Asomafoɛ 2:14 - AHYERƐLƐ KRONGRON

¹⁴ Petro ne asuafoɛ buru ne ko nemɔ bedwɔsole, na ɔmane ye komvi so dwudwole serɛ hyirele ɛlɔen ne kyɛ, “Yudea mmienzua ne ɛmɔ bɔ ɛmɔte Yerusalem amukoraa, ɛ́mɔyɛ asoɛ betie me, ná ɛ́mɔma ngyire ɛmɔ ɛhe abo.

Asomafoɛ 2:14 Iomraidhean Croise

Anyandera 8:32

“Afei, me mma mɔ, ɛ́mɔtie me e, bɛ bɔ bɛnate m’atee so ne, benya saleɛ.

Yesaya 40:9

O Sion bɔ ɛso ndɛenvɛen ɔ, fo kɔ bokaa tendenn ne aso; O Yerusalem bɔ ɛso ndɛenvɛen ɔ, tea nu kã ye serɛserɛ, tea nu kã, na nnɛsuro. Kã kyire Yuda nguro nemɔ kyɛ, “Ɛ́mɔtie, ɛmɔ Nyameɛ ne ɛhe!”

Yesaya 51:1

“Ɛ́mɔtie me, ɛmɔ bɔ ɛmɔbɔ tenenee bra ɔ, ɛmɔ bɔ ɛmɔpena AWURADE si atee ɔ; ɛ́mɔnea nyɔbotaen bɔ bedwale ɛmɔ befili nu ne, ɔne kumaa bɔ nu yeɛ betuli ɛmɔ befili ne.

Yesaya 51:4

“Me mmenia, ɛ́mɔtie me yé, me maen, yɛ asoɛ tie me; ofikyɛ mmeraa kofi me berɛ kɔwa, na me ndɛenbualɛ kɔyɛ kanea kɔma maen maen mɔ.

Yesaya 51:7

“Ɛ́mɔtie me, ɛmɔ bɔ ɛmɔse tenenee ɔ, maen bɔ me mmeraa wɔ b’ahone nu ɔ; nnɛma ɛmɔsuro mmenia animguaseɛ bɔ begua ɛmɔ ɔ, yeɛ nnɛmɔma bɛ nzoaapepɛlɛ ne obu ɛmɔ abasa nu.

Yesaya 52:8

Tie! W’awɛmvoɛ nemɔ bɛma bɛ komvi so, bɛbɔ nu bɛto ahurusi dwein, ofikyɛ bɛ nye tua AWURADE kyɛ osa ba Sion ɔ.

Yesaya 55:2

Nzu ati yeɛ ɛmɔfa sikaa bɛtɔ nikyee bɔ nna aleɛ ahɔ ɔ, ɔne kyɛ ɛmɔsɛkye ɛmɔ anwoserɛ wɔ nikyee bɔ ɔmma ɛmɔ ko nyi nwo ɔ? Ɛ́mɔtie me yé, ná ɛ́mɔli bɔ ɔte paa ɔ, ná ɛ́mɔma ɛmɔ kra nye gye aleɛ sɔkyee nwo.

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Hosea 8:1

“Fa totorobɛndo ne tua wɔ noa! Ɔkɔyɛ kyɛ kɔleɛ kɔwa AWURADE awuro ne aso, ofikyɛ babu m’apam ne aso, na bato me mmeraa ne.

Mateo 2:1

Mmerɛ bɔ bɛwole Yesu wɔ Betlehem bɔ ɔwɔ Yudea, wɔ ɛhene Herode aberɛ so nen, nworɛfoɛ biemɔ fili eyia afiteleɛ maen nu dɔ bɛwale Yerusalem,

Asomafoɛ 1:26

Beguale bɛ munyɔ bɛ so serewa, na serewa ne yele Matiase; na bɛfale ye bɛbokale asomafoɛ buru ne ko ne aso.

Asomafoɛ 13:16

Yiti Pɔɔlo dwɔso gyinane, ɔmane ye sa so hyirele kyɛ bɛyɛ dinn, na osele bɛ kyɛ, “Aliɛmaa mɔ Yisraelfoɛ ne Amaenmaensofoɛ mukoraa bɔ besuro Nyameɛ ɔ, ɛmɔyɛ asoɛ betie me!

Asomafoɛ 2:22

“Yisraelfoɛ, ɛmɔtie edwirɛ he! Yesu bɔ ofi Nasarɛte ne, ɔte sona bɔ Nyameɛ yele ye tumi ne hyirele ɛmɔ wɔ nzɛngyerɛnneɛ ne anwanwadeɛ bɔ Nyameɛ fale ye so yɔle, kyɛbɔ ɛmɔ bɔbɔ bɛse ne, ofikyɛ ɛhe amu sili ɛmɔ nyunu.

Asomafoɛ 21:28

na bɛteane nu kyɛ, “Yisraelfoɛ ee, ɛmɔbra oo, na sona bɔ ɔnate ɔyɛ ngyerɛkyerɛ kyire mmenia wɔ nekaa biala fa tia Yisraelfoɛ ne Mose mmeraa ne asɔneyɛɛ sua ne ɛhe oo! Na wasa wafa Helafoɛ po wawa asɔneyɛɛ sua ne anu waagua Nekaa Krongron ne nwo fiɛ.”

Asomafoɛ 5:35

Na osele badwafoɛ nemɔ kyɛ, “Yisraelfoɛ, ɛ́mɔnea yé wɔ nikyee bɔ ɛmɔpena kyɛ ɛmɔfa bɛyɛ sɔ mmenia hemɔ ne anwo.

Asomafoɛ 7:2

Na Setefano buale kyɛ, “Aliɛmaa mɔ ne me baba mɔ, ɛ́mɔtie me! Animnyam Nyameɛ ne ɔyele ye nwo ali hyirele yɛ nana Abraham mmerɛ bɔ né ɔwɔ Mesopotamia ne, koraka yeɛ ɔbaahɔ kɔtena Haran ɔ,

Deuteronomi 27:9

Afei Mose ne Lewifoɛ bɔ bɛte asɔfo ne sele Yisraelfoɛ amukoraati kyɛ, “O Yisrael, ma wɔ so bra wa ná tie! Ɛnɛ kyẽa ye, ayɛ AWURADE wɔ Nyameɛ maen.

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?