɛ ndɛen maa bekomini ɔ. Nakoso Yudafoɛ bɔ bɛ de bɛse Mose mmeraa nen, sɛ bɛyɔ bɔne a, Mose mmeraa ne aso yeɛ bekogyina bekobua bɛ ndɛen ɔ.

Romanfoɛ 4:17

kyɛbɔ bahyerɛ kyɛ, “Mafa wɔ mayɛ amaenmaen pee bɛ nana.” Yiti Nyameɛ bɔ Abraham lele ye lili ne, ye bɔ otingye awufoɛ fi ewue nu, ná ɔfa ye noa dwirɛ ma nikyee bɔ ɔnne berɛ kora yɛ berɛ ne, ye nyunu de, Abraham te yɛ nana.

1 Tɛsalonikafoɛ 2:15

Bɛ yeɛ behuni Awurade Yesu ne bɛ bɔbɔ bɛ ngɔmhyɛlɛfoɛ nemɔ ɔ, ná bɛtanene yɛ nye maa yɛnwatili ɔ. Bɛnzɔ Nyameɛ nye, yeɛ bɛko betia mmenia amukoraa.

1 Petro 1:2

bɛ bɔ Baba Nyameɛ waneanea nu waye bɛ fi tetetete, bɔ ɔnate Sunzum Krongron so wate bɛ nwo wama Yesu Kristo nwo sotie ɔne ye mogya nu anwopetenɛ ne: Adom ne asomdwee mmorosoɛ ɔyɛ ɛmɔ deɛ.

1 Petro 1:20

Ye yeɛ bɛyele ye besiele berɛ koraka yeɛ bɛbaabɔ wiase ɔ, nakoso ɔnate ɛmɔ ti yeɛ bala ye ali bahyire wɔ mmerɛ bɔ oli nziɛ ye anu ɔ.

1 Petro 2:8

yeɛ ɔte sundidua nyɔboɛ ne sundiduatolɛ nyɔbotaen ma bɛ.” Na befi ase, ofikyɛ bɛyɛ edwirɛ ne nwo asoserɛ, kyɛbɔ b’ayieleɛ nhyehyɛleɛ te ne ala.

Yuda 1:4

Ofikyɛ mmenia biemɔ bawuawua bɛ nwo baawura ɛmɔ nu, mmenia bɔ ofi tetetete bahyerɛ bɛ nwo dwirɛ bato berɛ bama ndɛenbualɛ he, amumuyɛɛfoɛ bɔ bafa yɛ Nyameɛ adom ne bakakyi ahowibra, ná bɛpo Awurade Yesu Kristo bɔ ɔte yɛ Meneɛ komapɛ ne ɔ.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.